အထူးဥပဒေများ ဖြစ်ပေါ်လာပုံအကြောင်း နှင့် လက်ရှိအထူးစီးပွားရေးဇုန်ဥပဒေအကြောင်းကို ဥပဒေ ဗဟုသုတအနေဖြင့် ဖော်ပြပေးလိုက်ပါတယ်။

Knowledge | Posted by Hnin Ei Khin

[Unicode]

ပြစ်မှုကျူးလွန်ခြင်းများကို စီရင်ဆုံးဖြတ်ရာတွင် ပြစ်မှုဆိုင်ရာဥပဒေဖြင့် စီရင်ဆုံးဖြတ်ပြီး ငွေရေး ကြေးရေးနှင့် လူမှုရေးပြဿနာ နစ်နာကြေးများ ရလိုမှုများအတွက် တရားမမှုများ ဖွင့်လှစ်စေ၍ စီရင်ဆုံးဖြတ်ပါတယ်။

ဥပဒေတချို့၏ အသေးစိတ်လိုအပ်ချက်များနှင့် သီးခြားဆောင်ရွက်ရန် ကိစ္စရပ်များကို ဖြည့်ဆည်း ဆောင်ရွက်ရန်အတွက် အထူးဥပဒေများအသီးသီး ထွက်ပေါ်လာပါသည်။

အထူးဥပဒေဆိုသည်မှာ နိုင်ငံရေးအပေါ် အခြေခံ၍သော်လည်းကောင်း၊ စီးပွားရေးအပေါ် အခြေခံ၍ သော်လည်းကောင်း၊ လူမှုရေးအပေါ် အခြေခံ၍သော်လည်းကောင်း စီမံကိန်းလုပ်ငန်းဆောင်တာများ အောင်မြင်စွာ အကောင်အထည်ဖော်ဆောင်ရွက်နိုင်ရန်အတွက် ပြဌာန်းခြင်းပင်ဖြစ်သည်။

၂၀၁၄ခုနှစ် တွင် စီးပွားရေးအပေါ်အခြေခံ၍ အထူးစီးပွားရေးဇုန်ဥပဒေ ထွက်ရှိထားပြီး ထိုဥပဒေအရ ရင်းနှီးမြုပ်နှံသူဆိုသည်မှာ အထူးစီးပွားရေးဇုန်အတွင်း ကော်မတီက ခွင့်ပြုသည့် လုပ်ငန်းကိုအကောင်အထည် ဖော်ဆောင်ရွက်နေသည့် နိုင်ငံသား၊ အကျိုးတူလုပ်ကိုင်သည့် နိုင်ငံသားနှင့် နိုင်ငံခြားသားကို ဆိုလိုပါသည်။

ရင်းနှီးတည်ဆောက်လိုသူများသည် နည်းဥပဒေပုဒ်မ-၂၂အရ လိုင်စင်၊ ပါမစ်နှင့် ခွင့်ပြုမိန့်များကို အလုံးစုံဝန်ဆောင်မှုပေးသည့် သက်ဆိုင်ရာဝန်ကြီးဌာနသို့ လျှောက်ထားရမည်။ လုပ်ငန်းဆောင်တာများ ဆောင်ရွက်လိုသူသည် ပုံစံ(က)ဖြင့် သတ်မှတ်ပူးတွဲ စာရွက်စာတမ်းများဖြင့် လျှောက်ထားရပြီး ခွင့်ပြုပါက စီမံခန့်ခွဲမှုကော်မတီသည် ပုံစံ(ခ) ထုတ်ပေးပါသည်။

လုပ်ကိုင်သည့်လုပ်ငန်းနှင့် အဖွဲ့အစည်းများကို သတ်မှတ်ချက်များနှင့်အညီ အထူးစီးပွားရေး စက်မှုဇုန်ကော်မတီရုံးအတွင်း ပူးတွဲဖွင့်လှစ်ထားသည့် ရင်းနှီးမြုပ်နှံမှုနှင့်ကုမ္ပဏီများ ညွှန်ကြားရေးဦးစီးဌာနရုံးခွဲတွင် မှတ်ပုံတင်ရမည်။

အထူးစီးပွားရေးဇုန်ဥပဒေပုဒ်မ-၉ အရ ရင်းနှီးမြုပ်နှံသူသည် သတ်မှတ်ချက်များနှင့်အညီ အောက်ပါလုပ်ငန်းဆောင်တာများ လုပ်ကိုင်ဆောင်ရွက်နိုင်ပါသည်။

၁။ ကုန်ချောထုတ်လုပ်ခြင်းလုပ်ငန်း၊ ကုန်ပစ္စည်းအဆင့်ဆင့် ထုတ်လုပ်ခြင်း၊ ကုန်လှောင်ရုံ လုပ်ငန်းလုပ်ကိုင်ခြင်း၊ သယ်ယူပို့ဆောင်ခြင်းနှင့် ဝန်ဆောင်မှုပေးခြင်း။

၂။ လုပ်ငန်းအတွင်းအသုံးပြုမည့် ကုန်းကြမ်းပစ္စည်းများ၊ ထုတ်ပိုးပစ္စည်းများ၊ စက်ပစ္စည်း ကိရိယာတန်ဆာပလာများနှင့် စက်သုံးဆီများကို ဇုန်အတွင်းသို့ သယ်ယူတင်သွင်းခြင်း။

၃။ ထုတ်လုပ်သည့် ကုန်ပစ္စည်းများကို ပြည်တွင်း၊ ပြည်ပသို့ ကူးသန်းရောင်းဝယ်ခြင်း။

၄။ ရင်းနှီးမြုပ်နှံမှုလုပ်ငန်းများနှင့် ပြည်ပဝန်ဆောင်မှု လုပ်ငန်းရုံးများကို စီမံခန့်ခွဲမှု ကော်မတီ၏ ခွင့်ပြုမိန့်ဖြင့် သတ်မှတ်နေရာတွင် တည်ထောင်ဖွင့်လှစ်ခြင်း။

၅။ နိုင်ငံတော်က တားမြစ်ထားခြင်းမရှိသော အခြားစီးပွားရေးလုပ်ငန်းများကို စီမံခန့်ခွဲမှုကော်မတီ၏ခွင့်ပြုချက်ဖြင့် လုပ်ကိုင်ဆောင်ရွက်ခြင်းတို့ပဲဖြစ်ပါသည်။

ထိုအထူးစီးပွားရေးဇုန်အတွင်းသို့ ကုန်စည်များတင်သွင်းခြင်းနှင့် စပ်လျဉ်း၍ အကောက်ခွန်ဦးစီးဌာန နှင့် အကောက်ခွန်၊ အခြားအခွန်အခများ ကောက်ခံခြင်းမှ ကင်းလွတ်ခွင့်ရရှိရန် ညီနှိုင်းသတ်မှတ်ထားပါ သည်။ ပုဒ်မ-၃၂ အရ

၁။ ကင်းလွတ်ဇုန်အတွင်း ခုနှစ်နှစ်အတွင်း ဝင်ငွေခွန်ကင်းလွတ်ခွင့်၊

၂။ လုပ်ငန်းမြှင့်တင်ရေးဇုန်အတွင်း ပထမနှစ်(၅)နှစ်အတွင်း ဝင်ငွေခွန်ကင်းလွတ်ခွင့်၊

၃။ ဒုတိယ(၅)နှစ်အတွက် ဝင်ငွေခွန်၏ ၅၀% ရာခိုင်နှုန်းသက်သာခွင့်၊

၄။ တတိယ(၅)နှစ်အတွက် ရင်းနှီးမြုပ်နှံရန် အမြတ်ငွေကို ရန်ပုံငွေထားရှိ၍ တစ်နှစ်အတွင်း ပြန်လည်ရင်းနှီးမြုပ်နှံပြီး မြတ်စွန်းငွေအပေါ်တွင် ဝင်ငွေခွန်းနှုန်းထား၏ ၅၀% ရာခိုင်နှုန်း သက်သာခွင့်ပေးထားပါသည်။

ကင်းလွတ်ခွင့် အချိန်ကာလများ အထက်ပါအတိုင်းကျော်လွန်ပါက သတ်မှတ်ဝင်ငွေခွန်နှုန်းထားကို ထမ်းဆောင်ရပါမည်။

ထို့ပြင် အငြင်းပွားမှုများ ဖြစ်ပေါ်သည့်အခါ ချစ်ကြည်ရင်းနှီးစွာဖြေရှင်းခြင်း၊ စာချုပ်ပါ သတ်မှတ်ချက်များ နှင့်အညီ ဖြေရှင်းခြင်း၊ တည်ဆဲဥပဒေနှင့်အညီ ဖြေရှင်းခြင်းတို့ဖြင့် ဖြေရှင်း ဆောင်ရွက်စေပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပဒေအကြံပေး ပညာရှင်အဖွဲ့ မှ အထူးရေးသားဖော်ပြသည်။

Credit: iMyanmarHouse.com

[Zawgyi]

အထူးဥပေဒမ်ား ျဖစ္ေပၚလာပုံအေၾကာင္း ႏွင့္ လက္႐ွိအထူးစီးပြားေရးဇုန္ဥပေဒအေၾကာင္းကို ဥပေဒ ဗဟုသုတအေနျဖင့္ ေဖာ္ျပေပးလိုက္ပါတယ္။

ျပစ္မႈက်ဴးလြန္ျခင္းမ်ားကို စီရင္ဆုံးျဖတ္ရာတြင္ ျပစ္မႈဆိုင္ရာဥပေဒျဖင့္ စီရင္ဆုံးျဖတ္ၿပီး ေငြေရး ေၾကးေရးႏွင့္ လူမႈေရးျပႆနာ နစ္နာေၾကးမ်ား ရလိုမႈမ်ားအတြက္ တရားမမႈမ်ား ဖြင့္လွစ္ေစ၍ စီရင္ဆုံးျဖတ္ပါတယ္။

ဥပေဒတခ်ိဳ႕၏ အေသးစိတ္လိုအပ္ခ်က္မ်ားႏွင့္ သီးျခားေဆာင္႐ြက္ရန္ ကိစၥရပ္မ်ားကို ျဖည့္ဆည္း ေဆာင္႐ြက္ရန္အတြက္ အထူးဥပေဒမ်ားအသီးသီး ထြက္ေပၚလာပါသည္။

အထူးဥပေဒဆိုသည္မွာ ႏိုင္ငံေရးအေပၚ အေျခခံ၍ေသာ္လည္းေကာင္း၊ စီးပြားေရးအေပၚ အေျခခံ၍ ေသာ္လည္းေကာင္း၊ လူမႈေရးအေပၚ အေျခခံ၍ေသာ္လည္းေကာင္း စီမံကိန္းလုပ္ငန္းေဆာင္တာမ်ား ေအာင္ျမင္စြာ အေကာင္အထည္ေဖာ္ေဆာင္႐ြက္ႏိုင္ရန္အတြက္ ျပဌာန္းျခင္းပင္ျဖစ္သည္။

၂၀၁၄ခုႏွစ္ တြင္ စီးပြားေရးအေပၚအေျခခံ၍ အထူးစီးပြားေရးဇုန္ဥပေဒ ထြက္႐ွိထားၿပီး ထိုဥပေဒအရ ရင္းႏွီးျမဳပ္ႏွံသူဆိုသည္မွာ အထူးစီးပြားေရးဇုန္အတြင္း ေကာ္မတီက ခြင့္ျပဳသည့္ လုပ္ငန္းကိုအေကာင္အထည္ ေဖာ္ေဆာင္႐ြက္ေနသည့္ ႏိုင္ငံသား၊ အက်ိဳးတူလုပ္ကိုင္သည့္ ႏိုင္ငံသားႏွင့္ ႏိုင္ငံျခားသားကို ဆိုလိုပါသည္။

ရင္းႏွီးတည္ေဆာက္လိုသူမ်ားသည္ နည္းဥပေဒပုဒ္မ-၂၂အရ လိုင္စင္၊ ပါမစ္ႏွင့္ ခြင့္ျပဳမိန္႔မ်ားကို အလုံးစုံဝန္ေဆာင္မႈေပးသည့္ သက္ဆိုင္ရာဝန္ႀကီးဌာနသို႔ ေလွ်ာက္ထားရမည္။ လုပ္ငန္းေဆာင္တာမ်ား ေဆာင္႐ြက္လိုသူသည္ ပုံစံ(က)ျဖင့္ သတ္မွတ္ပူးတြဲ စာ႐ြက္စာတမ္းမ်ားျဖင့္ ေလွ်ာက္ထားရၿပီး ခြင့္ျပဳပါက စီမံခန္႔ခြဲမႈေကာ္မတီသည္ ပုံစံ(ခ) ထုတ္ေပးပါသည္။

လုပ္ကိုင္သည့္လုပ္ငန္းႏွင့္ အဖြဲ႕အစည္းမ်ားကို သတ္မွတ္ခ်က္မ်ားႏွင့္အညီ အထူးစီးပြားေရး စက္မႈဇုန္ေကာ္မတီ႐ုံးအတြင္း ပူးတြဲဖြင့္လွစ္ထားသည့္ ရင္းႏွီးျမဳပ္ႏွံမႈႏွင့္ကုမၸဏီမ်ား ၫႊန္ၾကားေရးဦးစီးဌာန႐ုံးခြဲတြင္ မွတ္ပုံတင္ရမည္။

အထူးစီးပြားေရးဇုန္ဥပေဒပုဒ္မ-၉ အရ ရင္းႏွီးျမဳပ္ႏွံသူသည္ သတ္မွတ္ခ်က္မ်ားႏွင့္အညီ ေအာက္ပါလုပ္ငန္းေဆာင္တာမ်ား လုပ္ကိုင္ေဆာင္႐ြက္ႏိုင္ပါသည္။

၁။ ကုန္ေခ်ာထုတ္လုပ္ျခင္းလုပ္ငန္း၊ ကုန္ပစၥည္းအဆင့္ဆင့္ ထုတ္လုပ္ျခင္း၊ ကုန္ေလွာင္႐ုံ လုပ္ငန္းလုပ္ကိုင္ျခင္း၊ သယ္ယူပို႔ေဆာင္ျခင္းႏွင့္ ဝန္ေဆာင္မႈေပးျခင္း။

၂။ လုပ္ငန္းအတြင္းအသုံးျပဳမည့္ ကုန္းၾကမ္းပစၥည္းမ်ား၊ ထုတ္ပိုးပစၥည္းမ်ား၊ စက္ပစၥည္း ကိရိယာတန္ဆာပလာမ်ားႏွင့္ စက္သုံးဆီမ်ားကို ဇုန္အတြင္းသို႔ သယ္ယူတင္သြင္းျခင္း။

၃။ ထုတ္လုပ္သည့္ ကုန္ပစၥည္းမ်ားကို ျပည္တြင္း၊ ျပည္ပသို႔ ကူးသန္းေရာင္းဝယ္ျခင္း။

၄။ ရင္းႏွီးျမဳပ္ႏွံမႈလုပ္ငန္းမ်ားႏွင့္ ျပည္ပဝန္ေဆာင္မႈ လုပ္ငန္း႐ုံးမ်ားကို စီမံခန္႔ခြဲမႈ ေကာ္မတီ၏ ခြင့္ျပဳမိန္႔ျဖင့္ သတ္မွတ္ေနရာတြင္ တည္ေထာင္ဖြင့္လွစ္ျခင္း။

၅။ ႏိုင္ငံေတာ္က တားျမစ္ထားျခင္းမ႐ွိေသာ အျခားစီးပြားေရးလုပ္ငန္းမ်ားကို စီမံခန္႔ခြဲမႈေကာ္မတီ၏ခြင့္ျပဳခ်က္ျဖင့္ လုပ္ကိုင္ေဆာင္႐ြက္ျခင္းတို႔ပဲျဖစ္ပါသည္။

ထိုအထူးစီးပြားေရးဇုန္အတြင္းသို႔ ကုန္စည္မ်ားတင္သြင္းျခင္းႏွင့္ စပ္လ်ဥ္း၍ အေကာက္ခြန္ဦးစီးဌာန ႏွင့္ အေကာက္ခြန္၊ အျခားအခြန္အခမ်ား ေကာက္ခံျခင္းမွ ကင္းလြတ္ခြင့္ရ႐ွိရန္ ညီႏိႈင္းသတ္မွတ္ထားပါ သည္။ ပုဒ္မ-၃၂ အရ

၁။ ကင္းလြတ္ဇုန္အတြင္း ခုႏွစ္ႏွစ္အတြင္း ဝင္ေငြခြန္ကင္းလြတ္ခြင့္၊

၂။ လုပ္ငန္းျမႇင့္တင္ေရးဇုန္အတြင္း ပထမႏွစ္(၅)ႏွစ္အတြင္း ဝင္ေငြခြန္ကင္းလြတ္ခြင့္၊

၃။ ဒုတိယ(၅)ႏွစ္အတြက္ ဝင္ေငြခြန္၏ ၅၀% ရာခိုင္ႏႈန္းသက္သာခြင့္၊

၄။ တတိယ(၅)ႏွစ္အတြက္ ရင္းႏွီးျမဳပ္ႏွံရန္ အျမတ္ေငြကို ရန္ပုံေငြထား႐ွိ၍ တစ္ႏွစ္အတြင္း ျပန္လည္ရင္းႏွီးျမဳပ္ႏွံၿပီး ျမတ္စြန္းေငြအေပၚတြင္ ဝင္ေငြခြန္းႏႈန္းထား၏ ၅၀% ရာခိုင္ႏႈန္း သက္သာခြင့္ေပးထားပါသည္။

ကင္းလြတ္ခြင့္ အခ်ိန္ကာလမ်ား အထက္ပါအတိုင္းေက်ာ္လြန္ပါက သတ္မွတ္ဝင္ေငြခြန္ႏႈန္းထားကို ထမ္းေဆာင္ရပါမည္။

ထို႔ျပင္ အျငင္းပြားမႈမ်ား ျဖစ္ေပၚသည့္အခါ ခ်စ္ၾကည္ရင္းႏွီးစြာေျဖ႐ွင္းျခင္း၊ စာခ်ဳပ္ပါ သတ္မွတ္ခ်က္မ်ား ႏွင့္အညီ ေျဖ႐ွင္းျခင္း၊ တည္ဆဲဥပေဒႏွင့္အညီ ေျဖ႐ွင္းျခင္းတို႔ျဖင့္ ေျဖ႐ွင္း ေဆာင္႐ြက္ေစပါသည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767 သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

iMyanmarHouse.com ၏ ဥပေဒအၾကံေပး ပညာ႐ွင္အဖြဲ႔ မွ အထူးေရးသားေဖာ္ျပသည္။

Credit: iMyanmarHouse.com

ဥပေဒ စီးပြားေရးဇုန္ ဗဟုသုတ သိမွတ္ဖြယ္ရာ

Share on Facebook

Share on Twitter