ဒဂုံလေးမြို့နယ်အတွင်း အိမ် ခြံ မြေ အရောင်းအ၀ယ် အငှား ညီတူညီမျှ သွက်လက်အားကောင်းနေ

ဒဂုံလေးမြို့နယ်အတွင်း အိမ် ခြံ မြေ အရောင်းအ၀ယ် အငှားဈေးကွက်မှာ ညီတူညီမျှ သွက်လက်အားကောင်းနေကြောင်း မြန်မာနိုင်ငံအိမ်ခြံမြေလုပ်ငန်းရှင်များအသင်း ဒဂုံလေးမြို့နယ်အခြေစိုက် အကျိုးဆောင်တစ်ဦးမှ ပြောပြသည်။

ဒဂုံလေးမြို့နယ်သည် မြေနေရာကျန်ရှိခြင်း ၊ အရောင်းအ၀ယ်ပိုင်းတွင် ဈေးနှုန်းအရသင့်တင့်သော မြေကွက်များပြားခြင်းအစရှိသည်တို့ကြောင့် ဈေးကွက်ဖြစ်ထွန်းခြင်းဖြစ်ကြောင်းလည်း အဆိုပါပုဂ္ဂိုလ်မှဆက်လက်ပြောဆိုသည်။

လက်ရှိတွင် အိမ် ခြံ မြေ ဈေးကွက်အတွင်း အရောင်းအ၀ယ်ဖြစ်မှုအများဆုံးမှာ ဒဂုံလေးမြို့နယ်အတွင်းဖြစ်ပြီး မြောက်ဒဂုံမြို့နယ်အတွင်း ပိုမိုဈေးကွက်ဖြစ်ထွန်းကြောင်းလည်း သိရသည်။

""ဈေးကွက်က မြို့စွန်မြို့နယ်တွေမှာ အရောင်းအဝယ်ဖြစ်တယ်။ဒဂုံဆိပ်ကမ်းမြို့နယ် ၊ အရှေ့ဒဂုံမြို့နယ်တွေမှာ သိန်း ငါးဆယ်လောက်အကွက်တွေကနေ သိန်း နှစ်ရာ ၊ သုံးရာလောက်အထိကိုဖြစ်တယ်။အောက်ဈေးတွေနဲ့ဖြစ်တာများတယ်။အခုဖြစ်နေတဲ့ သိန်း နှစ်ရာဆိုတာကလည်း အရင်က သိန်း လေးရာ ၊ ငါးရာတန်တွေဈေးကျကုန်တာ။ပြောရရင် အရောင်းအဝယ်က ဇူလိုင်လဆန်းကတည်းက အမေးများတယ်။ဖြစ်တော့ဖြစ်တယ်။သိန်း ၅၀ ၊ ၁၀၀ အကွက်တွေလောက်ပဲ ဖြစ်တယ်။ ""ဟု မြန်မာနိုင်ငံအိမ် ခြံ မြေ ဝန်ဆောင်မှုအသင်း ဗဟို မှ ဒုတိယဥက္ကဌဖြစ်သူ ဦးသန်းဦးမှလည်း ပြောဆိုထားသည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com