တန်ဖိုးသင့် နန္ဒ၀န်အိမ်ရာစီမံကိန်း တည်ဆောက်ရေးလုပ်ငန်းများ စတင်
စစ်ကိုင်းတိုင်းဒေသကြီး အ စိုးရအဖွဲ့ စီစဉ်မှုဖြင့် ဆောက်လုပ် မည့် တန်ဖိုးသင့် နန္ဒ၀န်အိမ်ရာ ကို ဖေဖော်ဝါရီ ၁၉ ရက်တွင် စတင်ဆောက်လုပ်နေပြီး အငြိမ်း စားအစိုးရ၀န်ထမ်းနှင့် ကျဆုံးတပ် မတော်သားမိသားစုဝင်များကို ဦး စားပေးရောင်းချမည်ဖြစ်ကြောင်း သတင်းရရှိသည်။
‘‘နန္ဒ၀န်အိမ်ရာ စီမံကိန်း တည်ဆောက်ရေးမှာ ပထမအ ဆင့်အဖြစ် အိမ်ရာ ၁၁ လုံးကို တိုင်းဒေသကြီး အစိုးရအဖွဲ့ စီစဉ် မှုနဲ့ ကုမ္ပဏီ ခြောက်ခုက တည် ဆောက်သွားမှာပါ။ နောက်ထပ် အိမ်ရာ ၁၁ လုံးကို မြို့ရွာနှင့် အိုး အိမ်ဖွံ့ဖြိုးတိုးတက်ရေး ဦးစီးဌာန ရဲ့ စီစဉ်မှုနဲ့ တည်ဆောက်သွားမှာ ဖြစ်ပါတယ်’’ ဟု စစ်ကိုင်းတိုင်း ဒေသကြီးမြို့ရွာနှင့် အိုးအိမ်ဖွံ့ဖြိုး တိုးတက်ရေး ဦးစီးဌာန တာဝန်ရှိ သူတစ်ဦးက အဆိုပါအိမ်ရာ မြေ သန့်မင်္ဂလာ အခမ်းအနားတွင် ပြောကြားသည်။
မုံရွာမြို့ နန္ဒ၀န်အိမ်ရာစီမံ ကိန်းတည်ဆောက်ရေးလုပ်ငန်း မှာ မုံရွာမြို့ နန္ဒ၀န်ရပ်ကွက်၊ အောင်ဇေယျလမ်းနှင့် မေတ္တာ လမ်းထောင့်တွင် တည်ရှိသည်။ ငွေကံဆင့်၊ Original Group၊ အောင်မြင်သူ၊ Holy Land၊ Stone Dragon နှင့် ချန်ပီယံစ သည့် ဆောက်လုပ်ရေးကုမ္ပဏီ ခြောက်ခုက ရှစ်ခန်းတွဲ ငါးထပ် တိုက် အလုံးရေ ၁၁ လုံးကို စစ် ကိုင်းတိုင်းဒေသကြီး အစိုးရအဖွဲ့ အစီအစဉ်ဖြင့် တာဝန်ယူတည် ဆောက်သွားမည်ဖြစ်သည်။
တိုက် ၁၁ လုံးတွင် ပါဝင် မည့် အိမ်ခန်းပေါင်း ၄၄၀ ကို ယခုနှစ် ဖေဖော်ဝါရီမှ အောက် တိုဘာလအတွင်း အပြီးတည် ဆောက်မည်ဟု သိရသည်။ တည် ဆောက်မှု ၅၀ ရာခိုင်နှုန်း ပြီးစီး ချိန်တွင် စစ်ကိုင်းတိုင်းဒေသကြီး အစိုးရအဖွဲ့ရုံးနှင့် အိမ်ရာအ ရောင်းပြခန်းများတွင် လက်ငင်း ငွေချေစနစ်၊ အရစ်ကျ ငွေချေ စနစ်များဖြင့် ရောင်းချသွားမည် ဖြစ်သည်။
အိမ်ရာတိုက်ခန်းဈေးနှုန်း များအဖြစ် မြေညီထပ်မှာ ကျပ် ၂၀၅ သိန်းမှ အပေါ်ဆုံးငါးလွှာ မှာ ငွေကျပ် ၁၂၅ သိန်းအထိ ရှိ ပြီး အထပ်အရေအတွက်အလိုက် ကျပ်သိန်း ၂၀ စီ ဈေးနှုန်းကွာ ခြားမည်ဖြစ်ကြောင်း နန္ဒ၀န်အိမ် ရာတည်ဆောက်ရေးကုမ္ပဏီ တာ ၀န်ရှိသူက ပြောသည်။
‘‘အခုဆောက်တဲ့ မြေနေရာ က အစိုးရပိုင်မြေနေရာဆိုတော့ တည်ဆောက်စရိတ်လောက်နဲ့ ရောင်းချပေးသွားမှာဖြစ်ပါတယ်။ အဆောက်အအုံ၊ လမ်း၊ လျှပ်စစ် မီး စတဲ့အိမ်ရာအတွက် လိုအပ် တာအားလုံး ပါဝင်ပါမယ်။ ဦးစား ပေးစနစ်မှာတော့ အငြိမ်းစား၊ စစ် မှုထမ်းဟောင်း၊ ကျဆုံးစစ်သည် မိသားစု၊ ၀န်ထမ်းနဲ့ ဒေသခံပြည် သူတွေကို ရောင်းချပေးသွားမှာ ဖြစ်ပါတယ်’’ ဟု နန္ဒ၀န်အိမ်ရာ တည်ဆောက်ရေး စီမံကိန်း တာ ၀န်ရှိသူတစ်ဦးက ပြောကြား သည်။
နန္ဒ၀န်အိမ်ရာ စီမံကိန်း တည်ဆောက်ရေးတွင် ကျန်ရှိသော တိုက်အလုံးရေ ၁၁ လုံး၊ အိမ်ခန်း ပေါင်း ၄၄၀ တည်ဆောက်ရေးအ တွက် မြို့ရွာနှင့် အိုးအိမ် ဖွံ့ဖြိုးမှု ဦးစီးဌာန ရုံးချုပ် နေပြည်တော်မှ တင်ဒါစနစ်ဖြင့် ဆောက်လုပ်ရေး လုပ်ငန်း ကုမ္ပဏီများအား ခေါ်ယူ ၍ ဆက်လက်တည်ဆောက်ရန် စီစဉ်ဆောင်ရွက်လျက်ရှိသည်။
မုံရွာမြို့ နန္ဒ၀န်ရပ်ကွက် အောင်ဇေယျလမ်းနှင့် မေတ္တာ လမ်းထောင့်ရှိ မြေ ၁၀ ဧကခန့် ပေါ်တွင် ရှစ်ခန်းတွဲငါးထပ် တည် ဆောက်နေပြီး အိမ်ခန်းများမှာ အိပ်ခန်းနှစ်ခန်းပါ မျက်နှာစာ ၂၁ ပေ ၉ လက်မ၊ ဘေးအလျား ၂၆ ပေ၊ ၅၁၅ စတုရန်းပေရှိသည်။ ရှစ်ခန်းတွဲ ငါးထပ်တိုက်အလုံးရေ ၂၂ လုံးတွင် အိမ်ခန်းပေါင်း ၈၈၀ ပါဝင်မည်ဖြစ်သည်။
Credit: 7 day daily
