Knowledge | Posted by Shwe Zin Win
အသီးအနှံတွေ ဆိုတာ အာဟာရလည်းရှိတယ် အမျှင်ဓါတ်လည်းကြွယ်ဝတယ် ဓါတ်တိုးဆန့်ကျင့်တဲ့အာနိသင်တွေလည်းအပြည့်ပါတယ်ဆိုတော့ ကျန်းမာရေးအတွက်ကောင်းတယ်ဆိုတာ အလုံးသိကြမှာပါ။ ဒီလို ကျန်းမာရေးအတွက်ကောင်းတယ်ဆိုတဲ့ အသီးတွေထဲက တစ်ချို့က ကျောက်ကပ်အတွက်ပိုကောင်းတယ်ဆိုတာ သိကြပါသလား။ အထူးသဖြင့် ကျောက်ကပ်မှာ ကျောက်တည် နေတဲ့သူတွေ နာတာရှည်ကျောက်ကပ်ရောဂါရှိတဲ့သူတွေအနေနဲ့ ခုပြောပြမယ့်အသီးတွေကို စားရင် ပိုအကျိုးရှိမှာပါ။
ကျန်းမာတဲ့ ကျောက်ကပ်တစ်စုံကို ပိုင်ဆိုင်ချင်တယ်ဆိုရင်
▶︎ အမျှင်ဓါတ်များပြီး ရောင်ရမ်းခြင်းတွေကို လျော့ကျစေတဲ့ အာနိသင်များတဲ့ အသီးတွေကို ရွေးစားပါ။
▶︎ ပန်းသီး – သွေးတွင်းကိုလက်စရောကို လျော့ကျစေပြီး ကိုယ်တွင်းကလီစာတွေကို ကျန်းမာစေမှာပါ
▶︎ စပျစ်သီးအနီမှာ ပါဝင်တဲ့ ရောင်ခြယ်ပစ္စည်း resveratrol လေးဟာ ရောင်ရမ်းခြင်းကို လျော့ကျစေတဲ့အာနိသင့်ရှိပြီး ကျောက်ကပ်မှာရှိတဲ့ သွေးကြောလေးတွေကို ပျော့ပျောင်းစေပါတယ်။
▶︎ Cranberries – ဆီးရဲ့ အက်ဆစ်ဓါတ်ပြင်းအောင်သူက ကူညီပေးတာကြောင့် ဆီးလမ်းကြောင်း တော်ရုံ ပိုးဝင်ဖို့ မလွယ်တော့ဘူးနော်။
▶︎ ဘလူးဘယ်ရီ၊ ရက်စ်ဘယ်ရီ အသီးတွေမှာပါတဲ့ ဗီတာမင် စီ၊ မဂ္ဂနီစ် နဲ့ anthocyanins တို့ဟာ ရောင်ရမ်းခြင်းကို လျော့ကျစေတာကြောင့် ကျောက်ကပ်ကျန်းမာရေးအတွက် ကောင်းမွန်တဲ့ အသီးအနှံတွေပါ။
ကျောက်ကပ်ထဲ ကျောက်တည်နေပြီဆိုရင်
ကျောက်ကပ်ထဲမှာကျောက်တည်တဲ့ ဝေဒနာခံစားနေရပြီဆိုရင်တော့ ဒီအသီးတွေစားပေးပါ။
▶︎ ငှက်ပျောသီး – ပိုတက်ဆီယမ်ဓါတ်ကြွယ်ဝတာကြောင့် ဆီးကျောက်တည်စေတယ့် သတ္တုဓါတ်လေးတွေကို ဖယ်ရှားပေးပါတယ်။
▶︎ တစ်နေ့ကို လိမ္မော်ရည်တစ်ခွက်သောက်ပေးရင် ဆီးထဲမှာ ရှိတဲ့အက်ဆစ်ပြင်းအားလျော့ကျသွားတာကြောင့် ဆီးကျောက်တည်တဲ့ ပြဿနာကို လျော့နည်းစေမှာပါ။
နာတာရှည်ကျောက်ကပ်ဝေဒနာဖြစ်နေတယ်ဆိုရင်တော့
▶︎ ငှက်ပျောသီးရှောင်ပါ။ ကျောက်ကပ်မကောင်းတဲ့အခါ သွေးတွင်းက ပိုတက်ဆီယမ်ကို ပုံမှန် ပမာဏဖြစ်အောင် မထိန်းထားနိုင်တော့ဘဲ ပိုတက်ဆီယမ်တွေ များနေတတ်ပါတယ်။ အဲဒီအချိန်မှာ ပိုတက်ဆီယမ် အများကြီးပါတဲ့ ငှက်ပျောသီးကို ရှောင်ပေးဖို့လိုပါတယ်။
▶︎ ငှက်ပျောသီးအပြင် အခြား ပိုတက်ဆီယမ်ဓါတ်ကြွယ်ဝတဲ့ ကီဝီသီး၊ သခွားမွေးသီး၊ သရက်သီး၊ သင်္ဘောသီး နဲ့ အခြား သစ်သီးအခြောက်တွေကို ရှောင်ဖို့လိုအပ်ပါတယ်။
▶︎ အထူးသဖြင့် oxalic acid ဓါတ်ကြွယ်ဝတဲ့ စောင်းလျားသီးကို ကျောက်ကပ်သမားတွေ အထူးရှောင်ဖို့လိုအပ်ပါတယ်။ ။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
Credit: hellosayarwon
