ဈေးကွက် မဖွံ့ဖြိုးနိုင်သေးတဲ့ တစ်နှစ်သား ရန်ကုန်စတော့အိတ်ချိန်း

တစ်နှစ်သားအရွယ်သို့ ရောက်ရှိလာတော့မည့် ရန်ကုန်စတော့အိတ်ချိန်းသည်
လက်ရှိတွင် ဈေးကွက် ၀ယ်လိုအား အေးစက်နေသည့် ပြဿနာကို ရင်ဆိုင်နေရလျက်ရှိသည်။

ရန်ကုန်စတော့အိတ်ချိန်းသည် ၂၀၁၅ ခုနှစ်၊ ဒီဇင်ဘာ ၉ ရက်တွင် စတင်ဖွင့်လှစ်ခဲ့ပြီး
၂၀၁၆ ခုနှစ်၊ မတ်လတွင် ရှယ်ယာရောင်းဝယ် မှုများကို စတင်ခဲ့သည်။

ဈေးကွက်စတင်မှုကာလ အစဖြစ်သော မတ်လမှ မေလအထိ သုံးလတာအတွင်း
စာရင်းဝင်ကုမ္ပဏီများ၏ ရှယ်ယာများအပေါ် ပြည်သူများ၏ ၀ယ်လိုအားသည် အရှိန်
အဟုန် ဖြင့် မြင့်တက်ခဲ့သဖြင့် ရှယ်ယာဈေးနှုန်းများ လည်း တစ်ဟုန်ထိုး မြင့်တက်လာခဲ့သည်။

သို့ရာတွင် ဇွန်လအ၀င်မှ စတင်ခါ ၀ယ်လို အား ကျဆင်းလာခဲ့ပြီး နိုဝင်ဘာနှင့် ဒီဇင်ဘာလ
များတွင် စာရင်းဝင် ကုမ္ပဏီသုံးခုအနက် အချို့ရှယ်ယာများမှာ အရောင်းအ၀ယ်မဖြစ် သည့်
နေ့များပင် ရှိလာသည်အထိ ရင်ဆိုင် နေရသည်။

ရှယ်ယာဈေးကွက် ၀ယ်လိုအား နည်းလာနေခြင်းသည် ပြည်တွင်းစီးပွားရေး မကောင်းမွန်သည့်
အခြေအနေများနှင့် ဈေးတိုကာလ အတွင်း အကျိုးအမြတ်ရနိုင်သည့် ငွေလဲလှယ် နှုန်းအပေါ်
ဈေးကစားကာ အရောင်းအ၀ယ် လုပ်နိုင်သည့် အခွင့်အရေးများ ပေါ်လာနေ ခြင်းကြောင့်လည်း
ဖြစ်သည်ဟု စီးပွားရေး လုပ်ငန်းရှင်များက သုံးသပ်ပြောကြသည်။

လတ်တလောတွင် ရန်ကုန်စတော့အိတ် ချိန်း စာရင်းကုမ္ပဏီများ၏ ရှယ်ယာပေါက် ဈေးများသည်
မေလအတွင်း ဖြစ်ပေါ်ခဲ့သည့် ဈေးနှုန်းများအောက် ထက်ဝက်အထိ ကျဆင်း လာနေခဲ့ပြီဖြစ်သည်။

ရန်ကုန်စတော့အိတ်ချိန်း ပေါ်ပေါက်လာရေး ကြိုးပမ်းနေခဲ့သည့် ကာလများဖြစ်သော
၂၀၁၂ ခုနှစ်မှ ၂၀၁၅ ခုနှစ် ကြားကာလ များအတွင်း စတော့အိတ်ချိန်း၏ စာရင်းဝင်
ကုမ္ပဏီများ ဖြစ်လာရေး ကြိုးပမ်းနေသည့် ကုမ္ပဏီများစွာ ရှိနေခဲ့သည်။

သို့ရာတွင် လက်ရှိအချိန်အထိမူ စာရင်းဝင်ကုမ္ပဏီ သုံးခု သာ ရှိနေဆဲဖြစ်ပြီး အခြားသော
ကုမ္ပဏီများ မှာလည်း စာရင်းဝင်ကုမ္ပဏီ ဖြစ်လာရေး ကြိုး ပမ်းမှုများကို အရှိန်နှေးကွေး
လာနေလျက် ရှိသည်။

၎င်းအချက်သည် စတော့ဈေးကွက်အပေါ် လူထု၏ စိတ်ဝင်စားမှု ကျဆင်းလာနေခြင်း ကြောင့်
ဖြစ်ကြောင်း ရန်ကုန်စတော့အိတ်ချိန်း ဖြစ်ပေါ်လာရေး တည်ထောင်ခဲ့သူဖြစ်သည့်
ဒေါက်တာမောင်မောင်သိမ်းက မြန်မာတိုင်း(မ်)ကို ပြောသည်။

"ပြည်တွင်းမှာ စီးပွားရေးနည်းနည်း ကျပ်တည်းနေတာကြောင့် လူတွေက စတော့
ဝယ်ယူတာတွေ နည်းလာတာလည်းပါတယ်။ ဒါထက် အရေးကြီးတာက စတော့ဈေးကွက်
အပေါ် လူထုစိတ်ဝင်စားမှု နည်းသွားတာ ဖြစ်တယ်။ အဲဒါကြောင့် လူထုစိတ်ဝင်စားမှု
ရှိလာနေစေဖို့အတွက် စတော့ဈေးကွက်ရဲ့ သဘောတရားကို အမြဲတမ်း အသိပညာပေးတာတွေ
လုပ်နေဖို့ လိုပါလိမ့်မယ်"ဟု ဒေါက်တာမောင်မောင်သိမ်းက ပြောသည်။

ယခုကဲ့သို့ ပြည်တွင်းစီးပွားရေး ကျပ်တည်း မှုရှိနေခြင်း၊ ရေတို အကျိုးအမြတ်ရနိုင်သည့်
ငွေကစားနိုင်သော စီးပွားရေးအခွင့်အလမ်းများ ပေါ်ပေါက်နေခြင်းနှင့် စတော့ အသိပညာ
ပေးမှုများ နည်းပါးနေခြင်းများကြောင့်စတော့ ဈေးကွက်၏ အလားအလာသည် လာမည့်
၂၀၁၇ ခုနှစ် နှစ်ဝက်ခန့်အထိ လက်ရှိအခြေအနေအတိုင်း အေးစက်နေဖွယ် ရှိနေသည်ဟု
လည်း စီးပွားရေးပညာရှင်များနှင့် လုပ်ငန်းရှင်များကထောက်ပြကြသည်။

စာရင်းဝင် ကုမ္ပဏီများ၏ အခြေအနေ

• 

လက်ရှိတွင် စာရင်းဝင်ကုမ္ပဏီများအဖြစ် ပထမမြန်မာ ရင်းနှီးမြှုပ်နှံမှု ကုမ္ပဏီလီမိတက်
(FMI)၊မြန်မာသီလ၀ါ အက်စ်အိးဇက်ဟိုးဒင်း ပလက် ကုမ္ပဏီလီမိတက် (MTSH) နှင့်
မြန်မာ နိုင်ငံသားများဘဏ် (MCB bank) စသည့် ကုမ္ပဏီသုံးခုရှိနေခြင်းဖြစ်သည်။

FMI ကုမ္ပဏီ သည် စတော့အိတ်ချိန်းတွင် ဈေးကွက်တင်ရောင်းချခဲ့စဉ်က ရှယ်ယာတစ်စုကို
ကျပ် ၂၆,၀၀၀ ဖြင့် ဈေးပေါက်ခဲ့ပြီး နှစ်လတာ ၀န်းကျင်အတွင်း ကျပ် ၅၀,၀၀၀ ကျော်
ဝန်းကျင်အထိ ဈေးမြင့်တက်ခဲ့သည်။ သို့ရာ တွင် ယခု ဒီဇင်ဘာ ၇ ရက်တွင်
ကျပ် ၁၆,၀၀၀ ဈေးအထိ ကျဆင်းလာခဲ့သည်။ ဒုတိယစာရင်းဝင် ကုမ္ပဏီဖြစ်သော
MTSH ကုမ္ပဏီသည်လည်း ရှယ်ယာစတင်ရောင်းချခဲ့သည့် မေလ ၂၀ ရက်တွင် တစ်စုလျှင်
ကျပ် ၅၀,၀၀၀ ဖြင့် ဈေးပေါက်ခဲ့သည်။

ထို့နောက်တွင် မေလကုန်ပိုင်းအတွင်း၌ ကျပ် ၇၀,၀၀၀ အထိ ဈေးမြင့်တက်ခဲ့သည်။
သို့သော် လက်ရှိ ဒီဇင်ဘာ ၇ ရက်တွင် တစ်စုလျှင် ကျပ် ၄,၆၀၀ အထိ (ဆယ်စုပွား
ရှယ်ယာဖြစ်သည့်အတွက် တစ်စုလျှင် ကျပ် ၄၆,၀၀၀ ဈေးသို့ ကျဆင်းလာ) ကျဆင်း
လာခဲ့သည်။ နောက်ဆုံး စာရင်းဝင်ကုမ္ပဏီဖြစ်သည် မြန်မာနိုင်ငံသားများဘဏ်သည်
ဩဂုတ် ၂၆ ရက်တွင် ရှယ်ယာစတင် ရောင်းချခဲ့ပြီး တစ်စုလျှင် ကျပ် ၆,၈၀၀ ဖြင့်
ဈေးပေါက်ခဲ့သည်။ သို့သော် ၎င်းကုမ္ပဏီတစ်ခုတည်း၏ ရှယ်ယာ ဈေးနှုန်းသည်သာ
အတက်ဘက်တွင် ရှိနေပြီး ဒီဇင်ဘာ ၇ ရက်တွင် ကျပ် ၉,၄၀၀ ဖြင့် အတက် ဈေးတွင်
ရပ်တည်နေနိုင်ခြင်းဖြစ်သည်။

"အခုက ဆူလွယ် နပ်လွယ်ဖြစ်တဲ့ အမြတ် ရနိုင်တဲ့ ကိစ္စတစ်ခု ရှိနေတယ်။ အဲဒါက
ဒေါ်လာဈေးကစားတာပဲ။ အဲဒါက ဈေးတက် လာရင် ချက်ချင်း အမြတ်ရနိုင်တာ ဖြစ်တဲ့
အတွက် လူတွေက အဲဒီအပေါ်မှာ အာရုံ ရောက်နေကြတယ်။ ဒီအချက်ကိုလည်း ထိန်း
ရမှာပါ။ ဒေါ်လာဘက် အာရုံရောက်နေကြ တော့ စတော့ဝယ်လိုအားက ကျဆင်းလာနေ
တယ်။ လက်ရှိအနေအထားကတော့ ဒီအတိုင်း ပဲ ဖြစ်နေဦးမှာပဲ"ဟု မြန်မာနိုင်ငံ ကုန်သည်
များနှင့် စက်မှုလက်မှု လုပ်ငန်းရှင်များအသင်း ချုပ် ဒုတိယဥက္ကဋ္ဌ ဒေါက်တာမောင်မောင်လေးက
ပြောသည်။

စာရင်းဝင် ကုမ္ပဏီ ဖြစ်လာ ရေး အလားအလာ ကောင်းနေသည့် အများပိုင်ကုမ္ပဏီများ

စတော့အိတ်ချိန်း စတင်စဉ်ကမူ စာရင်းကုမ္ပဏီဖြစ်လာရေး ကြိုးပမ်းသည့် ကုမ္ပဏီများစွာ
ရှိခဲ့သည်။ သို့ရာတွင် ယခု ၂၀၁၆ နှစ်ကုန်ပိုင်းအထိ ကုမ္ပဏီသုံးခုသာ ရှိခဲ့သည်။

သို့သော် နိုဝင်ဘာလလယ်ပိုင်းအတွင်းက ပထမပုဂ္ဂလိကဘဏ် (First Private Bank)
အနေဖြင့် ၎င်းတို့၏ကုမ္ပဏီ ဖွင့်ဟကြေညာစာတမ်းကို (disclosure document) ရန်ကုန်
စတော့အိတ်ချိန်းသို့ တင်သွင်းခဲ့သည်။ ထို့ အတွက် ပထမပုဂ္ဂလိကဘဏ်သည် ယခု ဒီဇင်ဘာလတွင်
ရန်ကုန်စတော့အိတ်ချိန်း၏ စတုတ္ထမြောက် စာရင်းဝင်ကုမ္ပဏီဖြစ်လာရန် ရှိနေသည်။

"ပထမ ပုဂ္ဂလိကဘဏ်ရဲ့ (disclosure document) ကို စိစစ်နေပါပြီ။ ဒီဇင်ဘာလထဲ
မှာတော့ စာရင်းဝင်ကုမ္ပဏီအဖြစ် ကြေညာပေး သွားနိုင်မှာပါ။ ကျန်တဲ့ကုမ္ပဏီတွေကတော့
လာမယ့် ၂၀၁၇ ထဲလောက်ကျမှ သူ့တို့ရဲ့ လုပ်ငန်းစဉ်တွေကို လုပ်သွားနိုင်တော့မယ်
ထင်တယ်"ဟု ရန်ကုန်စတော့အိတ်ချိန်း၏ အမှုဆောင်အထွေထွေမန်နေဂျာ ဦးသက်ထွန်းဦးက
မြန်မာတိုင်း(မ်)ကို ပြောသည်။

ပထမ ပုဂ္ဂလိကဘဏ်သည် လက်ရှိတွင် ရှယ်ယာတစ်စုအား ကျပ် ၂၀,၀၀၀ ဖြင့်
ဈေးပေါက်နေလျက် ရှိသည်။

ပထမ ပုဂ္ဂလိကဘဏ် နောက်ပိုင်း မြန်မာ့ လယ်ယာစီးပွား အများပိုင်ကော်ပိုရေးရှင်း
ကုမ္ပဏီ MAPCO မှာလည်း အလားအလာ ကောင်းသည့် လုပ်ငန်းတစ်ခုအဖြစ်
ရှိနေသည်။

"MAPCO အနေနဲ့တော့ ပထမပုဂ္ဂလိက ဘဏ်ကို စာရင်းဝင်အဖြစ် ကြေညာလိုက်ပြီး တော့
လုပ်စရာရှိတာတွေ ဆက်လုပ်သွားမှာ ပါ။ အစကတည်းကလည်း ၂၀၁၆-၁၇
ဘဏ္ဍာ နှစ်အတွင်း စာရင်းဝင်ဖြစ်အောင် လုပ်မယ် လို့ ပြောထားတဲ့အတွက် ၂၀၁၇ ခုနှစ်၊
မတ်လ လောက်အထိကတော့ ပြင်ဆင်ဖို့ အချိန်ရပါ သေးတယ်"ဟု ၎င်းကုမ္ပဏီ၏
အုပ်ချုပ်မှု ဒါရိုက်တာ ဦးရဲမင်းအောင်က ပြောသည်။

ဈေးကွက်ဝယ်လိုအား မြင့်တက်လာဖို့

မြန်မာနိုင်ငံ၏ စတော့ဈေးကွက်သည် ကာလသက်တမ်းအားဖြင့် တစ်နှစ်ခန့်သာ
ရှိနေသေးသဖြင့် ဈေးကွက်ဝယ်လိုအား မြင့်တက်လာရေးမှာ လူထုစိတ်ဝင်စားမှု
မြင့်တက် လာရေးကို အဓိက ဦးစားပေးဆောင်ရွက်ရန် လိုအပ်နေခြင်းဖြစ်ကြောင်း
လုပ်ငန်းရှင် များနှင့် ပညာရှင်များက ထောက်ပြကြသည်။

"အခုက လူထုစိတ်ဝင်စားမှု အရမ်းကျဆင်းနေတဲ့အချက်ပါပဲ။ ဒါကြောင့် စတော့
ဈေးကွက်အပေါ် စိတ်ဝင်စားမှု မြင့်တက်လာ ဖို့၊ အသိပညာပေးမှုနဲ့ ဆွဲဆောင်နိုင်ဖို့
အများ ကြီး လိုအပ်တယ်။ အဲဒါတွေမလုပ်ရင် ဈေး ကွက်ဝယ်လိုအားလည်း မရှိနိုင်သလို
ဝယ်ယူ သူတွေကလည်း အမှားတွေ မကြာခဏလုပ်မိနိုင်တယ်။ ဒီအချက်က အရေးကြီးတယ်"ဟု
ဒေါက်တာမောင်မောင်သိမ်းက ပြောသည်။

ထို့အတူ လက်ရှိတွင် ပြည်တွင်း၌ စတော့ ရှယ်ယာဝယ်ယူခြင်းများကို ပြည်တွင်း ရင်းနှီး
မြှုပ်နှံသူများကိုသာ ခွင့်ပြုထားသဖြင့် တိုးတက် မှု နှေးကွေးနေခြင်းလည်းဖြစ်သည်ဟု
စတော့ ဈေးကွက် လေ့လာသူများက ပြောသည်။ နိုင်ငံ တကာတွင် စတော့ရှယ်ယာ
ဝယ်ယူခြင်းများ ကို နိုင်ငံခြားသားများကိုလည်း ခွင့်ပြုထားခြင်းကြောင့် စာရင်းဝင်
ကုမ္ပဏီများအတွက် လည်း စီးပွားရေးချဲ့ထွင်မှု အင်အားကြှီးထွား လာခြင်းဖြစ်သည်ဟု
၎င်းတို့က ပြောသည်။

"လက်ရှိဈေးကွက်က လက်လီဈေးကွက် အခြေအနေမှာပဲ ရှိနေသေးတယ်။ တကယ်တမ်း
စတော့ဈေးကွက် ဖွံ့ဖြိုးလာဖို့အတွက် ဆိုရင် အင်အားကြီး ရင်းနှီးမြှုပ်နှံသူတွေ လိုအပ်တယ်။
အဲဒါကတော့ နိုင်ငံခြားသား တွေကို ၀ယ်ယူခွင့်ပေးဖို့၊ institutional investor တွေ
များလာဖို့ လိုတယ်။ အဲဒီလို ပေးနိုင်မှလည်း စတော့ဈေးကွက်က ပိုပြီး လှုပ်ရှားလာမယ့်
သဘောဖြစ်နေတယ်။ ဒီလို ပေးဖို့ဆိုတာကလည်း ပြည်တွင်းမှာရှိတဲ့ ဥပဒေ၊ နည်းဥပဒေကို
ပြင်ဆင်ပေးရမှာပါ။ အဲဒီလို ပြင်ဆင်ပြီးသွားရင်တော့ စတော့ဈေး ကွက်က ပိုပြီး သွက်လက်
လာမယ်လို့ ထင် တယ်"ဟု ဦးရဲမင်းအောင်က ပြောသည်။

"ပြည်တွင်းဝယ်ယူမှုဆိုတာက အင်အားနည်းတယ်ပေါ့နော်။ တကယ်တမ်းက နိုင်ငံ
ခြားသားတွေလည်း ၀င်ပြီး ရင်းနှီးမြှုပ်နှံနိုင် မယ်ဆိုရင်တော့ အခုထက်ပိုပြီး စတော့ဈေးကွက်က
တိုးတက်လာမှာပါ။ ဒါပေမဲ့ အချိန်တစ်ခုလည်း ယူဖို့လိုလိမ့်မယ်"ဟု ပြည်ပ စတော့ရှယ်ယာ
အရောင်းအ၀ယ် ၀န်ဆောင် မှု လုပ်ကိုင်လျက်ရှိသည့် သူရဆွစ်ကုမ္ပဏီ အုပ်ချုပ်မှုဒါရိုက်တာ
ဒေါက်တာအောင်သူရ က ပြောသည်။

ရှယ်ယာအရောင်းအ၀ယ် ၀န်ဆောင်မှုကုမ္ပဏီ အရေအတွက် တိုးလာ

စတော့အိတ်ချိန်းများတွင် စတော့ရှယ်ယာဝယ်ယူ ရောင်းချမှုများအတွက် ငွေချေး သက်သေခံ
လက်မှတ်လုပ်ငန်း ၀န်ဆောင်မှု ကုမ္ပဏီများဖြင့် ချိတ်ဆက်ဆောင် ရွက်ရခြင်း ဖြစ်သည်။

ရှယ်ယာအရောင်းအ၀ယ်ပြုရန် အတွက် ချိတ်ဆက်ဆောင်ရွက်သည့် ငွေချေး သက်သေခံ
လက်မှတ် လုပ်ငန်းများ၏ လုပ် ငန်းဆောင်ရွက်မှု (အချက်အလက်စီးဆင်းမှု) မြန်ဆန်သည့်
အပေါ်တွင် မူတည်လျက်ရှိရာ ၎င်းလုပ်ငန်းများ တိုးတက်လာရေးမှာလည်း အရေးကြီးသည်ဟု
ဦးသက်ထွန်းဦးက ပြောသည်။

ထို့အတွက် ငွေချေး သက်သေခံလက်မှတ် လုပ်ငန်းကြီးကြပ်ရေးကော်မရှင် SECM က
AYA Trust Securities Company၊ CB Bank Securities၊ Myanmar Securities
Exchange Centre၊ Global World Securities ၊ Expert Investment Securities၊
Aung Myint Mo Min Securities၊ KBZ Stirling Coleman Securities၊ KTZ Ruby Hill
Securities၊ Amara Securitiesနှင့် Union Trust Securities Company တို့ကို
ခွင့်ပြုထားခဲ့သည်။

ယခု ၂၀၁၆ ခုနှစ်၊ နိုဝင်ဘာ ၂၃ ရက်တွင် အမရ ရင်းနှီးမြှုပ်နှံမှု ငွေချေးသက်သေခံ
လက်မှတ်ကုမ္ပဏီတစ်ခုကိုလည်း ထပ်မံ ခွင့်ပြုပေးခဲ့သည်။ လက်ရှိတွင် ရန်ကုန်စတော့
အိတ်ချိန်း၏ စာရင်းဝင်ကုမ္ပဏီ သုံးခုစလုံး၏ ရှယ်ယာ ဈေးနှုန်းများသည် အကျဘက်သို့
ဦးတည် နေသဖြင့် မြန်မာနိုင်ငံစတော့ ဈေးကွက်အညွှန်း ကိန်းမှာလည်း အကျဘက်သို့
ဦးတည်နေ လျက်ရှိသည်။

ထို့အတွက် နိုင်ငံခြားသားများ အား ၀ယ်ယူရန် ခွင့်မပြုနိုင်သေးမီ အချိန်နှင့် ပြည်တွင်းစီးပွားရေး
ကျပ်တည်းနေခြင်းများ က ရန်ကုန်စတော့အိတ်ချိန်းကို ၀ယ်လိုအားအေးစက်သည့် အနေ
အထားဖြင့် ဆက်လက်ရှိနေစေမည်ဟု ၎င်းတို့က ပြောသည်။


Credit: Myanmar Times