ဆောက်လုပ်ခွင့်ပါမစ်များအပြီးပြောင်းလဲဆောင်ရွက်နိုင်ရေး ယခုနှစ်အတွင်း အပြီး ဆောင်ရွက်သွားမည်

့ဆောက်လုပ်ခွင့်ပါမစ်များ အပြီးပြောင်းလဲဆောင်ရွက်နိုင်ရေးအတွက် ၂၀၁၈ ခုနှစ်အတွင်းဆောင်ရွက်သွားမည်ဟု ရန်ကုန်တိုင်းဒေသကြီးအစိုးရအဖွဲ့ဝန်ကြီးချုပ်ဦးဖြိုးမင်းသိန်းက ဖေဖော်ဝါရီလ ၁၇ ရက် ဆောက်လုပ်ရေးကဏ္ဍတွင် တွေကြုံနေရသော အခက်အခဲများဖြေရှင်းရေးနှင့် လုပ်ငန်းများရေရှည်တိုးတက်ရေးအတွက် နိုင်ငံတော်မှ ကူညီဖြေရှင်းပံ့ပိုးပေးနိုင်ပါရန် ဆောက်လုပ်ရေးလုပ်ငန်းအသင်းများမှ တင်ပြခြင်းအခမ်းအနားသို့ တက်ရောက် အမှာစကားပြောကြားရာတွင်ထည့်သွင်း ပြောကြားခဲ့သည်။

• 
• 

“စည်ပင်သာယာဥပဒေကို ပြုပြင်ပြောင်းလဲနိုင်ဖို့နဲ့ ဆောက်လုပ်ခွင့်ပါမစ်တွေကို ပြောင်းလဲဆောင်ရွက်နိုင်ဖို့ ၂၀၁၈ ခုနှစ်အတွင်းမှာ ပြီးစီးအောင်ဆောင်ရွက်သွားမှာ ဖြစ်ပါတယ်။ဒါပေမဲ့ ဒီဥပဒေဟာ ဥပဒေကြမ်းပဲ ဖြစ်နေသေးတယ်။ ဒါကြောင့်မို့လို့ ကျနော်တိုက်တွန်းခဲ့တယ်။ ပြည်ထောင်စုအစိုးရရဲ့ ကုသတဲ့ ကုထုံးကို ပြည်ထောင်စု လွှတ်တော်ဘက်က အင်တိုက်အားတိုက်နဲ့ မြန်မြန်ဆောင်ရွက်ပေးနိုင်မယ်ဆိုရင် ဧပြီ ၁ ရက်မှာ ဒီဥပဒေကို စသွားမယ်။ လက်မလည်အောင် လုပ်ငန်းတွေ ရလာနိုင်ပါတယ်။ ဒီအပြင်ကို အခုဆောက်လုပ်မယ့် Project အကြီးကြီးတွေရဲ့ ကြိုပွိုင့်ဝယ်ယူမှုတွေလည်း ပေါ်လာနိုင်ပါတယ်။ ဒါဟာ ဒေါ်လာရယ်၊ ရွှေရယ်၊ အိမ်ခြံမြေရယ်ရဲ့ အခုလက်ရှိ ပြောင်းလဲလာတဲ့ အခွန်ဥပဒေသစ်ရဲ့ ကြားမှာ ကျနော်တို့ နိုင်ငံရဲ့ စီးပွားရေးဖွံ့ဖြိုးတိုးတက်ရေးရဲ့ ကုထုံးအသစ်တစ်ခု ရလာနိုင်တယ်လို့ ကျနော့်အနေနဲ့ ယူဆပါတယ်။"ဟုဝန်ကြီးချုပ်ကပြောသည်။

ဆောက်လုပ်ရေးလုပ်ငန်းများရှင်သန်လာနိုင်ရန်လုပ်ငန်းရှင်များအနေဖြင့် လုပ်ငန်းများဆောင်ရွက်ရာတွင်လွယ်ကူမှုရှိလာနိုင်ရန်အတွက်ဆောင်ရွက်ရမည်ဖြစ်ကြောင်း ၎င်းကပြောသည်။ရန်ကုန်၏စီးပွားရေးနှင့်အတူ မြန်မာနိုင်ငံ၏ စီးပွားရေးတိုးတက်မူသည်အလားအလာ ကောင်းများရှိနေပြီဖြစ်ကြောင်းစီးပွားရေးဖွံ့ဖြိုးတိုးတက်မှုသည် မိုးပျံပူပေါင်းတက်သကဲ့သို့မဟုတ်ဘဲ စနစ်တကျ တစ်ဆင့်ချင်း တိုးတက်လာသည့် ဖွံ့ဖြိုးတိုးတက်ရေး လမ်းကြောင်းပေါ်သို့ မကြာမီမြင်တွေ့ရလိမ့်မည်ဖြစ်ကြောင်းလည်း ၀န်ကြီးချုပ်မှ ပြောဆိုခဲ့သည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com