မြန်မာနိုင်ငံတွင် လာရောက် ရင်းနှီးမြှုပ်နှံထားသည့် ဟိုတယ် စီမံကိန်းများအနက် ၃၃ ခုမှာ ရင်းနှီးမြှုပ်နှံမှု ပမာဏ ဒေါ်လာ ၁ ဒသမ ၂၆၇ ဘီလျံရှိကြောင်း သိရ

မြန်မာနိုင်ငံတွင် လက်ရှိ အချိန်အထိ ဟိုတယ် လုပ်ငန်းတွင် ရင်းနှီးမြှုပ်နှံရန် MIC မှ ခွင့်ပြုမိန့် ယူထားသည့် ဟိုတယ်စီမံကိန်း ၄၇ ခု ရှိနေကြောင်းနှင့် ၃၃ ခုမှာ ဆောက်လုပ် ပြီးစီးသွားပြီ ဖြစ်ကြောင်း၊ အဆိုပါ ၃၃ ခု၏ ရင်းနှီးမြှုပ်နှံမှုသည် အမေရိကန်ဒေါ်လာ ၁ ဒသမ၂၆ ဘီလျံရှိကြောင်း သိရသည်။

အလားတူ ဆောက်လုပ်နေဆဲ စီမံကိန်း ၁၁ ခုရှိပြီး စုစုပေါင်း ရင်းနှီးမြှုပ်နှံမှု အမေရိကန်ဒေါ်လာ ၁ ဒသမ ၀၅၄ ဘီလျံ ရှိကြောင်း၊ ထို့အတူ MIC မှ ပြီးခဲ့သည့် နှစ်အတွင်း နောက်ထပ် နှစ်ခုကိုပါ ခွင့်ပြုပေးခဲ့ကြောင်း၊ ယင်းပမာဏသည် အမေရိကန်ဒေါ်လာ ၀ ဒသမ ၂၃၄ ဘီလျံ ရှိသည့်အတွက် စီမံကိန်း ၄၆ ခု၏ စုစုပေါင်း ရင်းနှီးမြှုပ်နှံမှု ပမာဏသည် အမေရိကန်ဒေါ်လာ ၂ ဒသမ ၅၅၇ ဘီလျံ ရှိနေကြောင်း ဟိုတယ်နှင့် ခရီးသွားလာရေး ၀န်ကြီးဌာနမှ ရရှိသော ကိန်းဂဏာန်းများအရ သိရသည်။

• 

“ ပြီးခဲ့တဲ့နှစ်က အထိ ၄၆ ခုရှိတယ်။ ဒီနှစ်တစ်ခု ထပ်ချပေးထားတယ် ဆိုတော့ စုစုပေါင်း ၄၇ ခုရှိတယ်။ ၄၇ ခု ပရောဂျက်ထဲမှာ ၃၃ ခုကတော့ ပြီးသွားပြီ။ ဟိုတယ်ခန်းပေါင်းကလည်း ၅၉၀၀ ကျော် ဖွင့်နေပါပြီ ” ဟု ဟိုတယ်နှင့် ခရီးသွားလာရေး ၀န်ကြီးဌာနမှ
ညွှန်ကြားရေးမှူး ဒေါ်ခင်သန်းဝင်းက ပြောကြားသည်။

နိုင်ငံအလိုက် ရင်းနှီးမြှုပ်နှံမှုတွင်မူ စင်ကာပူ နိုင်ငံသည် စုစုပေါင်း ရင်းနှီးမြှုပ်နှံမှု အမေရိကန်ဒေါ်လာ ၁ ဒသမ ၅၂၅ ဘီလျံ၊ ဗီယက်နမ်နိုင်ငံသည် ၀ ဒသမ ၄၄၀ ဘီလျံ၊ ထိုင်းနိုင်ငံသည် ၀ ဒသမ ၃၃၉ ဘီလျံ၊ ဟောင်ကောင်သည် ၀ ဒသမ ၁၅ ဘီလျံဖြင့် အသီးသီး ဦးဆောင်နေကြကြောင်း သိရသည်။

ယခုနှစ်တွင် နိုင်ငံတကာ ခရီးသွားဦးရေ ၄ ဒသမ ၅သန်းအထိ ၀င်ရောက်လာမည်ဟု ခန့်မှန်းထားကြောင်း၊ ယခုနှစ်ပိုင်းအတွင်း ခရီးသွားဦးရေ တစ်နှစ်ထက်တစ်နှစ် တိုးတက်လာကြောင်း၊ သို့သော် ၂၀၁၅ သည် ရွေးကောက်ပွဲ ရှိနေသည့် နှစ်ဖြစ်သောကြောင့် နိုင်ငံရေးဆိုင်ရာ အပြောင်းအလဲများဖြစ်ပြီး ခရီးသွား ကဏ္ဍကို ထိခိုက်မည်ကိုလည်း စိုးရိမ်နေကြကြောင်း သိရသည်။

“ ရွေးကောက်ပွဲကြောင့် tourism ကို ထိခိုက်မှု မရှိပါဘူး။ လက်ရှိ ရှိပြီးသား ခရီးသွားများနေတဲ့ နေရာတွေကတော့ သိပ်ပြီးတော့ မြှင့်တင်စရာ မလိုတော့ဘူးပေါ့။ နောက်ပိုင်း ငွေဆောင်တို့ လွိုင်ကော်ဘက် ကျိုင်းတုံဘက်တွေ အသွားများ နေပါတယ်။ အမျိုးသား ပို့ကုန်မဟာ ဗျူဟာအရ လုပ်နေတဲ့ ကယားပြည်နယ်ဘက်ကလည်း မယ်ဟောင်ဆောင်ပေါ့။ အဲ့ဒါ ပွင့်သွားရင်တော့ ထိုင်းနယ်စပ်က ခရီးသွားတွေ ပိုဝင်လာလိမ့်မယ် ” ဟု ဒေါ်ခင်သန်းဝင်းက ဆက်လက် ပြောကြားသည်။

ခရီးသွား ကဏ္ဍနှင့် ပတ်သက်၍ တိုးတက်လာနိုင်သည့် အလားအလာများ ရှိသော်လည်း ယခုနှစ်တွင် ဖြစ်ပေါ်ခဲ့သော ရေကြီးရေလျှံ ပြဿနာများကဲ့သို့ ရာသီဥတု ဖောက်ပြန်မှု ဖြစ်စဉ်များမှာ ခရီးသွား လုပ်ငန်း တိုးတက်ရေးအတွက် ခြိမ်းခြောက်နေသည့် အကြောင်းရင်းတစ်ခု ဖြစ်နိုင်ကြောင်း မြန်မာနိုင်ငံ ခရီးသွား လုပ်ငန်းရှင် အသင်းမှ ဥက္ကဋ္ဌ ဦးအောင်မြတ်ကျော်က ပြောကြားသည်။

Credit: eleven media group