ကန်ထရိုက်တိုက်ရောင်းချမှုတွေ ပုံစံပြောင်းလာ

ဆောက်လုပ်ရေးလုပ်ငန်းရှင်အချို့ ကြိုပွိုင့် ရောင်းချသည့်ပုံစံမှ မိမိကိုယ်ပိုင်ငွေစိုက်ထုတ်ကာ တိုက်ခန်းများရုပ်လုံးပေါ်မှသာ ရောင်းချသည့် ပုံစံသို့ ပြောင်းလဲလာကြကြောင်း ဆောက်လုပ်ရေး လုပ်ငန်းရှင်များက ပြောသည်။

‘‘ ကြိုပွိုင့်က ပျက်သလောက် ဖြစ်သွားပြီ။ ဝယ်သူမရှိ၊ ရောင်းသူမရှိတဲ့ ဈေးကွက်ဖြစ်သွားတာ’’ဟု သင်္ဃန်းကျွန်းမြို့နယ် မှ မြင့်မိုရ်ဧရာ ဆောက်လုပ်ရေးလုပ်ငန်းရှင် ဦးနေဝင်းလှိုင်က ပြောကြားသည်။

ထို့ကြောင့် လုပ်ငန်းရှင်အချို့က မြေကိုကိုယ်တိုင်ဝယ်ပြီး မိမိငွေ ၈၀ ရာခိုင်နှုန်းဖြင့် စတင်လည်ပတ်ဆောက်လုပ်ပြီး တိုက်တစ်ခုလုံး၏ရုပ်လုံးပေါ်မှသာ ဈေးကွက်အတွင်း ပြန်လည် ရောင်းချသည့်ပုံသို့ ပြောင်းလဲလာကြောင်း ၎င်းက ဆိုသည်။

ထို့အပြင် မြေရှင်နှင့် ကန်ထရိုက်တာ အရှုပ်အရှင်း ပြဿနာများ ပိုမိုများပြားနေသောကြောင့် လုပ်ငန်းရှင်များက မြေရှင်နှင့်ပူးတွဲပြီး အကျိုးတူဆောက်လုပ်မှုများကိုလည်း ရှောင်ရှား လာကြသည်ဟု လုပ်ငန်းရှင်များက ပြောသည်။

အဓိကအားဖြင့် ရပ်ကွက်များအတွင်း တည်ဆောက်သည့် ကန်ထရိုက်တာ အများစုတွင် ယခုကဲ့သို့ လုပ်ဆောင်လာကြပြီး ထိပ်သီးဆောက်လုပ်ရေး လုပ်ငန်းရှင်ကြီးများကမူ အစိုးရနှင့် နီးစပ်သည့် မြေလွတ်မြေရိုင်း အချို့နှင့် အဆောက်အအုံဟောင်း အချို့ရရှိရန်လုပ်ဆောင် လာကြသည်ဟု ၎င်းတို့က ဆိုသည်။

ဘဏ်နှင့်ချိတ်ဆက်ပြီး ကိုယ်ပိုင်မြေပေါ်တွင် အိမ်ဆောက်လုပ်လိုသူများအတွက် အထူးအခွင့် အရေးရှိပါသည်။ အသေးစိတ်ကြည့်ရန် ဤနေရာကို နှိပ်ပါ။

နေးရှင်းမြန်မာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com