လက်ရှိအစိုးရ သက်တမ်းအတွင်း အိမ်ယာတည်ဆောက်ရေးတွင် နိုင်ငံခြားရင်းနှီးမြှုပ်နှံမှု ဒေါ်လာ ၃ ဘီလီယံခွဲကျော်ဝင်ရောက်ထား

[Unicode]

လက်ရှိအစိုးရ သက်တမ်းတွင် အိမ်ယာတည်ဆောက်ရေးလုပ်ငန်းများတွင် နိုင်ငံခြားရင်းနှီးမြှုပ်နှံမှု ဒေါ်လာ ၃ ဘီလီယံခွဲခန့်ဖြင့် တတိယအများဆုံးဝင်ရောက်သည့် ရင်းနှီးမြှုပ်နှံမှုလုပ်ငန်းဖြစ်လာသည်ဟု ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာနကထုတ်ပြန်သည်။

လက်ရှိအစိုးရလက်ထက် လေးနှစ်ခွဲကာလတွင် နိုင်ငံခြားရင်းနှီး မြှုပ်နှံမှု အမေရိကန်ဒေါ်လာ ၂၄ ဒသမ ၆ ဘီလီယံဖိုး ဝင်ရောက် ထားပြီးဖြစ်ကြောင်း မြန်မာနိုင်ငံရင်းနှီးမြှုပ်နှံမှုကော်မရှင် (MIC)က ထုတ်ပြန်သော စာရင်းများတွင် ဖော်ပြသည်။

ထိုထဲတွင် အများဆုံးဝင်ရောက်ထားသည့် ရင်းနှီးမြှပ်နှံမှုလုပ်ငန်းမှာ တယ်လီကွန်းနှင့် ဆက်သွယ်ရေးလုပ်ငန်း ဖြစ်ပြီး စုစုပေါင်း ဒေါ်လာ ၆ဒသမ၁ ဘီလီယံကျော်ဖိုးဝင်ရောက်ထားသည်ဟုဆိုသည်။ စုစုပေါင်းလုပ်ငန်း ၂၉ ခုရှိသည်ဟုဆိုသည်။

ဒုတိယအများဆုံးလုပ်ငန်းမှာ ကုန်ထုတ်လုပ်မှုဖြစ်ပြီး ဒေါ်လာ ၅ ဒသမ ၉ ရာခိုင်နှုန်းဝင်ရောက်ထားသည်။ စုစုပေါင်းလုပ်ငန်း ၇၀၀ခန့်ရှိသည်။

တတိယအများဆုံးမှာ အိမ်ဆောက်လုပ်ရေးလုပ်ငန်းဖြစ်ပြီး ဒေါ်လာ ၃ဘီလီယံခွဲခန့်ရှိပြီး လုပ်ငန်းပေါင်း ၂၇ ခုဝင်ရောက်ထားသည်ဟု ကော်မရှင်ကဆိုသည်။ ထိုပြင် စက်မှုဇုန်အိမ်ယာတည်ဆောက်ရေးလုပ်ငန်းများကလည်း ဒေါ်လာသန်း ၄၀၀ ခန့်ဖိုးဝင်ရောက်ထားသည်ဟုဆိုသည်။

တယ်လီကွန်းလုပ်ငန်းသည် ရင်းနှီးမြှုပ်နှံမှုပမာဏအားလုံး၏ ၂၆ ရာခိုင်နှုန်း၊ ကုန်ထုတ်လုပ်မူသည် ၂၅ ရာခိုင်နှုန်းနှင့် အိမ်ယာကဏ္ဍသည် ၁၄ ရာခိုင်နှုန်းကျော်ရှိသည်ဟု ကော်မရှင်ကထုတ်ပြန်ထားသည်။

စတုတ္ထမြောက်အများဆုံးလုပ်ငန်းမှာ လျှပ်စစ်လုပ်ငန်းဖြစ်ပြီး ဒေါ်လာ ၃ ဒသမ ၁ ဘီလီယံဖိုးဝင်ရောက်ထားပြီး စုစုပေါင်းလုပ်ငန်း ၁၉ခုရှိသည်။

ယခင်ဦးသိန်းစိန်အစိုးရလက်ထက်တွင် အများဆုံးခွင့်ပြုခဲ့သည့် ရေနံနှင့်သဘာဝဓာတ်ငွေ့ ၊ သတ္တုတူးဖော်ရေး လုပ်ငန်းများတွင် လက်ရှိအစိုးရက လုပ်ငန်းအသစ်များ ခွင့်ပြုခဲ့ခြင်းမရှိပေ။

သို့သော်လည်း လက်ရှိအချိန်ထိ အများဆုံး ဝင်ရောက်ထားသည့် ရင်းနှီးမြှုပ်နှံမှုလုပ်ငန်းများမှာ လျှပ်စစ်ကဏ္ဍ၊ ရေနံနှင့်သဘာဝဓာတ်ငွေ့ကဏ္ဍ နှင့် ကုန်ထုတ်လုပ်မှုတို့ဖြစ်သည်။ယင်း ၁၉၈၈ မှ ယနေ့အထိတွက်ချက်ထားသော ရင်းနှီးမြှပ်နှံမှုများဖြစ်သည်။ အများဆုံးရင်းနှီးမြှုပ်နှံသည့် နိုင်ငံသည် စင်ကာပူဖြစ်ပြီး တရုတ်နှင့်ထိုင်းက အစဉ်လိုက်ရှိနေသည်။

ယခုဘဏ္ဍာနှစ် ၁၁ လ ကျော်အတွင်း နိုင်ငံခြားရင်းနှီး မြှုပ်နှံမှု အမေရိကန်ဒေါ်လာ ၅ ဒသမ ၂ ဘီလီယံဖိုး ဝင်ရောက်ထားပြီးဖြစ်ကြောင်း မြန်မာနိုင်ငံရင်းနှီးမြှုပ်နှံမှုကော်မရှင် (MIC) က ထုတ်ပြန်သောစာရင်းများတွင် ဖော်ပြသည်။

စိမ့်စည်သူ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

လက္႐ွိအစိုးရ သက္တမ္းအတြင္း အိမ္ယာတည္ေဆာက္ေရးတြင္ ႏိုင္ငံျခားရင္းႏွီးျမႇဳပ္ႏွံမႈ ေဒၚလာ ၃ ဘီလီယံခြဲေက်ာ္ဝင္ေရာက္ထား

လက္႐ွိအစိုးရ သက္တမ္းတြင္ အိမ္ယာတည္ေဆာက္ေရးလုပ္ငန္းမ်ားတြင္ ႏိုင္ငံျခားရင္းႏွီးျမႇဳပ္ႏွံမႈ ေဒၚလာ ၃ ဘီလီယံခြဲခန္႔ျဖင့္ တတိယအမ်ားဆုံးဝင္ေရာက္သည့္ ရင္းႏွီးျမႇဳပ္ႏွံမႈလုပ္ငန္းျဖစ္လာသည္ဟု ရင္းႏွီးျမႇဳပ္ႏွံမႈႏွင့္ ႏိုင္ငံျခားစီးပြားဆက္သြယ္ေရးဝန္ႀကီးဌာနကထုတ္ျပန္သည္။

လက္႐ွိအစိုးရလက္ထက္ ေလးႏွစ္ခြဲကာလတြင္ ႏိုင္ငံျခားရင္းႏွီး ျမႇဳပ္ႏွံမႈ အေမရိကန္ေဒၚလာ ၂၄ ဒသမ ၆ ဘီလီယံဖိုး ဝင္ေရာက္ ထားၿပီးျဖစ္ေၾကာင္း ျမန္မာႏိုင္ငံရင္းႏွီးျမႇဳပ္ႏွံမႈေကာ္မ႐ွင္ (MIC)က ထုတ္ျပန္ေသာ စာရင္းမ်ားတြင္ ေဖာ္ျပသည္။

ထိုထဲတြင္ အမ်ားဆုံးဝင္ေရာက္ထားသည့္ ရင္းႏွီးျမႇပ္ႏွံမႈလုပ္ငန္းမွာ တယ္လီကြန္းႏွင့္ ဆက္သြယ္ေရးလုပ္ငန္း ျဖစ္ၿပီး စုစုေပါင္း ေဒၚလာ ၆ဒသမ၁ ဘီလီယံေက်ာ္ဖိုးဝင္ေရာက္ထားသည္ဟုဆိုသည္။ စုစုေပါင္းလုပ္ငန္း ၂၉ ခု႐ွိသည္ဟုဆိုသည္။

ဒုတိယအမ်ားဆုံးလုပ္ငန္းမွာ ကုန္ထုတ္လုပ္မႈျဖစ္ၿပီး ေဒၚလာ ၅ ဒသမ ၉ ရာခိုင္ႏႈန္းဝင္ေရာက္ထားသည္။ စုစုေပါင္းလုပ္ငန္း ၇၀၀ခန္႔႐ွိသည္။

တတိယအမ်ားဆုံးမွာ အိမ္ေဆာက္လုပ္ေရးလုပ္ငန္းျဖစ္ၿပီး ေဒၚလာ ၃ဘီလီယံခြဲခန္႔႐ွိၿပီး လုပ္ငန္းေပါင္း ၂၇ ခုဝင္ေရာက္ထားသည္ဟု ေကာ္မ႐ွင္ကဆိုသည္။ ထိုျပင္ စက္မႈဇုန္အိမ္ယာတည္ေဆာက္ေရးလုပ္ငန္းမ်ားကလည္း ေဒၚလာသန္း ၄၀၀ ခန္႔ဖိုးဝင္ေရာက္ထားသည္ဟုဆိုသည္။

တယ္လီကြန္းလုပ္ငန္းသည္ ရင္းႏွီးျမႇဳပ္ႏွံမႈပမာဏအားလုံး၏ ၂၆ ရာခိုင္ႏႈန္း၊ ကုန္ထုတ္လုပ္မူသည္ ၂၅ ရာခိုင္ႏႈန္းႏွင့္ အိမ္ယာက႑သည္ ၁၄ ရာခိုင္ႏႈန္းေက်ာ္႐ွိသည္ဟု ေကာ္မ႐ွင္ကထုတ္ျပန္ထားသည္။

စတုတၳေျမာက္အမ်ားဆုံးလုပ္ငန္းမွာ လွ်ပ္စစ္လုပ္ငန္းျဖစ္ၿပီး ေဒၚလာ ၃ ဒသမ ၁ ဘီလီယံဖိုးဝင္ေရာက္ထားၿပီး စုစုေပါင္းလုပ္ငန္း ၁၉ခု႐ွိသည္။

ယခင္ဦးသိန္းစိန္အစိုးရလက္ထက္တြင္ အမ်ားဆုံးခြင့္ျပဳခဲ့သည့္ ေရနံႏွင့္သဘာဝဓာတ္ေငြ႕ ၊ သတၱဳတူးေဖာ္ေရး လုပ္ငန္းမ်ားတြင္ လက္႐ွိအစိုးရက လုပ္ငန္းအသစ္မ်ား ခြင့္ျပဳခဲ့ျခင္းမ႐ွိေပ။

သို႔ေသာ္လည္း လက္႐ွိအခ်ိန္ထိ အမ်ားဆုံး ဝင္ေရာက္ထားသည့္ ရင္းႏွီးျမႇဳပ္ႏွံမႈလုပ္ငန္းမ်ားမွာ လွ်ပ္စစ္က႑၊ ေရနံႏွင့္သဘာဝဓာတ္ေငြ႕က႑ ႏွင့္ ကုန္ထုတ္လုပ္မႈတို႔ျဖစ္သည္။ယင္း ၁၉၈၈ မွ ယေန႔အထိတြက္ခ်က္ထားေသာ ရင္းႏွီးျမႇပ္ႏွံမႈမ်ားျဖစ္သည္။ အမ်ားဆုံးရင္းႏွီးျမႇဳပ္ႏွံသည့္ ႏိုင္ငံသည္ စင္ကာပူျဖစ္ၿပီး တ႐ုတ္ႏွင့္ထိုင္းက အစဥ္လိုက္႐ွိေနသည္။

ယခုဘ႑ာႏွစ္ ၁၁ လ ေက်ာ္အတြင္း ႏိုင္ငံျခားရင္းႏွီး ျမႇဳပ္ႏွံမႈ အေမရိကန္ေဒၚလာ ၅ ဒသမ ၂ ဘီလီယံဖိုး ဝင္ေရာက္ထားၿပီးျဖစ္ေၾကာင္း ျမန္မာႏိုင္ငံရင္းႏွီးျမႇဳပ္ႏွံမႈေကာ္မ႐ွင္ (MIC) က ထုတ္ျပန္ေသာစာရင္းမ်ားတြင္ ေဖာ္ျပသည္။

စိမ့္စည္သူ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com