ဒဂုံမြို့ သစ်ဆိပ်ကမ်းမြို့နယ်တွင် အခန်းပေါင်း ၁၅ဝဝဝ ပါဝင်မည့် တန်ဖိုးနည်းအိမ်ရာ ၂ဝ၁၈ တွင် စတင်တည်ဆောက်မည်
ဝင်ငွေနည်းပါးသည့် မိသားစုများအတွက် အခန်းပေါင်း ၁၅ဝဝဝ ခန့် ပါဝင်မည့် တန်ဖိုးနည်း အိမ်ရာစီမံကိန်းကို ၂ဝ၁၈ ခုနှစ်တွင် ဒဂုံမြို့သစ် ဆိပ်ကမ်းမြို့နယ်၊ မြနန္ဒာလမ်းနှင့် ရွှေလီ လမ်းထောင့်တွင် ဆောက်လုပ်သွားမည် ဖြစ်ကြောင်း Capital Construction ကုမ္ပဏီမှ မန်နေဂျင်း ဒါရိုက်တာ ဦးတင်မောင်ဝင်းက ပြောကြားသည်။
အဆိုပါ တန်ဖိုးနည်း အိမ်ရာစီမံကိန်းကို ဦးဆောင် ဆောက်လုပ်ရေး ကုမ္ပဏီအဖြစ် Capital Development ကုမ္ပဏီက ရရှိထားပြီး စေပိုင်ဆောက်လုပ်ရေးနှင့် Bagan Business Group ဆောက်လုပ်ရေး လုပ်ငန်းများက ပူးပေါင်း ဆောက်လုပ်မည်ဖြစ်ကြောင်း ၎င်းကဆိုသည်။
“ဒီတန်ဖိုးနည်းအိမ်ရာကို ဝင်ငွေနည်း မိသားစုတွေအတွက် အဓိကထားပြီး တည်ဆောက်မှာပါ။ ရေ၊ မီး မရရှိသေးဘဲ တည်ဆောက်ရင် အဆင် မပြေတဲ့အတွက် အစိုးရဘက်က ၂ဝ၁၈ မှာ ရေရမယ်လို့ ပြောထားတဲ့အတွက် ရေရတာနဲ့ စ ဆောက်သွားမှာပါ။ ရောင်းချမယ့် ဈေးနှုန်းကတော့ စတင် တည်ဆောက်တာနဲ့ ကြေညာပေးသွားမှာပါ”ဟု ၎င်းကဆိုသည်။
တန်ဖိုးနည်း အိမ်ရာစီမံကိန်းကို ဒဂုံမြို့သစ် ဆိပ်ကမ်းမြို့နယ်၊ မြနန္ဒာလမ်းနှင့် ရွှေလီလမ်းထောင့်ရှိ အစိုးရပိုင်မြေ ၁၈၃ ဧကပေါ်တွင် တည်ဆောက်မည်ဖြစ်ပြီး ၎င်းအိမ်ရာ စီမံကိန်းတွင် ရှော့ပင်းစင်တာ၊ ဈေး၊ ကျောင်း၊ ပန်းခြံ၊ ကစားကွင်း၊ စီးပွားရေး အဆောက်အအုံ၊ ဘတ်စ်ကားဂိတ်၊ ဓမ္မာရုံများ ပါဝင်မည်ဖြစ်ပြီး မြို့သစ် တစ်မြို့ကဲ့သို့ ဖြစ်စေရန် ရည်ရွယ် တည်ဆောက် ခြင်းဖြစ်ကြောင်း ၎င်းကဆိုသည်။
အဆိုပါ တန်ဖိုးနည်း အိမ်ရာစီမံကိန်း တည်ဆောက်ရန် ၂ဝ၁၅ ခုနှစ်၊ ဧပြီလက ချိပ်ပိတ်တင်ဒါ ခေါ်ယူခဲ့ပြီး ပြည်တွင်း၊ ပြည်ပ ဆောက်လုပ်ရေးကုမ္ပဏီ ၁၂ ခုက တင်ဒါ တင်သွင်းခဲ့သည်။
Credit: The Voice
