မည်သည့်အသင်းအဖွဲ့၏ ဥပဒေကြမ်းကိုမှ အတည်ပြုရွေးချယ်ထားခြင်မရှိသေးကြောင်း ထုတ်ပြန်

အိမ် ခြံ မြေ ဥပဒေကြမ်းနှင့်စပ်လျဉ်း၍ သက်ဆိုင်ရာ နယ်ပယ်မှ အသင်းအဖွဲ့သုံးခုမှ ဥပဒေမူကြမ်းရေးဆွဲတင်ပြခဲ့ကြသော်လည်း ကော်မရှင်အနေဖြင့်မူ မည်သည့်အသင်းအဖွဲ့တစ်ခု၏ ဥပဒေကြမ်းကိုမှ အတည်ပြုရွေးချယ်ခဲ့ခြင်းမရှိကြောင်း ရန်ကုန်တိုင်း အိမ် ခြံ မြေ လုပ်ငန်းရှင်များအသင်းမှ ထုတ်ပြန်ကြေညာခဲ့သည်။

• 

ကျွန်တော်တို့ ဒီလိုပြောတယ်ဆို တာက တစ်ခြားအသင်းက သူတို့ရဲ့ ဥပဒေကြမ်းကို အတည်ပြုသယောင် အပြောတွေ ပြောဆိုပြီး ပွဲစားတွေ အကျိုးဆောင်တွေကို သူတို့ရဲ့လိုင်စင်ရမှ လုပ်လို့ရမယ့် သဘောမျိုးပြောနေတာတွေတွေ့ရလို့ပါ။ကျွန်တော်တို့ ရန်ကုန်တိုင်းအသင်းရယ်၊ မြန်မာနိုင်ငံအိမ်ခြံမြေ အသင်းရယ်၊ မန္တလေးက အသင်းရယ် ၃ သင်းပေါ့။အသင်းကိုယ်စီကနေ ရေးဆွဲထားတဲ့ ဥပဒေကြမ်းတွေကို တင်ပြခဲ့ကြတယ်။ဥပဒေကြမ်းလေ့လာဆန်းစစ်ရေးကော်မရှင်က သူရဦးရွှေမန်းက ဘယ်ဟာကို ရွေးချယ်တယ်လို့မပြောဘူး။သူပြောတာက ဒါက အသင်းတွေက ရေးဆွဲရုံလောက်နဲ့ မပြီးဘူးပေါ့။သက်ဆိုင်ရာ နယ်ပယ်ကလူတွေ၊ ပညာရှင်တွေ၊ စိတ်ဝင်စားတဲ့ ပြည်သူလူထုတွေ ဝိုင်းဝန်းဆွေးနွေး ဝေဖန်ပြီးမှ အတည်ပြုလို့ရမှာပေါ့ ။ ခရီးရောက်ဖို့အများကြီးလိုနေသေးတယ်ပေါ့။ဒီလိုပြောခဲ့တာပါ။ဒါကို တချို့အသင်းက သူတို့ရဲ့ ဥပဒေကြမ်းအတည်ပြုသလိုမျိုးနဲ့ပြောနေတဲ့ အတွက် ကျွန်တော်တို့က ကြေညာချက်ထုတ်ပြီးရှင်းလင်းပြောဆိုရတာပါ။""ဟု ရန်ကုန်တိုင်း အိမ် ခြံ မြေ အသင်းမှ တာဝန်ရှိသူတစ်ဦးကပြောပြသည်။

အိမ် ခြံ မြေ အကျိုးဆောင်များသိရှိစေရန် အသိပေးကြေငြာခြင်းဟူသော ခေါင်းစဉ်ပါ ကြေငြာချက်တွင် အိမ်ခြံမြေ ဝန်ဆောင်မှုဥပဒေ ရေးဆွဲရန်အတွက် အလှမ်းကွာဝေးသည့် အခြေအနေတွင်သာရှိနေသေးကြောင်း၊အသင်းတစ်သင်းတည်း၏ ဥပဒေမူကြမ်းအား အတည်ပြုခြင်းလုံးဝမဟုတ်ကြောင်း အစရှိသ တို့ကို ထည့်သွင်းရေးသားဖော်ပြထားသည်ကိုတွေ့ရသည်။
လက်ရှိတွင် အကျိုးဆောင်များအနေဖြင့် တည်ငြိမ်သော အိမ်ခြံမြေ ဝန်ဆောင်မှု ဥပဒေတစ်ရပ်ပေါ်ထွန်းစေရန် လိုလားနေကြသည်။

မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com