ရှန်ဟိုင်းအိမ်ဈေးများ သုံးလအတွင်း အနိမ့်ဆုံးကျဆင်း

တရုတ်နိုင်ငံ ရှန်ဟိုင်းမြို့တွင် အိမ်ခြံမြေမူဝါဒအပြောင်းအလဲများကြောင့် အိမ်သစ်ဈေးနှုန်းများသည် ပြီးခဲ့သည့် ၃ လခန့်အတွင်း အနိမ့်ဆုံးအမှတ်သို့ ကျဆင်းခဲ့ပြီး အိမ်ဝယ်လက်များ၏ အိမ်ဝယ်လိုအားသည်လည်း ပြီးခဲ့သည့်သီတင်းပတ်အတွင်း ထပ်မံကျဆင်းခဲ့သည်။

အစိုးရမတည်သည့် တန်ဖိုးနည်းအိမ်ရာများမှအပ အိမ်သစ်ရောင်းချရမှုဧရိယာသည် ဒီဇင်ဘာလ ၁၁ ရက်တွင် ကုန်ဆုံးခဲ့သည့် ပြီးခဲ့သည့်သီတင်းပတ်အတွင်း ၁၃၁,၀၀၀ စတုရန်းမီတာ ရှိခဲ့ပြီး ယင်းမတိုင်မီသီတင်းပတ်အောက် ၁၃ ဒသမ ၁ ရာခိုင်နှုန်း ကျဆင်းခဲ့ကြောင်း ရှန်ဟိုင်းအိမ်ခြံမြေအတိုင်ပင်ခံကုမ္ပဏီ Shanghai Centaline PropertyConsultants Co က ဒီဇင်ဘာလ ၁၂ ရက်တွင် ထုတ်ပြန်ခဲ့သည်။

ပျမ်းမျှတန်ဖိုးအးဖြင့် ၁ စတုရန်းမီတာလျှင် ၄၀,၇၁၂ ယွမ် (အမေရိကန်ဒေါ်လာ ၅၈၇၂)ဖြင့် ရောင်းချခဲ့ရသည်။ ၎င်းသည်လည်း ယင်းမတိုင်မီသီတင်းပတ်အောက် ၈ ဒသမ ၅ရာခိုင်နှုန်း ကျဆင်းခဲ့သည်။

• 

ရောင်းအားအကောင်းဆုံးဖြစ်ခဲ့သည့် ပရောဂျက် ၁၀ ခု၏ ထက်ဝက်ကို ၁ စတုရန်းမီတာလျှင် ယွမ် ၃၀,၀၀၀ အောက်နှုန်းဖြင့် ရောင်းချခဲ့ရခြင်းဖြစ်သည်။ ဈေးနှုန်းအမြင့်ဆုံးအဖြစ်အဆင့်မြင့်ပရောဂျက် ၂ ခု၏ အခန်းများအား ၁ စတုရန်းမီတာလျှင် ယွမ် ၁၀၀,၀၀၀ အထက်ဖြင့် ရောင်းချခဲ့ရသည်။

ရောင်းလိုအားတွင်လည်း ပြီးခဲ့သည့်သီတင်းပတ်အတွင်း အိမ်သစ် စတုရန်းမီတာ၁၇၃,၀၀၀ ခန့် ၀င်ရောက်ခဲ့ပြီး ယင်းမတိုင်မီသီတင်းပတ်ထက် ၂ ဆများပြားခဲ့ကြောင်းShanghai Centaline Property Consultants Co က ထုတ်ပြန်ခဲ့သည်။

ပြီးခဲ့သည့်နိုဝင်ဘာလတွင် ရှန်ဟိုင်းမြို့၌ မြို့အစိုးရက စီးပွားသမားများ၏ အိမ်ခြံမြေဈေးကစားမှုကို ထိန်းချုပ်ရန် ကြိုးပမ်းမှုအဖြစ် ပထမဆုံးအကြိမ်အိမ်ဝယ်ယူသူများ လက်ငင်းပေးချေရမည့် အနည်းဆုံးငွေပမာဏအား အိမ်တန်ဖိုး၏ ၃၅ ရာခိုင်နှုန်းအဖြစ်ယခင်ထက် ၁၀ ရာခိုင်နှုန်း တိုးမြှင့်ခဲ့သည်။

ထို့ပြင် ပထမဆုံးအကြိမ်အိမ်ဝယ်ယူသူများဟူသည့် အသုံးအနှုန်းကိုလည်း ရှန်ဟိုင်းတွင်အိမ်တစ်ကြိမ်တစ်ခါမျှဝယ်ယူဖူးခြင်းမရှိသူဖြစ်ရမည့်အပြင် နိုင်ငံတစ်ဝန်းရှိ မည်သည့်ပုဂ္ဂလိကဘဏ် သို့မဟုတ် ပြည်သူ့အိုးအိမ်ရန်ပုံငွေအဖွဲ့အစည်းထံကမျှ အိမ်ဝယ်ယူမှုအတွက် ချေးငွေလျှောက်ထားဖူးသူမဟုတ်သူဟု စည်းမျဉ်းတိုးမြှင့်ကာ အဓိပ္ပါယ်သတ်မှတ်လိုက်သည်။

ရှန်ဟိုင်းတွင် အိမ်တစ်အိမ်ပိုင်ဆိုင်ပြီးသူများ သို့မဟုတ် မပိုင်ဆိုင်သေးသော်လည်း ထိုဘဏ်များ၊ အဖွဲ့အစည်းများထံမှ အိမ်ချေးငွေလျှောက်ထားသူဖူးသူများအား ဒုတိယအကြိမ်အိမ်ဝယ်ယူသူအဖြစ် သတ်မှတ်လိုက်သည်။ ယင်းစည်းမျဉ်း
များသည် နိုဝင်ဘာ ၂၉ ရက်မှစတင်အာဏာသက်ရောက်ပြီဖြစ်သည်။

ခင်အေးချမ်း မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com