ပြင်ဦးလွင် အိမ်ခြံမြေဝယ်သူများ ရှုခင်းကောင်းသည့်နေရာများကို ပိုမိုစိတ်ဝင်စားလာ
မြန်မာနိုင်ငံတစ်ဝန်းလုံး တစ်နေ့တခြား ပူပြင်းလာသော ရာသီဥတုကြောင့် သာမန်အပူပိုင်းမြို့များထက် ရာသီဥတု ကောင်းမွန်အေးမြသည့်
ပြင်ဦးလွင် ဒေသ၌ အိမ်ခြံမြေများ ဝယ်ယူလျက် ရှိနေကြရာ ဝယ်ယူသူအများစုတို့သည် ရှုခင်းရှုကွက်ကောင်းမွန်ပြီး သာယာ လှပသည့်မြေနေရာများကို ပိုမိုစိတ်ဝင် စားကာ ဝယ်ယူလျက်ရှိနေကြောင်း
သိရ သည်။
''နွေရာသီဆို ကျွန်တော်တို့မြို့မှာ နေလို့မရတော့ဘူး။ နေ့စဉ်ပျမ်းမျှအပူချိန် ၄ဝ ဒီဂရီစင်တီဂရိတ်ကျော်နေပြီ။ မနက် မိုးလင်း နေထွက်လာကတည်းက ချွေး တဒီးဒီးနဲ့ တစ်နေ့တစ်နေ့နေပူရှိန်ပြင်း လွန်းလို့ အပြင်တစ်ခါထွက်ဖို့ကို တော်တော်စဉ်းစားနေရတယ်။ အဆိုးဆုံး ကတော့ ကလေးတွေပါ။ မိတ်တွေထွက်၊ အနာတွေပေါက်နဲ့ နွေရာသီရောက် တိုင်းဖြစ်နေလို့ အခုလိုနွေရာသီရောက် ရင် ကလေးတွေလည်း ကျောင်းပိတ်ရက် ဆိုတော့ ပြင်ဦးလွင်မှာ နားနားနေနေ နေလို့ရအောင် မြေလေးတစ်ကွက် ဝယ်ထားတာပါ။ မြေဝယ်အိမ်ဆောက် ပြီး အမြဲတမ်းတော့မနေနိုင်ပါဘူး။ ရာသီဥတုတော်တော်ပူတဲ့ နွေရာသီ အခါမျိုးမှ မိသားစုအပန်းဖြေအနားယူ
ရင်း အပူရှောင်သဘောမျိုးနဲ့ လာနေ ကြမှာဆိုတော့ ရှုခင်းကောင်းတဲ့ မြေနေရာမျိုးကို ပိုပြီးသဘောကျတယ်။ စမ်းချောင်းတွေ၊ ရေတံခွန်တွေနား မဟုတ်တောင် ပတ်ဝန်းကျင်မှာရှိနေတဲ့ သဘာဝတောတောင်တွေ၊ လူနေ အိမ်ခြေနဲ့လမ်းမကြီးတွေကို အပေါ် စီးကနေမြင်ရတဲ့ မြင်ကွင်းရှုကွက် မျိုးတွေဆိုရင် ကျွန်တော်တို့အတွက် အဆင်ပြေပါတယ်''ဟု မုံရွာမြို့မှ မြေဝယ်ယူသူတစ်ဦးက ပြောပြသည်။
ပြင်ဦးလွင်ဒေသတွင် ရွာမြေ၊ ယာမြေ၊ သီးစားမြေ၊ ဥယျာဉ်ခြံမြေ စသည့်မြေအမျိုးအစားတို့မှာ အရောင်း အဝယ်ဖြစ်သူ ပိုမိုများပြားလျက်ရှိနေ ပြီး အဆိုပါ မြေအမျိုးအစားများထဲမှ လမ်းပန်းဆက်သွယ်ရေး ကောင်းမွန် ခြင်း၊ မြို့နှင့်အနီးအဝေး၊ ရေမီးရရှိနိုင်မှု၊ ပတ်ဝန်းကျင်ဒေသ ဆိတ်ငြိမ်အေးချမ်း ခြင်းနှင့် ဝယ်ယူသည့် မြေဧရိယာအတွက် အထောက်အထား ပြည့်စုံခိုင်မာမှုတို့ အပြင် သာယာလှပသည့် ရှုခင်းအနေ အထားတို့အပေါ်မူတည်လျက် အရောင်း အဝယ်ပြုလုပ်လျက်ရှိနေကြကြောင်း သိရသည်။
ီCredit: MOI Webportal Myanmar
![[သတို့သား ရောင်းရန်ရှိသည်] အိန္ဒိယနိုင်ငံ ဘီဟာပြည်နယ်က သတို့သား ဝယ်လို့ရတဲ့ ထူးထူးဆန်းဆန်း ဈေးတစ်ခုအကြောင်း](https://imh-images-prod.s3.ap-southeast-1.amazonaws.com/pictures/news/dr5b5kh/1147810-0856211001748324693-02.png)
