ပဲခူးကလပ်အဆောက်အအုံတွင် အပြာရောင် ကမ္ပည်းပြားတပ်ဆင်

၁၃၇ နှစ်သက်တမ်းရှိ ကိုလိုနီခေတ်လက်ရာ ပဲခူးကလပ် အဆောက်အအုံတွင် မြို့ပြအမွေအနှစ်အထိမ်းအမှတ် အပြာရောင်ကမ္ပည်းပြားကို မေလ၃၀ ရက်က တပ်ဆင်ခဲ့သည်။

ပဲခူး ကလပ်ကို ဗြိတိသျှစစ် တပ်တပ်စွဲသည့် ကန်တိုမင် ဧရိယာအတွင်း ၁၈၇၁ က စတင်ဖွင့်လှစ်ပြီး ၁၈၈၂ တွင် လက်ရှိနေရာ ဒဂုံမြို့နယ်စကားဝါလမ်းသို့ ပြောင်းရွှေ့ခဲ့သည်။ သက်တမ်း ရင့် ကိုလိုနီခေတ်လက်ရာဖြစ်ပြီး ပင်မဆောင်အပါအ၀င် မူလဆောင်များကို ကျွန်းသားအပြည့်ဖြင့် ဆောက်လုပ်ထားသည်။

‘‘ခေတ်အဆက်ဆက် ဘယ်လိုဖြတ်သန်းခဲ့ရလဲဆိုတာ ဒီအဆောက်အအုံမှာ သမိုင်းတွေ များစွာရှိပါတယ်။ အင်္ဂလိပ်ကိုလို နီခေတ် လက်ထက်ကစပြီး ဒီအဆောက်အအုံနေရာဟာ အမျိုးမျိုး ပြုပြင်ပြောင်းလဲမှုတွေ ဖြစ်ခဲ့ပါတယ်။ အင်္ဂလိပ်ကိုလိုနီခေတ်၊ ဂျပန်ခေတ်၊ လွတ်လပ်ရေးရပြီး ခေတ်၊ ဆိုရှယ်လစ်ခေတ်ကို ရောက်ပြီး စစ်တပ်က နိုင်ငံတော်တာဝန်ယူခဲ့တဲ့ အချိန်ထိ ဒီအဆောက်အအုံကြီးမှာ သမိုင်းတွေ ရှိခဲ့ပါတယ်။ ဒီသမိုင်းတွေကို နောက်မျိုးဆက်တွေကို ဒီအဆောက်အအုံကြီးက ပြောပြနေမှာ ပါ’’ဟု ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောသည်။

ပဲခူးကလပ်သည် ကိုလိုနီ ခေတ်တွင် နာမည်အကြီးဆုံး ကလပ်ဖြစ်ပြီး ကလပ်အသင်းဝင်အများစုသည် အစ်ိုးရအရာရှိများ၊ ဗြိတိသျှ စစ်တပ်အရာရှိများ၊ လူချမ်းသာများနှင့် လူရည်ဝင်ဆံ့ သူများဖြစ်ရာ ထိုအချိန်က အစိုးရ၏ အုပ်ချုပ်မှုမူဝါဒများကို ကလပ်အသင်းဝင်များက လွှမ်းမိုး၍ အစိုးရကို ပဲခူးကလပ်အစိုးရဟု နောက်ပြောင်ခေါ်ဆိုခဲ့သည်။

ပဲခူးကလပ်သည် ၁၉၃၀ ပြည့်နှစ်တွင် ကမ္ဘာတစ်ဝန်း လူကြိုက်များသည့် ပဲခူးကလပ်ကော့တေးအစပြုရာ နေရာဖြစ်ပြီး ၁၈၈၉ ၌ အင်္ဂလိပ်စာရေးဆရာ ကြီး Ruyard Kipling သည် ပဲခူးကလပ်တွင် ကြားခဲ့ရသည်များကို အခြေခံကာနာမည်ကျော်‘Mandalay’ ကဗျာကို ရေးစပ်ခဲ့သည်။

ဒုတိယကမ္ဘာစစ်အတွင်း ဂျပန်စစ်တပ်၏ သီးသန့်ကလပ် အဖြစ် အသုံးပြုပြီး မဟာမိတ်တပ်များ ရန်ကုန်ကို ပြန်လည် သိမ်းပိုက်အပြီး၌ ဗြိတိသျှ လေတပ်အရာရှိများ အသုံးပြုခဲ့သည်။ ၁၉၆၅ တွင် ကလပ်ကို ပိတ်ခဲ့ပြီးဆိုရှယ်လစ်ခေတ်၌ ပြည်သူပိုင်ဖြစ်ခဲ့သည်။ တပ်မတော်၏ အရာရှိဆောင်အဖြစ် ခေတ္တအသုံးပြုပြီး တပ်မတော်ငွေစာရင်းရုံးအ ဖြစ် ပြောင်းလဲအသုံးပြုခဲ့သည်။ ၂၀၀၀ ပြည့်နှစ် အစောပိုင်းကစ ၍ အဆောက်အအုံကို ဆက်လက်မသုံးတော့ရာ ယိုယွင်းပျက်စီးလာသည်။ လက်ရှိတွင် KT Group က နှစ်ရှည်ငှားရမ်းထားပြီး အခမ်းအနားများ၊ ပွဲလမ်းသဘင်များ လက်ခံကျင်းပရန် အဆောက်အအုံကို ပြန်လည်ပြင်ဆင်နေသည်။

‘‘အခု ပဲခူးကလပ်ကို ပြန်လည်အသက်ဝင် စေတဲ့အခါမှာ ကိုလိုနီခေတ်က အသုံးပြုခဲ့ပုံနဲ့ ကလပ်ရဲ့ သမိုင်းကြောင်းကို ပြောင်းပြန်လှန်ပြီး ကိုလိုနီစနစ်ရဲ့ ဆိုးကျိုးတွေကို မြန်မာလူမျိုးတွေ သင်ခန်းစာယူနိုင်စေဖို့ ဆောင်ရွက်သင့်ပါတယ်’’ဟု ရန်ကုန်မြို့ပြအမွေအနှစ် ထိန်းသိမ်းစောင့် ရှောက်ရေး အဖွဲ့(YHT) ဥက္ကဋ္ဌဒေါက်တာသန့်မြင့်ဦးက ဆိုသည်။

ရန်ကုန်မြို့ ရှိ ရှေးဟောင်း အမွေအနှစ်ဆိုင်ရာ အဆောက်အအုံနှင့် နေရာ ၃၀ ၌ YHT က အပြာရောင်ကမ္ပည်းပြား တပ်ဆင်ထားပြီးဖြစ်သည်။

Credit: 7Daydaily