Local Property News | Posted by Shwe Zin Win
နိုင်ငံတစ်ဝန်းရှိ မြေလွတ်၊ မြေလပ်နှင့် မြေရိုင်း များကို စိစစ်ဖော်ထုတ်ပြီး မြို့ရွာစီမံချက် ချမှတ်ကာ နေထိုင်စရာမရှိသူများအားချပေးသင့်ကြောင်း သထုံမြို့နယ် ပြည်သူ့လွှတ်တော် ကိုယ်စားလှယ် ဒေါ်မာမာခိုင်ကတိုက်တွန်းသည်။
တိုင်းပြည်၏ လူဦးရေတိုးပွားလာသည်နှင့်အမျှ နေထိုင်စရာအခက်အခဲဖြစ်လာပြီး ကျူးကျော် နေထိုင်မှုများ တစ်နေ့တခြားများပြားလာသည့်ပြဿနာသည် အစိုးရအတွက် စိန်ခေါ်မှုတစ်ရပ်ဖြစ် ၍ ယင်းကဲ့သို့ နေရာချပေးသင့်ကြောင်း ၎င်းက ပြည်သူ့လွှတ်တော်သို့ အဆိုတင်သွင်းခဲ့သည်။
‘‘ရေမြေတောတောင်တွေ ပေါများလှတဲ့ ကျွန်မတို့နိုင်ငံမှာအိုးမဲ့အိမ်မဲ့ရယ်လို့ ရှိစရာအကြောင်းမရှိတဲ့အတွက် နိုင်ငံတော်ရဲ့အရန်မြေများကို နိုင်ငံတော်အနေနဲ့ လိုအပ်သလို စီမံခန့်ခွဲပိုင် ခွင့်လည်း ရှိနေတာမို့ ဒီနေ့ဒီအချိန်မှာ မလွဲမသွေ ပြည်သူတွေအတွက် လုပ်ဆောင်ပေးရမယ့် အခြေအနေဖြစ်နေပါတယ်’’ဟု ဒေါ်မာမာခိုင်က ပြောသည်။
မြန်မာနိုင်ငံ၏ မြို့တော် ရန်ကုန်အပါအဝင် အခြားမြို့ကြီးအချို့တွင် ကျူးကျော်နေထိုင်သူများစွာရှိပြီး အစိုးရအနေဖြင့် ဖြေရှင်းရန် ခက်ခဲနေကြောင်း တွေ့ရသည်။
မြန်မာနိုင်ငံတွင် စားကျက် မြေ ဧကခုနစ်သိန်းကျော်ရှိပြီး မြေလွတ်၊ တောရိုင်းမြေ ဧကများစွာရှိနေသဖြင့် အမှန်တကယ်နေစရာမရှိဘဲ အခက်အခဲဖြစ်နေသည့် နိုင်ငံသားများအတွက် နေရာချ ထားပေးသင့်ကြောင်း အဆိုရှင် က တိုက်တွန်းသည်။
ယင်းအဆိုကို ကျောက်တန်း မြို့နယ် ပြည်သူ့လွှတ်တော်ကိုယ် စားလှယ် ဒေါ်အေးမြမြမျိုးက ထောက်ခံခဲ့ပြီး လွှတ်တော်၌ ဆက်လက်ဆွေးနွေးမည်ဖြစ်သည်။
နိုင်ငံအတွင်း ကျူးကျော်နေ ထိုင်သူများပြားလာပါက မလိုလားအပ်သည့် တရားဥပဒေချိုး ဖောက်မှုများ၊ မြေယာပြဿနာကို အကြောင်းပြုပြီး သွေးထိုးလှုံ့ ဆော်မှုများ ဖြစ်လာပါက ငြိမ်းချမ်းစွာ နေထိုင်လိုသည့် ပြည်သူများအနှောင့်အယှက်ဖြစ်နိုင်ကြောင်း ဒေါ်အေးမြမြမျိုးက ပြောသည်။ ယင်းအပြင် မြေယာပြဿနာများရှိပါက လုပ်ငန်းရှင်များကလည်း ရင်းနှီးမြှုပ်နှံလိုစိတ်ရှိမည်မဟုတ်ကြောင်း ဆိုသည်။
ယင်းအဆိုနှင့် ပတ်သက်၍ ဆွေးနွေးလိုသည့် လွှတ်တော် ကိုယ်စားလှယ်များ အမည်စာရင်းပေးသွင်းရန် ပြည်သူ့လွှတ်တော်ဥက္ကဋ္ဌက ဖိတ်ခေါ်ထားသည်။
Credt: 7Daydaily
