ကန်ဒေါ်လာ ၄ သန်းခွဲဖြင့် ရောင်းချမည့် အကျဉ်းထောင်ကြီး
Killen Thomas ကုမ္ပဏီသည် သြစတေးလျနိုင်ငံ၊ မဲလ်ဘုန်းမြို့တော်ကြီးအနီး၊ ကိုဘာ့ဂ်ျအရပ်၊ အာကူဟာ့ထ်လမ်းတွင် တည်ရှိသော အကျဉ်းထောင်ဟောင်းကြီးကို အရောင်းဈေးကွက်တင်လာသည်။
အဆိုပါအကျဉ်းထောင်ကြီးတွင် တစ်ခေတ်တစ်ခါက အလွန်ဆိုးသွမ်းခဲ့သည့် ရာဇဝင်လူဆိုးကြီးများကို ထိန်းသိမ်းထားရှိခဲ့ရာဖြစ်သည်။
မာ့ခ် ချော့ပါး ရိဒ်နှင့် နောက်ဆုံးကြိုးပေးကွပ်မျက်ခံခဲ့ရသည့် လူဆိုးကြီး ရော်နယ် ရိုင်ယန်တို့ကို ထိန်းသိမ်းထားခဲ့ရာနေရာ ဖြစ်သည်။
၁၈၇၀ ပြည့်နှစ်က ဆောက်လုပ်ခဲ့ခြင်းဖြစ်ပြီး သမိုင်းဝင်အမွေအနှစ်အဖြစ် သတ်မှတ်ထားခြင်းခံရသည့် အဆောက်အအုံကြီးလည်း ဖြစ်သည်။
အကျဉ်းခန်းပေါင်း ၁၆၀ ပါဝင်သည့်အကျဉ်းထောင်ကြီးကို အချို့က backpacker တို့ နေထိုင်ရန်နေရာအဖြစ် အသုံးပြုရန် အဆိုပြုကြပြီး အချို့ကမူ စားသောက်ဆိုင်များ၊ ကော်ဖီဆိုင်များ၊ ဝိုင်သိုလှောင်ခန်းများအဖြစ် အသုံးပြုရန် ကမ်းလှမ်းကြသည်ဟု ဆိုသည်။
Killen Thomas မှ အမှုဆောင်အရာရှိချုပ် ဂျွန် ကမီလာရီက ယင်းအကျဉ်းထောင်ကြီးကို “အရမ်းလှပပြီး တမူထားခြားတဲ့ကောင်ကြီး” ဟု တင်စားခဲ့သည်။
“ကျွန်တော်က အကျဉ်းခန်းတွေ ရောင်းချရာမှာ အထူးကျွမ်းကျင်သူတစ်ဦးတော့မဟုတ်ပါဘူး။ ဒါပေမယ့် ဒါကိုစိတ်ဝင်စားတဲ့ ဝယ်လက်တွေအနေနဲ့ အကျဉ်းထောင်တစ်ခုဖြစ်ခဲ့တယ်ဆိုတဲ့အချက်အပေါ်မှာ အခြေခံစဉ်းစားကြမှာ မလွဲပါဘူး” ဟု ကမီလာရီက ဆိုသည်။
တချိန်က ပြည်နယ်၏ အဆိုးဆုံးလူဆိုးကြီးများကို ထိန်းသိမ်းခဲ့သည့်အကျဉ်းထောင်ကြီးကို ၁၉၉၇ ခုနှစ်တွင် ပိတ်သိမ်းခဲ့ခြင်း ဖြစ်သည်။
နှစ်ထပ်အဆောက်အအုံဖြစ်ပြီး ထူးခြားသည်မှာ အမိုးခုံးဖြစ်သည်။
နောက်ပိုင်းတွင် ပါတီပွဲများ လက်ခံကျင်းပပေးခြင်းများ ပြုလုပ်ခဲ့ပြီး ယနေ့အခါတွင်မူ ပရလောကသုတေသီတို့ စောင့်ကြည့်လေ့လာနိုင်ရန် စီစဉ်ပေးခြင်းများ ပြုလုပ်ပေးလျက်ရှိသည်။
အကျဉ်းထောင်ကြီး၏ မြေနေရာပိုင်နက်များကိုမူ လူနေကျေးရွာတစ်ခုအဖြစ် ပြောင်းလဲခဲ့ပြီး လူနေတိုက်ခန်းများ၊ ကော်ဖီဆိုင်များ၊ စားသောက်ဆိုင်များနှင့် နေ့ကလေးထိန်းအဆောက်အအုံများ ဆောက်လုပ်လာကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
