ရန်ကင်း အိမ်ရာဖွံ့ဖြိုးရေး စီမံကိန်းအသစ် ဆောင်ရွက်နေ

ရန်ကင်းမြို့နယ်က (၁) ရပ်ကွက်ကနေ (၆)ရပ်ကွက်အထိဧရိယာစုစုပေါင်း ၁၆၂ ဧကပေါ်မှာ ရန်ကင်းအိမ်ရာဖွံ့ဖြိုးရေး စီမံကိန်း (Yankin Estate Development) မာစတာပလန် ဆောင်ရွတ်နေတယ်လို့ လျှပ်စစ် စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ဒီနေ့ကျင်းပတဲ့ ဒုတိယအကြိမ်ရန်ကုန်တိုင်းဒေသကြီး လွှတ်တော်မှာ ပြောပါတယ်။

• 

နေရာက လက်ရှိ ၁၉၅၃-၁၉၇၂ ခုနှစ်က ပြည်သူ့အိုးအိမ်က ထူထောင်ခဲ့တဲ့ပြည်သူ့ အငှားအိမ်ရာ ရှိပါတယ်။သည်အငှားအိမ်ရာက တိုက်ခန်းပေါင်း ၂၀၆ လုံးနဲ့ အိမ်ခန်းယူနစ်ပေါင်း ၃၆၀၄ ခန်း ရှိပါတယ်။ရန်ကင်းပြည်သူ့ အိမ်ရာက နှစ်ပေါင်း ၆၀ ခန့် ရှိပြီဖြစ်လို့ ဆွေးမြေ့ပျက်စီး အန္တရာယ် ရှိနေပါတယ်။မူလတည်ဆောက်ပေးတဲ့ အခန်းတွေက စတုရန်းပေ ၂၀၀ နဲ့ ၄၄၀ သာ ကျယ်ဝန်းတာကြောင့် အခန်းတွေကို တိုးချဲ့ကာ ၊ မြေညီထပ်တွေမှာ ဈေးဆိုင်ငှားရမ်းတာတွေကြောင့် ဥပဓိရုပ်အားဖြင့် လည်းပျက်စီးနေတယ်လို့ လှိုင်မြို့နယ် လွှတ်တော်ကိုယ်စားလှယ် ဒေါ်သီက ပြောပါတယ်။

လျှပ်စစ်၊စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ရန်ကင်းအိမ်ရာကို ပုံမှန်ပြုပြင်ထိန်းသိမ်းရေး ရန်ပုံငွေနဲ့က တိုက်အားလုံးကို ပြုပြင်ဖို့ မလုံလောက်ဘဲ တိုက်အနည်းငယ်ကိုသာ ဆောင်ရွက်နိုင်တယ်လို့ ရှင်းပြပါတယ်။
ရန်ကင်းမြို့နယ်ရဲ့ မြို့ပြဖွံ့ဖြိုးမှု အခြေအနေကို သုံးသပ်ပြီး ရန်ကင်းအိမ်ရာစခန်းမှာ နေထိုင်သူတွေအတွက် နေထိုင်မှု ပုံစံ အဆင့်မြှင့်တင်ဖို့ ရန်ကင်းအိမ်ရာ အဆောက်အအုံ ဟောင်းတွေကို အသစ်ပြန်လည်တည်ဆောက်မှာပါ။

ရန်ကင်းအိမ်ရာအသစ်တည်ဆောက်ဖို့ ရန်ကင်းအိမ်ရာ ဖွံ့ဖြိုးရေး စီမံကိန်း (Yankin Estate Development) မာစတာပလန်ကို ဗိသုကာ ပညာရှင်တွေ ရေးဆွဲနေတဲ့ အဆင့်ကို ရောက်ရှိနေပြီလို့ ဒေါ်နီလာကျော်ကပြောပါတယ်။
သည်စီမံကိန်းမှာ လက်ရှိအိမ်ခန်းထက် ကျယ်ဝန်းပြီး သဘာဝအလင်းရောင်ရရှိတဲ့ ဒီဇိုင်းနဲ့ တည်ဆောက်မှာဖြစ်ပါတယ်။လက်ရှိနေထိုင်သူတွေကို တိုက်သစ်တွေမှာ နေရာပြန်ချပေးတာ ၊တိုက်ဟောင်းဖျက်တာတွေကို ရပ်ကွက်အလိုက်နှစ်ရှည်စီမံကိန်းချ ဆောင်ရွက်မယ်လို့ သိရပါတယ်။

Credit : The Modern