ရက်ပိုင်းအတွင်း နိုင်ငံခြားငွေ တန်ဖိုး ဆက်တိုက် မြင့်တက်

အစိုးရ၏ ယေဘုယျဆန် သော စီးပွားရေးမူဝါဒ ထုတ်ပြန်ပြီး တစ်လကျော်အကြာတွင် ပြည် တွင်း၌ စီးပွားရေးနှေးကွေးနေခြင်း ကြောင့် နိုင်ငံခြားငွေတန်ဖိုး ဆက် တိုက်မြင့်တက်လာပြီး ကျပ်ငွေ တန်ဖိုးကျဆင်းလာကြောင်း သတင်းရရှိသည်။

ပြီးခဲ့သည့်နှစ် နိုဝင်ဘာရွေး ကောက်ပွဲ မတိုင်မီကတည်းက နိုင်ငံရေးအခြေအနေစောင့်ကြည့်
နေသော စီးပွားရေးလုပ်ငန်းရှင် များမှာ ယနေ့အထိ လုပ်ငန်းများ တိုးချဲ့လုပ်ကိုင်ခြင်း မရှိသေးဘဲ စောင့်ကြည့်နေသည့် အဆင့်သာရှိ၍ ပြည်တွင်း၌ နိုင်ငံခြားငွေရှားပါးကာ
ဈေးနှုန်းမြင့်တက်လာခြင်းဖြစ်သည်ဟု စီးပွားရေး လုပ်ငန်းရှင်များက ပြောသည်။

ဩဂုတ် ၃၁ ရက်တွင် ပြင်ပ ဈေးကွက်၌ အမေရိကန်တစ်ဒေါ် လာလျှင် ၁,၂၂၂ ကျပ် သို့ မြင့် တက်လာပြီး တရုတ်ငွေ တစ်ယွမ် လျှင် ၁၈၀ ကျပ်ကျော်၊ ထိုင်းတစ် ဘတ်လျှင် ၃၅ ကျပ်ကျော်သို့ မြင့် တက်လာသည်။ ဩဂုတ် ၁ ရက် တွင် အမေရိကန် တစ်ဒေါ်လာ လျှင် ၁,၈၀၀ ကျပ်ခန့်၊ တရုတ်ငွေ တစ်ယွမ်လျှင် ၁၇၅ ကျပ်၊ ထိုင်း ဘတ်ငွေ တစ်ဘတ်လျှင် ၃၄ ကျပ်ခန့်ရှိခဲ့သည်။ ဩဂုတ် တစ်လ အတွင်းမှာပင် အမေရိကန်တစ် ဒေါ်လာလျှင် ကျပ် ၄၀ ကျော် မြင့် တက်ခဲ့သည်။

ဒေါ်လာဈေး ဆက်တိုက်မြင့် တက်လာခြင်းသည် ပြည်ပပို့ကုန် ကဏ္ဍမှ နိုင်ငံခြားဝင်ငွေလျော့ကျ ခြင်းကြောင့်ဟု စီးပွားရေးလုပ်ငန်း ရှင်များက သုံးသပ်ထားသည်။

မြန်မာနိုင်ငံ၏ အဓိကကုန်သွယ် ဖက်နိုင်ငံဖြစ်သော တရုတ်နိုင်ငံ နှင့် နယ်စပ် ကုန်သွယ်ရေးတွင် ဇူလိုင်၌ ဖြစ်ပွားသော ရွှေလီမြစ် ရေကြီးမှု၊ တရုတ်အစိုးရ၏ မှောင် ခိုဖမ်းဆီးမှုတို့ကြောင့် ကုန်သွယ် ရေးရပ်နားခဲ့ရသည်။ ထို့ကြောင့်နိုင်ငံခြားဝင်ငွေလျော့ကျပြီး ပို့ကုန်ရငွေ တန်ဖိုးများ မြင့်တက်ကာ ဒေါ်လာဈေး မြင့်တက်ရခြင်းဟု ပို့ကုန်လုပ်ငန်းရှင် အချို့က ဆို သည်။

‘‘ဒေါ်လာဈေးတက်တာ အ ခြေခံ လူတန်းစားတွေအတွက် ကုန်ဈေးနှုန်းကြီးတဲ့ ဒုက္ခခံရမှာပဲ’’ ဟု စီးပွားရေးပညာရှင် ဦးဇော်ဖေ ဝင်းက ပြောသည်။

မြန်မာနိုင်ငံတွင် ဆေးဝါး၊ လူသုံးကုန်ပစ္စည်းများကို ပြည်ပမှ တင်သွင်းနေရသဖြင့် ဒေါ်လာဈေးမြင့်တက်ပါက ထွေထွေကုန်ဈေး နှုန်းများပါ မြင့်တက်လာမည်ဟု ဆိုသည်။

လက်ရှိ အစိုးရသစ်လက် ထက်တွင် မြန်မာနိုင်ငံ၏ ငွေကြေးဖောင်းပွမှုသည် ၁၂ ရာခိုင်နှုန်း ကျော်ရှိပြီး ယခုနှစ်၌ ၁ ရာခိုင်နှုန်း ကျော် မြင့်တက်လာသည်။ ကုန် ဈေးနှုန်းကြီးလာခြင်းကြောင့် ငွေ ကြေးဖောင်းပွမှု
မြင့်တက်လာချိန် တွင် ဒေါ်လာဈေးမြင့်တက်မှု ကြောင့် ကုန်ဈေးနှုန်း ထပ်မံကြီးမြင့်လာပါက ငွေကြေးဖောင်းပွမှု ထပ်မံမြင့်တက်လာမည်ဟု စီးပွားရေးပညာရှင် ဦးလှမောင်က ပြောကြားသည်။

ငွေကြေး ဖောင်းပွမှုများ သည့် နိုင်ငံများတွင် နိုင်ငံခြားရင်း နှီးမြှုပ်နှံမှုများ ဝင်ရောက်မှုနည်း ပါးလေ့ရှိသည်ကိုလည်း အစိုးရ က သတိထားသင့်ကြောင်း ဦးလှ မောင်က ဆိုသည်။

လက်ရှိ အစိုးရသည် ငြိမ်း ချမ်းရေးကိုသာ အဓိကထားပြီး ဆောင်ရွက်နေ၍ စီးပွားရေးကို အာရုံစိုက်မှုလစ်ဟင်းခြင်း ဖြစ်နိုင်သည်ဟု ဦးဇော်ဖေဝင်းက ပြောသည်။ ၂၁ ပင်လုံညီလာခံပြီးလျှင် အစိုးရအနေဖြင့်စီးပွားရေးကို ပြန်လည်အာရုံစိုက်မည်
ထင်ကြောင်း ၎င်းက ပြောသည်။

Credit: 7Daydaily