စာချုပ်ချုပ်မည်ဆိုလျှင် . . . . . ရက်စွဲမပါသည့် စာချုပ်များကိစ္စအကြောင်း သိကောင်းစရာ
အချို့သော စာချုပ်များတွင် ရက်စွဲဖော်ပြရမည်ကို သတိမေ့လျော့၍ မဖော်ပြဘဲရှိသည်များ၊ အချို့သော စာချုပ်များတွင်မူ `ခုနှစ်´၊ `လ´ ဖော်ပြထားသော်လည်း `ရက်´ နေရာတွင် ( )လက်သည်းကွင်းသာ ဖော်ပြထားပြီး `ရက်´ဖြည့်သွင်းရမည်ကို သတိမေ့လျော့၍ မဖြည့်သွင်းဘဲရှိသည်များကို တွေ့ရတတ်ပါသည်။ စာချုပ်တွင် စာချုပ်ချုပ်သည့် ရက်စွဲ မပါခြင်းသည် ကာလသတ်မှတ်ချက်ဆိုင်ရာ ပြဿနာများကို ဖြစ်ပေါ်စေနိုင်ပါသည်။
နမူနာတစ်ရပ်ကို တင်ပြပါမည်။ မြေပိုင်ရှင်နှင့် ကန်ထရိုက်တာတို့ သဘောတူချုပ်ဆိုသော စာချုပ်တစ်ခုတွင် ဖြစ်ပါသည်။ မြေပိုင်ရှင်၏ မြေနေရာတွင် ကန်ထရိုက်တာက တိုက်ဆောက်လုပ်မည်ဖြစ်ရာ အပေးအယူသဘောတူစာချုပ်တစ်ရပ် ချုပ်ဆိုပါသည်။ စာချုပ်တွင် ပါရှိသည်မှာ -
``ဤစာချုပ်ပြုလုပ်သည့် အချိန်မှ အစပြု၍ (၈)လ နှင့်အပြီး တိုက်ကို ဆောက်လုပ်မည်ဖြစ်ကြောင်း ကန်ထရိုက်တာက တာဝန်ယူပါသည်။´´ဟူ၍ ပါရှိပါသည်။
သို့သော် ယင်းစာချုပ်တွင် စာချုပ်ချုပ်သည့် ရက်စွဲ မပါရှိဘဲရှိပါသည်။
စာချုပ်သည့်အချိန်မှ အစပြု၍ (၈)လ နှင့်အပြီး ဆောက်လုပ်မည် ဆိုသော်လည်း စာချုပ်ချုပ်သည့် ရက်စွဲ မပါရှိသည့်အတွက် အပြီးဆောက်လုပ်မည့် (၈)လ ဆိုသည့်ကာလကို သတ်မှတ်ရ ခက်ပါလိမ့်မည်။ တာဝန်ယူသူအတွက်မူ အကြိုက်ဖြစ်နေမည် ဖြစ်ပါသည်။
အလားတူ အရစ်ကျစနစ်ဖြင့် ငွေပေးချေရမည့် စာချုပ်များတွင်လည်း ``ဤစာချုပ် ချုပ်ဆိုသည့် နေ့ရက်မှ (၁၅)ရက် စေ့မြောက်သည့်နေ့တွင် ငွေကျပ်(၅)သိန်းကိုသော်လည်းကောင်း၊ (၃၀)ရက်စေ့မြောက်သည့်နေ့တွင် နောက်ထပ်ငွေကျပ်(၅)သိန်းကိုသော်လည်းကောင်း ဝယ်သူက ရောင်းသူသို့ အပြီးပေးချေရမည် ဖြစ်သည်။´´ဟူ၍ ချုပ်ဆိုထားခဲ့ကြပါသည်။ သို့သော် စာချုပ်တွင် ချုပ်သည့်ရက်စွဲ မပါရှိဘဲ ရှိပါသည်။ ငွေပေးရမည့်သူအတွက် ဟန်ကျလှပြီး၊ ငွေရမည့်သူအတွက် ဟန်မကျ ဖြစ်သွားနိုင်ပါသည်။
ထို့အပြင် ကာလစည်းကမ်းသတ် ဥပဒေတစ်ရပ် ရှိသည်ကိုလည်း သတိပြုစေလိုပါသည်။ ယင်းဥပဒေ၏ သဘောမှာ သက်သာမှုတောင်းဆိုခြင်းနှင့် ပတ်သက်၍ အချိန်ကာလ သတ်မှတ်ပေးသည့် ဥပဒေဟု ဆိုရပါမည်။
ချုပ်ဆိုထားသည့် ပဋိဉာဉ်အတိုင်း ဆောင်ရွက်စေရန် တရားစွဲမည်ဆိုပါ ဆောင်ရွက်ရန် ချိန်းဆိုသည့်နေ့ရက်က စ၍ (သို့မဟုတ်) ချိန်းဆိုခြင်း မရှိလျှင် မဆောင်မရွက် ငြင်းပယ်ခြင်းကို တရားလို သိသည့်အခါမှစ၍ (၃)နှစ်အတွင်း တရားစွဲဆိုရမည်ဖြစ်ကြောင်း ယင်းဥပဒေ ပထမဇယား စာပိုဒ်(၁၁၃)တွင် ပြဋ္ဌာန်းထားသည်ကို တွေ့ရပါသည်။
တဖန် ပဋိဉာဉ်ဖျက်သိမ်းလိုမှု တရားစွဲမည်ဆိုပါက ပဋိဉာဉ်ဖျက်သိမ်းပိုင်သည့် အကြောင်းချင်းရာများက်ို တရားလို ပထမသိရသည့် အခါက စ၍ (၃)နှစ်အတွင်း တရားစွဲဆိုရမည်ဖြစ်ကြောင်း ယင်းဥပဒေ ပထမဇယား စာပိုဒ်(၁၁၄)တွင် ပြဋ္ဌာန်းထားသည်ကို တွေ့ရပါသည်။ ထိုကာလ ကျော်လွန်က တရားစွဲခွင့် မရှိတော့သည့်သဘော ဖြစ်ပါသည်။
လူတစ်ယောက်က အခြားလူတစ်ယောက်သို့ ငွေများ ပေးထားပါသည်။ စာချုပ်ပြုလုပ်ချုပ်ဆို၍ ပေးထားခြင်း ဖြစ်ပါသည်။ ယင်းပေးထားသော ငွေအတွက် တရားစွဲဆိုမည်ဆိုပါက (၃)နှစ်အတွင်း တရားစွဲ တောင်းရမည်ဖြစ်ပါသည်။ {ပထမဇယား စာပိုဒ်(၆၁)} ထိုသို့တောင်းဆိုရမည်မှာ ငွေပေးခဲ့သည့်အခါက စ၍ စတင်ရေတွက်ရမည် ဖြစ်ပါသည်။ သို့သော် စာချုပ်တွင် ချုပ်ဆိုသည့် ရက်စွဲ မပါရှိခဲ့လျှင် မည်သည့်နေ့က ငွေပေး၍ စာချုပ်ချုပ်ခဲ့သည်ဟူသော အချက်ကို ထင်ရှားအောင် အရင်ပြုလုပ်ရပါအုံးမည်။ ယင်းအချက် ပေါ်လွင်ပြီးပါမှ စတင်ရေတွက်ရမည့် ကာလကို သတ်မှတ်ယူရမည် ဖြစ်ပါသည်။ သို့မဟုတ်ပါက စတင်ရေတွက်၍ မရအောင် စာချုပ်၏ မပြည့်စုံမှုက ခံ၍နေပါမည်။
ကာလစည်းကမ်းသတ်ဥပဒေတွင် အလားတူ ပြဋ္ဌာန်းထားမှုများ အများအပြားပါရှိပါသည်။ သို့ဖြစ်ရာ ကာလစည်းကမ်းသတ် ကာလကို တွက်ချက်နိုင်ရန်မှာ စာချုပ်တိုင်းတွင် စာချုပ်ချုပ်သော ရက်စွဲအပြင် အခြားဆောင်ရွက်မှုနှင့် စပ်လျဉ်းသော ရက်စွဲများ ပါရှိရန် လိုအပ်မည်ဖြစ်ကြောင်း အကြံပြုအပ်ပါသည်။
Credit >>> ဦးကျော်ဇေယျ( ဥပဒေ )
