သြစတြေးလျက အရှေ့တောင်အာရှတွင် စမတ်စီးတီးများ တည်ဆောက်ပေးမည်

သြစတြေးလျက အရှေ့တောင်အာရှဒေသတစ်ခွင် စီးပွားရေးပူးပေါင်းဆောင်ရွက်မှု တိုးမြှင့်ရန်နှင့် အာဆီယံနိုင်ငံများ၏ စမတ်စီးတီးခေါ် စမတ်မြို့ပြရည်မှန်း
ချက်များ ပြည့်မြောက်စေရန် အာဆီယံနိုင်ငံများနှင့် အနီးကပ်လက်
တွဲဆောင်ရွက်မည်ဖြစ်ကြောင်း သိရသည်။

လာမည့်ငါးနှစ်အတွင်း သြစတြေးလျအစိုးရက အာဆီယံ-သြစတြေးလျစမတ်စီးတီးအစီအစဉ်သို့ သြစတြေးလျဒေါ်လာ သန်း ၃၀ (အမေရိကန်ဒေါ်လာ ၂၃ သန်း) ရင်းနှီးမည်ဖြစ်ကြောင်း သြစတြေးလျနိုင်ငံခြားရေးဝန်ကြီး ဂျူလီဘိရှော့ပ်က ဆစ်ဒနီ၌ မတ် ၁၈ တွင် ကျင်းပပြုလုပ်ခဲ့သော အာဆီယံ-သြစတြေးလျ
အထူးထိပ်သီးအစည်းအဝေးတွင် ပြောကြားခဲ့သည်။

အထက်ဖော်ပြပါအစီအစဉ်သည် အာဆီယံစမတ်စီးတီးကွန်ရက်ဖွံ့ဖြိုးရေးအပါအ၀င် အရှေ့တောင်အာရှဒေသအတွင်း ဒူပေနာပေခံ၍ အများနှင့်ယဉ်ပြိုင်ရသော လူ့အသိုက်အမြုံများ တည်ဆောက်ရန် နည်းပညာအထောက်အကူနှင့် သင်တန်းများ ပံ့ပိုးပေးမည်ဖြစ်သည်။

"၂၀၃၀ ပြည့်နှစ်မကုန်မီ အရှေ့တောင်အာရှတစ်ခွင် မြို့ပြဒေသတွေကို လူ သန်း ၉၀ ကျော် ရွှေ့ပြောင်းမယ်လို့လည်း ခန့်မှန်းရပါတယ်။အာဆီယံမြို့ပြတွေဟာ အံ့မခန်းတဲ့နှုန်းတစ်ခုနဲ့ ဖွံ့ဖြိုးတိုးတက်လာမှာဖြစ်ပါတယ်။ မြို့ပြတွေ ဖွံ့ဖြိုးလာတဲ့အခါ ပေါကြွယ်ဝမှုတွေ၊ ကုန်သွယ်ရေးနဲ့ စီးပွားရေးကလည်း ဖွံ့ဖြိုးလာပါမယ်။ ဒီအခွင့်အလမ်းတွေကို ထိန်းချုပ်အသုံးချဖို့အတွက် မြို့ပြတွေဟာ ဆန်းသစ်တဲ့နည်းပညာတွေ၊ စမတ်စီမံကိန်းတွေနဲ့ အုပ်ချုပ်မှုကောင်းတွေ လိုအပ်ပါတယ်" ဟုလည်း ဘိရှော့ပ်က ပြောကြားခဲ့သည်။

စင်္ကာပူဝန်ကြီးချုပ် လီရှန်လွန်းက ယင်းအစီအစဉ်ကို ချီးကျူးခဲ့ပြီး "သြစတြေးလျနဲ့ ၎င်းရဲ့ လုပ်ငန်းတွေနဲ့ ပူးပေါင်းပြီး အရှေ့တောင်အာရှဒေသတွင်း မြို့ပြဖွံ့ဖြိုးမှုနဲ့ ဆန်းသစ်တီထွင်မှုတိုးမြှင့်ရေး ဆောင်ရွက်သွားဖို့ မျှော်လင့်ပါတယ်။" ဟုလည်း ပြောကြားခဲ့သည်။

"လွန်ခဲ့တဲ့ နှစ် ၅၀ အတွင်း အာဆီယံဟာ တင်းမာမှုတွေကို ဖြိုခွဲရေး၊ငြိမ်းချမ်းရေးတည်ဆောက်ရေး၊ စီးပွားရေးပူးပေါင်းဆောင်ရွက်မှုတိုးမြှင့်ရေး၊ ဥပဒေစိုးမိုးရေးတို့အတွက် ကြိုးပမ်းခဲ့ရပါတယ်။ အာဆီယီကို ကျွန်ုပ်တို့ဒေသရဲ့ မဟာဗျူဟာမြောက်မိတ်ဖက်အဖြစ် ပံ့ပိုးသွားဖို့ ကတိက၀တ်ပြုပါတယ်" ဟု
သြစတြေးလျဝန်ကြီးချုပ် မာလ်ကွန်တန်ဘူးလ်ကလည်း ပြောကြားခဲ့ကြောင်း သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com