သံရုံးများဖွင့်ရန် နေပြည်တော်တွင် မြေငှားရမ်းနေ

အစိုးရရုံးစိုက်ရာ နေပြည်တော်တွင် နိုင်ငံတကာသံရုံးများ ဖွင့်လှစ်ရန် ဒက္ခိဏသီရိမြို့နယ်ရှိ ဟိုတယ်ဇုန်နောက်ကျောတွင် မြေကွက်များ ငှားရမ်းနေပြီဟု နေပြည်တော်ကောင်စီဝင် ဦးကံချွန်က ပြောသည်။
"သံရုံးများ မဆောက်သေးသော်လည်း ဘင်္ဂလားဒေ့ရ်ှနိုင်ငံ၊ မလေးရှားနိုင်ငံတို့က စာချုပ်ချုပ်ဆို ငှားရမ်းထားပြီး ဖြစ်ပါတယ်။ တရုတ်နိုင်ငံ၊ ကာတာနိုင်ငံ၊ ဘရူနှိုင်းနိုင်ငံ၊ အိန္ဒိယနိုင်ငံတို့မှလည်း ငှားရမ်းရေးနှင့် စာချုပ်ချုပ်ဆိုရေး စီစဉ်ဆောင်ရွက်ဆဲ ဖြစ်ပါတယ်" ဟု ဇန်နဝါရီ ၁၁ ရက်၊ အမျိုးသားလွှတ်တော်အစည်းအဝေးတွင် ဦးကံချွန်က ပြောဆိုလိုက်ခြင်း ဖြစ်သည်။

နိုဝင်ဘာရွေးကောက်ပွဲရလဒ်အရ ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ်မှ အစိုးရတစ်ရပ်ပေါ်ပေါက်လာရန် နီးကပ်လာသည့်အချိန်တွင် သံရုံးများကို နေပြည်တော်တွင်ဖွင့်လှစ်ရန် မြေငှားရမ်းလာကြခြင်းလည်း ဖြစ်သည်။

• 
• 

သံရုံးများ ဆောက်လုပ်နိုင်ရန်အတွက် အစိုးရက ဒက္ခိဏသီရိမြို့နယ်ရှိ ဟိုတယ်ဇုန်နောက်ကျောတွင် ပေ ၅၀၀ ပတ်လည်(၅၀၀' × ၅၀၀')အကျယ်ရှိ မြေကွက်ပေါင်း ၁၂၀ ကိုလည်းကောင်း၊ စစ်သံမှူးရုံးဆောက်လုပ်ရန် ပေ ၃၀၀ ပတ်လည်(၃၀၀' × ၃၀၀')အကျယ်ရှိ မြေကွက်ပေါင်း ၅၀ ကိုလည်းကောင်း ဖော်ထုတ်ထားပြီးဖြစ်သည်ဟု သမ္မတဦးသိန်းစိန် တိုက်ရိုက်ခန့်အပ်ထားသည့် နေပြည်တော်ကောင်စီဝင် ဦးကံချွန်က ပြောသည်။

ဇန်နဝါရီ ၁၁ ရက်၊ အမျိုးသားလွှတ်တော်အစည်းအဝေးတွင် ရန်ကုန်တိုင်း၊ မဲဆန္ဒနယ်အမှတ်(၅)မှ အမျိုးသားလွှတ်တော်အမတ် ဦးဝင်းနောင်က "အုပ်ချုပ်ရေးမြို့တော် နေပြည်တော်၏ အလားအလာ"ကို သိလိုသည်ဟု မေးခွန်းထုတ်ခဲ့သည်။

ယင်းမေးခွန်းအပေါ် နေပြည်တော်ကောင်စီဝင် ဦးကံချွန်က လာရောက်ဖြေကြားခဲ့ခြင်းဖြစ်ပြီး သံရုံးဆောက်ရန် မြေငှားရမ်းမှုအခြေအနေများကိုပါ ထည့်သွင်း ပြောဆိုခဲ့ခြင်း ဖြစ်သည်။ ဦးကံချွန်၏ ပြောဆိုချက်အရ လက်ရှိတွင် နေပြည်တော်ရှိ GRAND ACE Villa တွင် တရုတ်သံရုံး ရုံးခွဲဖွင့်လှစ်ထားပြီး နိုင်ငံခြားသား ၂၆ ဦး နေထိုင်လျက်ရှိသည်။
မြေဧကပေါင်း ၁,၇၄၃,၈၄၄ ဧက ကျယ်ဝန်းသည့် နေပြည်တော်တွင် လူဦးရေ ၁ သန်းကျော် နေထိုင်လျက် ရှိသည်။ သမ္မတဦးသိန်းစိန်၏ အစိုးရသက်တမ်းသည် လာမည့် မတ်လကုန်တွင် သက်တမ်းကုန်ဆုံးမည် ဖြစ်သည်။

Credit: Mizzima News