စင်္ကာပူတွင် အိမ်ခြံမြေကဏ္ဍ တင်းကြပ်သည့် မူဝါဒများ ရုတ်တရက် ချမှတ်လိုက်ခြင်းကြောင့် developer တို့၏ ရှယ်ယာဈေးများ ကျဆင်းဖွယ်ရှိနေ
စင်္ကာပူတွင် အိမ်ခြံမြေဈေးကွက်အေးစေရန် ရည်ရွယ်ကာ အစိုးရက တင်းကြပ်သည့် မူဝါဒများ ရုတ်တရက် ချမှတ်လိုက်ခြင်းကြောင့် developer တို့၏ ရှယ်ယာဈေးနှုန်းများ ကျဆင်းဖွယ်ရှိသည်ဟု သုံးသပ်ချက်များ ထွက်ပေါ်လာကြောင်း စင်္ကာပူအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
တံဆိပ်ခေါင်းခွန်နှုန်းထားများ မြှင့်တင်ခြင်းနှင့် ဝယ်လက်များအပေါ် အိမ်ခြံမြေချေးငွေများ တင်းကြပ်မှုများပြုလုပ်လိုက်သောကြောင့် စင်္ကာပူ အိမ်ခြံမြေ developer တို့အကြား ရှယ်ယာဈေးကွက် အလှုပ်အခတ်များ ပေါ်ပေါက်လာခြင်း ဖြစ်သည်။
“စင်္ကာပူ အိမ်ခြံမြေစတော့ရှယ်ယာဈေးကွက်ဟာ ဆိုးကျိုးသက်ရောက်မှုတွေ ကြုံလာရနိုင်ပါတယ်။
အိမ်ခြံမြေဈေးကွက်အပေါ် အစိုးရက အာရုံစိုက်နေတယ်ဆိုတာ အချက်ပြလိုက်တဲ့ လက္ခဏတစ်ရပ်လည်း ဖြစ်ပါတယ်…”ဟု KGI Securities (Singapore) Pte မှ သုတေသီတစ်ဦးဖြစ်သူ Joel Ng က ပြောကြားသည်။
“အစိုးရကလေလံတင်တဲ့ မြေတွေကို အလုံးအရင်းဝယ်ယူထားတဲ့ developer တွေ၊ ဆောက်လုပ်ပြီး လူနေအိမ်ရာ အိမ်ခန်း ရောင်းချမှုတွေ အထိနာနိုင်ပါတယ်။
ဒီလို ကုမ္ပဏီ တွေထဲမှာ City Developments Ltd., Oxley Holdings Ltd., SingHaiyi Group Ltd., နဲ့ UOL Group Ltd တို့ ပါဝင်မှာ ဖြစ်ပါတယ်။
Keppel Land နဲ့ Wing Tai Holdings Ltd တွေဟာလည်း စင်္ကာပူ လူနေအိမ်ရာ ကဏ္ဍမှာ အလုံးအရင်း ရင်းနှီးမြှုပ်နှံထားသူတွေ ဖြစ်ပါတယ်…”ဟု ၎င်းက ဆက်လက်ပြောကြားသည်။
ဟောင်ကောင် ကုမ္ပဏီတစ်ခုဖြစ်သော Logan Property Holdings Co ဆိုလျှင် စင်္ကာပူအိမ်ခြံမြေကဏ္ဍတွင် စင်္ကာပူဒေါ်လာ ၂ ဒသမ ၁ ဘီလီယံခန့်အထိ ရင်းနှီးမြှုပ်နှံမှု ပြုလုပ်ထားသည်။
“ဈေးကွက်အေးစေဖို့ လုပ်ဆောင်တဲ့ အခုခြေလှမ်းကြောင့် ၂၀၁၈-၁၉ မှာ အိမ်ခြံမြေရောင်းလိုအားများပြီး ဝယ်လိုအားကျဆင်းနေတဲ့ အချိန်မျိုးမှာ အိမ်ခြံမြေဝယ်လက်တွေရဲ့  စိတ်ဝင်စားမှုကို ပိုမိုကျဆင်းသွားစေမယ့် အခြေအနေ ပေါ်ပေါက်လာနိုင်ပါတယ်..”ဟု CMC Markets Singapore Pte မှ သုတေသီ မာဂရက်ယန်းက ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
