စည်းမျဉ်းတင်းကျပ်မှုများကြောင့် တရုတ်အိမ်သစ်ရောင်းအားဖွံ့ဖြိုးမှုနှုန်း နှေးကွေး

တရုတ်နိုင်ငံ၌ ယခုနှစ် ပထမလေးလတွင် စုစုပေါင်းအိမ်ခြံမြေရင်းနှီးမြှုပ်နှံမှုနှုန်း မြင့်တက်ခဲ့သော်လည်း အိမ်သစ်ရောင်းအားဖွံ့ဖြိုးမှုနှုန်းမှာမူ
အသက်ဝင်ဆဲ တင်းကျပ်သော အိမ်ခြံမြေစည်းမျဉ်းများကြောင့် ဆက်လက်၍ နှေးကွေးကျဆင်းခဲ့ကြောင်း တရုတ်အမျိုးသားစာရင်းအင်းဗျူရို (NBS)
က ယမန်နေ့ (မေ ၁၅) တွင် ထုတ်ပြန်သည့် အချက်အလက်များ
အရ သိရသည်။

"ပထမတန်းစားနဲ့ ဒုတိယတန်းစားမြို့ကြီးတွေမှာ စည်းမျဉ်းတွေ တင်းကျပ်လိုက်ပေမဲ့ တတိယတန်းစားနဲ့ စတုတ္ထတန်းစားမြို့အများအပြားမှာတော့ ဈေးကွက်ဖွံ့ဖြိုးနေဆဲပါပဲ။ ဒါကြောင့်မို့ နိုင်ငံတစ်ဝန်းခြုံငုံတွက်ဆလိုက်ရင် နှေးကွေးတဲ့နှုန်းနဲ့ ရောင်းအားမြင့်တက်ခဲ့ပါတယ်။ လာမယ့်လတွေမှာလည်း ဒီလိုပဲဆက်သွားနေမယ်လို့ ခန့်မှန်းရပါတယ်"
ဟု ရှန်ဟိုင်းအိမ်ခြံမြေအတိုင်ပင်ခံကုမ္ပဏီ Shanghai
Centaline Property Consultants Co ၏ သုတေသနမန်နေဂျာ လုဝိန်စီကလည်း ပြောကြားခဲ့သည်။

• 

နိုင်ငံတစ်ဝန်း အစိုးရ မတည်သော တန်ဖိုးနည်းအိမ်ရာများမှအပ အိမ်သစ် ၂ ဒသမ ၇၉ ထရီလျံ ယွမ် (အမေရိကန်ဒေါ်လာ ၄၀၃ ဒသမ ၄ ဘီလျံ) တန်ဖိုးကို ဇန်န၀ါရီမှ ဧပြီအထိ ယခုနှစ်ပထမလေးလအတွင်း ရောင်းချခဲ့ရကြောင်း၊ ယင်းသည် ယမန်နှစ် ပထမလေးလကထက် ၁၆ ဒသမ ၁ ရာခိုင်နှုန်း မြင့်တက်ခဲ့သော်လည်း ဧပြီလကိုထည့်မတွက်သည့် ယမန်နှစ် ပထမသုံးလထက် ယခုနှစ် ပထမသုံးလတွင် မြင့်တက်ခဲ့သည့်နှုန်း ၂၀ ဒသမ ၂ ရာခိုင်နှုန်းအောက် ကျဆင်းခဲ့ခြင်းဖြစ်သည်ကြောင်း တရုတ်အမျိုးသားစာရင်းအင်းဗျူရို (NBS) က ယမန်နေ့ (မေ ၁၅) တွင် ထုတ်ပြန်ခဲ့သည်။

ယခုနှစ်ပထမလေးလအတွင်း ရောင်းချရသည့် အိမ်သစ်ဧရိယာသည်လည်း ၃၆၅ ဒသမ ၂၅ သန်း စတုရန်းမီတာ ရှိခဲ့ပြီး ယမန်နှစ်ပထမလေးလထက် ၁၃ ရာခိုင်နှုန်း မြင့်တက်ခဲ့သည်။ သို့ဖြစ်ရာ ဧရိယာတွင်လည်း ဧပြီလကိုထည့်မတွက်သည့် ယမန်နှစ်
ပထမသုံးလထက် ယခုနှစ် ပထမသုံးလတွင် မြင့်တက်ခဲ့သည့်နှုန်း ၁၆ ဒသမ ၉ ရာခိုင်နှုန်း အောက် ကျဆင်းခဲ့ခြင်းဖြစ်သည်။

လူနေအိမ်ခြံမြေတွင် ရင်းနှီးမြှုပ်နှံမှုသည် ယခုနှစ် ပထမလေးလအတွင်း ယမန်နှစ် ပထမလေးလကထက် ၁၀ ဒသမ ၆ ရာခိုင်နှုန်း မြင့်တက်ခဲ့ပြီး ၁ ဒသမ ၈၆၇ ထရီလျံ ယွမ် ရှိခဲ့သည်။

တရုတ်အဓိကမြို့ကြိးများတွင် အိမ်ခြံမြေဈေးကစားမှုများကို ထိန်းချုပ်ရန်နှင့် အိမ်ဈေးမြင့်တက်မှုနှုန်း မြန်ဆန်မှုကို လျှော့ချရန် အာဏာပိုင်များက အိမ်ဝယ်ယူမှုဆိုင်ရာကန့်သတ်မှု
များ၊ လက်ငင်းငွေချေရသည့် ပမာဏတိုးမြှင့်မှုများနှင့် အိမ်ဝယ်ယူမှုချေးငွေအတိုးနှုန်းတိုးမြှင့်မှုများနှင့် တစ်ဆင့်ပြန်လည်ရောင်းချခွင့်အချိန်ကာလတိုးမြှင့်မှုများ အပါအ၀င် အိမ်ခြံမြေစည်းမျဉ်းများစွာကို တင်းကျပ်မှုများ ပြုလုပ်ထားသည်။

ခင်အေးချမ်း မှ iMyanmarHouse.com အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com