ခေါက်၊ ဖြန့်၊ တပ်ဆင် လွယ်ကူစွာပြောင်းရွှေ့နေရာချနိုင်သော ခေါက်အိမ်ငယ်တစ်လုံးကို ဒေါ်လာ ၉ ထောင်ကျော်ခန့်ဖြင့် Amazon မှ မိတ်ဆက်ရောင်းချ

Amazon မှ အသစ်ရောင်းချသော ခေါက်အိမ်သည် ဒေါ်လာ ၉၀၀၀ ကျော်ခန့်သာကုန်ကျပြီး နေရာတစ်ခုမှ နောက်တစ်နေရာသို့ အလွယ်တကူပြောင်းရွေ့အခြေချနိုင်သည့် ခေါက်နိုင်သော Container Home အမျိုးအစားဖြစ်သည်။

သတ္တုသားကို အခြေခံတည်ဆောက်ထားပြီး ရာသီဥတုဆိုးရွားသည့်ကာလမှာပင် ကောင်းစွာ နေထိုင်နိုင်သည်အထိ အရည်အသွေးတိုးမြှင့်ပြုလုပ်ထားကြောင်း သိရပါသည်။အိမ်တစ်လုံးကို ဒီဇိုင်းအမျိုးမျိုးထွင်နိုင်ပြီး လုံခြုံမှုခိုင်မာမှုရှိအောင် ဦးစားပေးဆောက်လုပ်ထားခြင်းဖြစ်ကြောင်း Amazon မှ ဖော်ပြထားပါသည်။

( နူးညံ့နွေးထွေးသော ရွှေ့ပြောင်းအိမ်လေးမှာ ကျယ်ဝန်းသောမီးဖိုချောင်, ရေချိုးခန်း, ဧည့်ခန်းကျယ်ပါဝင်သည်။ ဓာတ်ပုံ -Amazon)

ဆောက်လုပ်မှုကုန်ကျစရိတ်မရှိဘဲ အိမ်တပ်ဆင်ဆောက်လုပ်ရာတွင် ၁၀ မိနစ်ဝန်းကျင်သာ ကြာမြှင့်မည်ဖြစ်ပြီး အလွယ်တကူတပ်ဆင်နိုင်သည့် Container Home အမျိုးအစားဖြစ်ပါသည်။ အဆိုပါအိမ်အတွင်း ဘယ်လိုအခန်းများဖွဲ့လို့ရနိုင်သည်ဆိုသည်ကို ကြည့်ကြည့်ပါမည်။

( ရွှေ့ပြောင်း။တပ်ဆင်ရန်လွယ်ကူသော ကွန်တိန်နာအိမ်ငယ်လေးကို ဒေါ်လာ 9,876 ဖြင့်ရောင်းချမည်ဖြစ်ကြောင်း Amazon မှ အရောင်းပြထားသည်။ ဓာတ်ပုံ -Amazon )

အိမ်မှာ (၁၉ ပေ x ပေ ၂၀) ကျယ်ဝန်းပြီး လူနှစ်ယောက်စာ သက်သာချောင်ချိစွာ နေထိုင်နိုင်မည် ဖြစ်သည်။ လွယ်ကူသန့်ရှင်းတဲ့ မီးဖိုချောင်အခန်းငယ်ဖွဲ့နိုင်ပြီး အေးချမ်းသည့်ရာသီဥတုတွင် နွေးထွေးမှုကိုပေးမည့် ဧည့်ခန်း၊ရေချိုးခန်းများ ပါဝင်မှာဖြစ်ပါသည်။

( အိမ်ရဲ့ရေချိုးခန်းကိုအသားပေးဖော်ပြထားသည့်ပုံတွင် ဘေစင်၊ရေချိုးခန်း၊အိမ်သာ ပါဝင်သည်ကို တွေ့ရှိနိုင်သည်။ ဓာတ်ပုံ -Amazon )

အမေရိကန်နိုင်ငံတွင် ရွေ့ပြောင်း Container Home များဖြင့် နေထိုင်မှုသည် တစ်စတစ်စတိုးပွားလာနေပြီး အိမ်တစ်လုံး၏ လက်ရှိပျှမ်းမျှကုန်ကျစရိတ်မှာ ဒေါ်လာ ၂ သောင်းခန့်မှသည် တစ်သိန်းဝန်းကျင်အထိ ရှိနေသည့်ကြားမှ Amazon မှ အသစ်မိတ်ဆက်လိုက်သည့် Container Home အသစ်ကမှာ ဒေါ်လာ ၉၀၀၀ ကျော်သာ ကျသင့်မှာဖြစ်ပြီး ဈေးနှုန်းအားဖြင့် တန်လွန်းပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com