ရှန်ဟိုင်းအိမ်ခြံမြေဈေးကွက် အောက်တိုဘာတွင် သိသိသာသာကျဆင်း

ရှန်ဟိုင်း၌ အိမ်ဝယ်လက်များနှင့် အိမ်ခြံမြေ developer (မြေယာဝယ်ယူ အိမ်ခန်းဆောက်လုပ်ရောင်းချ) ကုမ္ပဏီများ အကြား ၀ယ်လိုအားနှင့် ရောင်းလိုအားသည် ယခုနှစ်အောက်တိုဘာလ တွင်သိသိသာသာ ကျဆင်းခဲ့သည်။ ရှန်ဟိုင်းအစိုးရ၏ အိမ်ခြံမြေဈေးနှုန်း များလျင်မြန်စွာမြင့်တက်နေမှုကို လျော့ကျရေး ထိန်းချုပ်ရန်နှင့် ကောလာဟလများအား ထိန်းချုပ်ရန် ကြွေးကြော်မှုများ ထိရောက်ခဲ့မှုကို ပြသလိုက်ခြင်းဖြစ်သည်။

အစိုးရမတည်သည့် တန်ဖိုးမျှတအိမ်ရာများမှအပ နေအိမ်ခန်းသစ်များရောင်းချရမှုဧရိယာသည် အောက်တိုဘာလတွင် စက်တင်ဘာလအောက် ၁၆ ဒသမ ၃ ရာခိုင်နှုန်းကျဆင်းခဲ့ပြီး စတုရန်းမီတာ ၈၆၉,၀၀၀ သာရှိခဲ့သည်။ ယင်းသည် အောက်တိုဘာလအား ယခုနှစ်မတ်လမှ အောက်တိုဘာလအထိ ၈ လတာအတွင်း အနိမ့်ဆုံးနှုန်းရှိခဲ့သည့်လ ဖြစ်စေခဲ့သည်။ ထို့ပြင် ၂၀၁၅ ခုနှစ် အောက်တိုဘာလနှင့်ယှဉ်လျှင်လည်း ၄၂ ဒသမ ၅ ရာခိုင်နှုန်းကျဆင်းခဲ့ကြောင်း Shanghai Centaline အိမ်ခြံမြေအတိုင်ပင်ခံကုမ္ပဏီက နိုဝင်ဘာလ၁ ရက်က ထုတ်ပြန်ခဲ့သည်။

• 

ရောင်းလိုအားတွင်လည်း ယခုနှစ်အောက်တိုဘာလတွင် အိမ်ခန်းသစ် စတုရန်းမီတာ၂၉၉,၀၀၀ သာ ဈေးကွက်ထဲရောက်ရှိလာခဲ့သည်။ စက်တင်ဘာလအောက် ၅၆ ဒသမ၂ ရာခိုင်နှုန်း ကျဆင်းခဲ့ခြင်းဖြစ်ပြီး ၂၀၁၅ ခုနှစ်အောက်တိုဘာလအောက် ၈၂ ဒသမ ၈ရာခိုင်နှုန်းလျော့နည်းခဲ့ကြောင်း Shanghai Centaline က ထုတ်ပြန်ခဲ့သည်။

"ဒီရောင်းလိုအားပမာဏဟာ ရှန်ဟိုင်းမှာ အစိုးရက အိမ်ခြံမြေရောင်းချမှုတွေအတွက်အွန်လိုင်းမှတ်ပုံတင်လိုအပ်ချက်တွေ သတ်မှတ်လိုက်ကတည်းက စံချိန်တင်ကျဆင်းမှုပါ" ဟု Shanghai Centaline ၏ အကြီးတန်းသုတေတနမန်နေဂျာ လုဝိန်စီက ပြောကြားခဲ့သည်။

ရှန်ဟိုင်းသည် အိမ်ခြံမြေဈေးကွက်တည်ငြိမ်ရေးထိန်းချုပ်ရန် မြေယာရောင်းလိုအားတိုးမြှင့်ခြင်းနှင့် ငွေကြေးကြီးကြပ်မှုပိုမိုတိုးမြှင့်ခြင်းတို့အပါအ၀င် စီမံချက်များကို အောက်တိုဘာလ ၈ ရက်က ချမှတ်ခဲ့သည်။ မြေယာဝယ်ယူမှုများအတွက် ငွေအရင်းအမြစ်များကို စည်းမျဉ်းထိန်းချုပ်မည်ဖြစ်ကာ အိမ်သစ်ဈေးနှုန်းများနှင့် ပတ်သက်၍ ကြီးကြပ်မှုပိုမိုတင်းကျပ်မည်ဖြစ်ကြောင်း ရှန်ဟိုင်းအိုးအိမ်အာဏာပိုင်များက ထုတ်ပြန်ခဲ့သည်။

ပျမ်းမျှဈေးနှုန်းအားဖြင့် အောက်တိုဘာလက အိမ်သစ်များကို ၁ စတုရန်းမီတာလျှင်ပျမ်းမျှ ယွမ် ၄၃, ၈၃၈ (အမေရိကန်ဒေါ်လာ ၆,၄၅၇) ဖြင့် ရောင်းချခဲ့ရသည်။ ယင်းသည် စက်တင်ဘာလအောက် ၂ ဒသမ ၂ ရာခိုင်နှုန်း ကျဆင်းခဲ့ခြင်းဖြစ်သည်။ သို့သော်လည်း ၂၀၁၅ ခုနှစ်အောက်တိုဘာလကထက် ၃၁ ဒသမ ၇ ရာခိုင်နှုန်း မြင့်တက်ခဲ့သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)