အွန်လိုင်းမှ ကုမ္ပဏီမှတ်ပုံတင်သူများပြီး နည်းပညာအခက်အခဲဖြစ်၍ ခေတ္တရပ်ဆိုင်းထား
( သြဂုတ် ၆ ရက်တွင် ပြန်လည်အသုံးပြုနိုင်ပြီး အရေးကြီးပါက လူကိုယ်တိုင် လာရောက်နိုင် )
အွန်လိုင်းစနစ်သုံး ကုမ္ပဏီမှတ်ပုံတင်စနစ် (MyCo) ကို နည်းပညာအခက်အခဲများ ကြောင့် စတင်အသုံးပြုသည့် ဒုတိယမြောက်နေ့က စတင်ပြီး ခေတ္တရပ်ဆိုင်းကြောင်း ရင်းနှီး မြှုပ်နှံမှုနှင့် ကုမ္ပဏီများညွှန် ကြားမှုဦးစီးဌာနက ထုတ်ပြန် သည်။
သဂုတ် ၆ ရက်တွင် ပြန် လည်အသုံးပြုနိုင်မည် ဖြစ်ပြီး ကုမ္ပဏီမှတ်ပုံတင်ရန် အရေးတ ကြီးလိုအပ်ပါက သြဂုတ် ၂ မှ ၃ ရက်အတွင်း ရုံးချုပ်နှင့် ရုံးခွဲများ သို့ လူကိုယ်တိုင်လာရောက်၍ မှတ်ပုံတင်နိုင်ကြောင်း အဆိုပါ ဌာနက ဆိုသည်။
အွန်လိုင်းစနစ်ဖြင့် မှတ်ပုံ တင်ရာတွင် ၀င်ရောက်အသုံးပြု သူများပြားသဖြင့် Database သို့ ၀င်ရောက်ရန် ကြန့်ကြာခြင်း၊ ကုမ္ပဏီ အချက်အလက်များကို မှတ်ပုံတင်စနစ်မှ အတည်ပြုရာ တွင်အားနည်းချက်ဖြစ်ပေါ်ခြင်း၊ စနစ်ပေါ်၌ သတင်းအချက်အ လက်များ ပျောက်ဆုံးခြင်းတို့ဖြစ်ပေါ်နေကြောင်း ဆိုထားသည်။
‘‘သေချာအောင်ဆောင်ရွက် မယ်။ မသေချာမချင်း မလွှတ် ထုတ်ဘူး။ ထပ်မှားတာမျိုးမဖြစ် စေချင်လို့သေချာအောင်အချိန် ယူစိစစ်မလို့ပါ’’ ဟုရင်းနှီးမြှုပ်နှံမှု နှင့် ကုမ္ပဏီများညွှန်ကြားမှုဦးစီး ဌာန ညွှန်ကြားရေးမှူးဦးမျိုးမင်း ကပြောသည်။
လက်ရှိတွင် အချက်အလက် မှားယွင်းမှုရှိသော်လည်းလက်ခံ ထားသည် ကုမ္ပဏီ ၁၂၀ ရှိပြီး ယင်းအချက်အလက်များကိုပြင် ဆင်၍ စနစ်မှအလိုအလျောက် အတည်ပြုနိုင်ရန်စမ်းသပ်ဆောင် ရွက်မည်ဟု ၎င်းကဆိုသည်။
အွန်လိုင်းစနစ်သုံးကုမ္ပဏီ မှတ်ပုံတင်စနစ် (MyCo) ကို သြဂုတ် ၁ ရက်၌ စတင်ကျင့်သုံး ရာတွင် ကုမ္ပဏီများစုပြုံပြန်လည် မှတ်ပုံတင်ခြင်းကြောင့် ဆာဗာ ပြုတ်ကျပြီး ညနေမှသာပြန်လည် တင်နိုင်ခဲ့သည်။
အဆိုပါဌာနတွင် မှတ်ပုံတင် ထားသည့် ကုမ္ပဏီ ၆၀,၀၀၀ ခန့် ရှိနေပြီး ယင်းကုမ္ပဏီများက စနစ် သစ်တွင် ပြန်လည်မှတ်ပုံတင်ရ ခြင်းဖြစ်သည်။နှစ် ၁၀၀ကျော်ကြာ မြင့်နေသည့် ကုမ္ပဏီဥပဒေအ သစ်ကို ၂၀၁၄ တွင် ပြင်ဆင်ရေး ဆွဲပြီး ၂၀၁၇ တွင်ပြဋ္ဌာန်းနိုင်ခဲ့ သည်။ ထိုဥပဒေအရကုမ္ပဏီ များကို အွန်လိုင်းစနစ်ဖြင့် ပြန် လည်မှတ်ပုံတင်ရခြင်းဖြစ်သည်။
Credit: 7Daydaily
