Knowledge | Posted by Si Thu Aung
မရွှေ့မပြောင်းနိုင်သောပစ္စည်းများကို ကန့်သတ်သည့်ဥပဒေပုဒ်မ - ၃ အရ နိုင်ငံခြားသားကိုဖြစ်စေ၊ နိုင်ငံ သားပိုင် ကုမ္ပဏီကိုဖြစ်စေ မရွှေ့မပြောင်းနိုင်သော အိမ်ခြံမြေအား လွှဲပြောင်းရောင်းချခြင်း၊ ဝယ်ယူခြင်း၊ ပေးကမ်း ခြင်း၊ ပေါင်နှံခြင်း၊ လွှဲပြောင်းခြင်း ဆောင်ရွက်မရပါ။ နိုင်ငံခြားသား၊ နိုင်ငံခြားသားပိုင် ကုမ္ပဏီအား မရွှေ့မပြောင်း နိုင်သောပစ္စည်း အိမ်ခြံမြေအား ငှားရမ်းခြင်းများတွင်လဲ ပုဒ်မ - ၄ အရ (၁)နှစ်ထက်ပို၍ ငှားရမ်းခြင်း ဆောင်ရွက် မရပါ။ နိုင်ငံအတွင်း မူလရှိနှင့်နေသော နိုင်ငံခြားသားပိုင်၊ နိုင်ငံခြားသားကုမ္ပဏီပိုင် မရွှေ့မပြောင်းနိုင်သော ပစ္စည်းများအား ပုဒ်မ-၈ အရ ၎င်းပစ္စည်းတည်ရှိရာ မှတ်ပုံတင်ရုံးတွင် မှတ်ပုံတင်ထားရှိရန် လိုပါသည်။
မူလရှိနှင့်နေသော နိုင်ငံခြားသားပိုင် မရွှေ့မပြောင်းနိုင်သောပစ္စည်းအားလဲ နိုင်ငံခြားသား ကွယ်လွန်လျှင်၊ အခြားနိုင်ငံခြားတစ်ခုခုသို့ အပြီးထွက်ခွာလျှင်၊ ပြည်နှင်ဒဏ်ပေးအပ်သည့်အခါ ပုဒ်- ၆ နှင့်အညီ တရားဝင်ဥပဒေ နှင့်အညီ အမွေဆက်ခံခွင့်ပေးခြင်း၊ ပြည်သူ့ဘဏ္ဏာအဖြစ် သိမ်းဆည်းခြင်းတို့ ဆက်လက်ဆောင်ရွက်ရမည် ဖြစ်ပါ သည်။
အမွေဆက်ခံမှုတွင် အမွေဆက်ခံသူအချင်းချင်း သဘောတူညီလျှင် ပုဒ်မ - ၇ အရ အမွေခွဲဝေပေးခြင်းလဲ ဆောင်ရွက်ပေးနိုင်ပါသည်။ တရားရုံးအမိန့်တစ်ရပ်ဖြင့် အဆုံးအဖြတ်ပြုရမည်ဆိုပါကလဲ တရားရုံးမှ အမွေဆက် ခံမှု ဥပဒေနှင့်အညီ ဆောင်ရွက်ပေးမည်ဖြစ်ပါသည်။
မရွှေ့မပြောင်းနိုင်သောပစ္စည်းကို ကန့်သတ်သည့်ဥပဒေအား နိုင်ငံခြား သံတမာန်အဖွဲ့အစည်း၊ ကုလသ မဂ္ဂအဖွဲ့အစည်းများမှ ကင်းလွတ်နိုင်သည့် အခွင့်အရေးရှိပါသည်။
မရွှေ့မပြောင်းနိုင်သာ့ပစ္စည်းလွှဲပြောင်းခြင်း ကန့်သတ်သည့်ဥပဒေအား ဖောက်ဖျက်ကျုးလွန်မှု ရှိခဲ့လျှင် (၃)နှစ်ထိ ထောင်ဒဏ်အပြင် အိမ်ခြံမြေပစ္စည်းကို သိမ်းဆည်းခြင်းလဲ ခံရမည်ဖြစ်ပါသည်။ တစ်နှစ်ထက်ကျော် လွန်ကာ မှတ်ပုံတင်စာချုပ်ချုပ်ဆိုထားခြင်း မရှိသော ငှားရမ်းခြင်းများအားလဲ ငှားရမ်းခ ငွေ၏ (၃)ဆထက် မနည်းသော ငွေဒဏ်အား ချမှတ်ခြင်းခံရမည်ဖြစ်ကြောင်း ဥပဒေဗဟုသုတအနေဖြင့် ရေးသားဖော်ပြ ပေးလိုက်ပါ သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
iMyanmarHouse.com ၏ ဥပဒေအကြံပေး ပညာရှင်အဖွဲ့ မှ အထူးရေးသားဖော်ပြသည်။
Credit: iMyanmarHouse.com
