ဗဟုသုတ | Posted by နှင်းအိခင်
ကျွန်တော်၏ အလုပ်သင်ရှေ့နေများဖြစ်ကြသည့် ကိုိမင်းသူရနှင့် ကိုကျော်မင်းလွင်တို့မှ “ ၁၉၆၀ ပြည့်နှစ် မြို့ပြဆိုင်ရာငှါးရမ်းခကြီးကြပ်ရေးအက်ဥပဒေပုဒ်မ ၁၂(၂)တွင် ခံဝန်ဖောက်ဖျက်မှုဖြင့် အရေးယူရာ၌ တရားရုံးက ဆောင်ရွက်နိုင်တဲ့ကိစ္စလေးများကို သိချင်လို့ပါဆရာ ” ဟု မေးမြန်းလာသဖြင့် စီရင်ထုံးများကို ကိုးကား၍ ရှင်းပြရလေသည် ။
’’’’ အိမ်ရှင်အိမ်ငှါးပြဿနာများအနေနဲ့ အိမ်ငှါးကို နှင်လိုမှုစွဲဆိုရာမှာ အိမ်ရှင်အနေနဲ့ အနိုင်ဒီဂရီ ရခဲ့ပေမယ့် ၊ ဥပဒေအရ လိုအပ်တဲ့ ခံဝန်ကို ချုပ်ဆိုရတဲ့ အမှုများလည်း ရှိတတ်ပါတယ် ၊ အဲဒီအခါ မျိုးမှာ အိမ်ရှင်အနေနဲ့ သူတာဝန်ယူမယ့် ၊ ခံဝန်ချုပ်ပါ စည်းကမ်းများကို ဖောက်ဖျက်ခဲ့ရင် ၊ ၁၉၆၀ ပြည့်နှစ် ၊မြို့ပြဆိုင်ရာ ငှါးရမ်းခကြီးကြပ်ရေအက်ဥပဒေပုဒ်မ ၁၂(၂)နဲ့(၃)အရ အရေးယူရာ၌ တရားရုံးက အောက်ပါအတိုင်း ဆောင်ရွက်နိုင်တယ် ””အဲဒါတွေကတော့ ………
(က) ခံဝန်ချုပ်ဖြင့် ချုပ်ဆိုထားသောငွေကို ပြည်သူ့ဘဏ္ဍအဖြစ် သိမ်းယူခြင်း (ခ) အိမ်ငှါးအား လျော်ကြေးပေးစေခြင်း (ဂ) အိမ်ငှါးက သဘောတူလျှင်ထိုအိမ်ငှါးအား အမိန့်သို့မဟုတ် ဒီကရီချမှတ်သည့်နေ့ရက် မတိုင်မီ ထားရှိသည့် စည်းကမ်းများအတိုင်း အချင်းဖြစ်ဥပစာကို လက်ရှိပေးအပ်ခြင်းတို့ ဖြစ်ပါတယ် “ အမှတ် (က) နှင့် (ခ)တွင် ဖော်ပြထားသော အမိန့်တို့ကို အိမ်ရှင်အပေါ်မှာ ချမှတ်ရန် ဖြစ်ပါတယ် ”
“ သို့ပေမယ့် ၁၉၆၀ ပြည့်နှစ်မြို့ပြဆိုင်ရာ ငှါးရမ်းကြီးကြပ်ရေးအက်ဥပဒေပုဒ်မ ၁၂(၃) အပိုဒ်ခွဲ (၂)အရ ချမှတ်သည့် ဆုံးဖြတ်ချက်အပြင် ” ဟူသော စကားရပ်ကို တောက်ချင့်၍ အိမ်ငှါးအား ဥပစာတွင် ပြန်ထားရန်အမိန့်ကို ၊ လျော်ကြေးပေးစေရန်နှင့် တွဲဖက်ချမှတ်ရမည်ဟု အဓိပ္ပာယ်မဆောင်နိုင်ချေ ၊ သို့ဖြစ်ရာ ၊ အကြောင်းကြောင်းကြောင့် လျော်ကြေးပေးရန် မဖြစ်စေကာမူ ပုဒ်မ ၁၂(၃)ပါ အချင်းဖြစ်အခန်းတွင် အိမ်ငှါးဖြစ်သူများအား ပြန်ထားရန်အတွက် သက်သာခွင့်ကို ပေးခွင့်ရှိသည်ဟု ဆိုရပါမယ် ”
“ ကိုမင်းရော ၊ မောင်ကျော်ရော ရှင်းသွားအောင် စီရင်ထုံးတစ်ခုကို ဆရာ ပြောပြပါ့မယ် ။အဲဒါကတော့ “ ဦးအုန်းပါ ၃ နှင့် ဦးဘဆွေပါ ၃ ၊ ၁၉၈၉ ခုနှစ် မြန်မာနိုင်ငံတရားစီရင်ထုံး ၊ စာ-၁၂၂ ” မှာ ဆုံးဖြတ်ထားတာပါ ”
“ အမှုမှာ အယူခံတရားလို ဦးအုန်း ဆာဝီသီရိဒေဝီနှင့် မောင်ဇင်ဘိုတို့အပေါ်အမှုအတောအတွင်း ကွယ်လွန်သွားသူဦးဘဆွေက ချောက်မြို့နယ်တရားရုံး ၊ ၁၉၇၈ ခုနှစ် ၊ တရားမကြီးမှု အမှတ် ၁၁ တွင် ၁၉၆၀ ပြည့်နှစ် မြို့ပြဆိုင်ရာ ငှါးရန်းခ ကြီးကြပ်ရေးအက်ဥပဒေပုဒ်မ ၁၂(၁)(င) အရ နှင်လိုမှုစွဲဆိုရာ ဒီကရီ ရရှိခဲ့သည် ။။ အဆိုပါ ဥပဒေအရ လိုအပ်သည့်ခံဝန်ကို ချုပ်ဆိုပြီးနောက် တရားရှုံးများဖြစ်ကြသော ဦးအုန်းတို့သည် အချင်းဖြစ်အဆောက်အအုံမှ ၂၉-၇-၈၃ ရက်နေ့တွင်ဖယ်ရှာပေးခဲ့တယ် ”
“ အိမ်ငှါးများ ဆင်းသွားပြီးနောက်အိမ်ရှင်ဦးဘဆွေသည် အချင်းဖြစ်အိမ်ကို ၁၂-၂-၈၄ ရက်စွဲပါ မှတ်ပုံတင်စာချုပ်အရ ၊ အယူခံတရားပြိုင် ဒေါ်စောမြိုင်အားရောင်းချလိုက်သောကြောင့် ဦးအုန်းတို့က ဦးဘဆွေအပေါ် ၁၉၆၀ ပြည့်နှစ် ၊ မြို့ပြဆိုင်ရာ ငှါးရမ်းခ ကြီးကြပ်ရေးအက်ဥပဒေပုဒ်မ ၁၂(၂) နှင့် (၃)တို့အရ အရေးယူပေးရန် ချောက်မြို့နယ်တရားရုံး ၊ ၁၉၈၄ ခုနှစ် ၊ တရားမအထွေထွေမှု အမှတ် ၂ ဖြင့် ၂၉-၃-၈၄ နေ့၌ လျှောက်ထားပါတယ် ။နောက်ပိုင်းတွင် ဦးအုန်းတို့၏လျှောက်ထားချက်အရ အချင်းဖြစ်အဆောက်အအုံကို ဝယ်ယူသော ဒေါ်စောမြိုင်နှင့် ယင်းအဆောက်အအုံကို လက်ရှိအသုံးပြလျက်ရှိသူ ဦးမောင်လတ်တို့ကိုအမှုသည် တရားပြိုင်များအဖြစ် ထည့်သွင်းခဲ့ပါတယ် ”
“ မြို့နယ်တရားရုံးက အမှုရင်ဆိုင်နေစဉ် ဦးဘဆွေ ကွယ်လွန်သွား၍ အမွေမမှီမြေးဖြစ်ကြသူ ၅ ဦးကို ဦးဘဆွေနေရာတွင် တရားဝင်ကိုယ်စားလှယ်များအဖြစ်ထည့်သွင်းပေးရန် ၊ ဦးအုန်းတို့က လျှောက်ထား၍ ထည့်သွင်းခွင့်ပြူခဲ့တယ် ။မြို့နယ်တရားရုံးက ဦးအုန်းတို့၏ လျှောက်ထားချက်ကို ပလပ်လိုက်သဖြင့် ဦးအုန်းတို့က မကွေးတိုင်းတရားရုံးတွင် အယူခံဝင်သောအခါ မောင်မျိုးကိုကိုပါ ၅ ဦးတို့က အယူခံတရားပြိုင်များဖြစ်ပြီး တိုင်းတရားရုံးတွင် အယူခံရှုံးပြန်သဖြင့် တရားရုံးချုပ်သို့ ဆက်လက်အယူခံဝင်သောအခါ ဦးဘဆွေ (ကွယ်လွန်သူ) ကို အယူခံတရားပြိုင်တစ်ဦးအဖြစ် ဖော်ပြခဲ့ပါတယ် ”
“ ဦးဘဆွေ ချုပ်ဆိုသော ခံဝန်တွင်အောက်ပါစည်းကမ်းချက်များ ပါရှိပါတယ် ၊ “ တရားပြိုင်ဦးအုန်းပါ ၅ တို့ ၊ ရွှေ့ပြောင်းထွက်ခွာသည့်နေ့ရက်မှစ၍ ၉လအတွင်း နှစ်ထပ်တိုက်အသစ်ကို အပြီးဆောက်လုပ်မည့်အပြင် ဆောက်လုပ်ပြီးစီးသောအခါ ၄င်းတို့နေထိုင်ခဲ့သော အခန်းနေရာကို ပြန်လည်ငှါးရမ်းနေထိုင်ပါက တည်ဆဲ ဥပဒေနှင့်အညီ သတ်မှတ်သော ငှါးရမ်းခဖြင့် ၊ ပြန်လည်နေရာချထားပေးမည်ဟူ၍လည်းကောင်း ၊ မလိုက်နာ ပျက်ကွက်ပါက အဖိုးငွေ ၅၀၀၀ ကျပ်ကို ကျွန်တော်က အစိုးရကဏ္ဍအဖြစ် ဆုံးရှုံးခံရမည်ဟု ခံဝန်ချုပ်ကို လက်မှတ်ရေးထိုးပါသည် ” ဟူ၍ ဖြစ်ပါတယ်”
“ အမှုတွင် အငြင်းမပွားသည့်အချက်မှာ ၊ ဦးဘဆွေက အချင်းဖြစ် အဆောက်အဦးကို ၁၂-၂-၈၄ ရက်စွဲပါ ၊ မှတ်ပုံတင်စာချုပ်အရ ၊ ဒေါ်စောမြိုင်အား ရောင်းချခဲ့ပါတယ် ၊ ထိုသို့ဆိုလျှင် ဦးဘဆွေဟာ အဆောက်အဦးသစ် ဆောက်လုပ်ပါမည်ဟူသော ခံဝန်ချုပ်ပါစည်းကမ်းကို အတိအလင်း ဖောက်ဖျက်သည့်သဘော ဖြစ်တယ် ။ခံဝန်ချုပ်၌ အဆောက်အဦးသစ်ဆောက်လုပ်ရန် တာဝန်ယူသူသည် ဦးဘဆွေတစ်ဦးတည်း ဖြစ်တယ် ၊ ဦးဘဆွေက အချင်းဖြစ် အဆောက်အဦးကို တခြားသူအား ရောင်းချလိုက်ခြင်းဖြင့် အဆောက်အဦးသစ် ဆောက်လုပ်တော့မည်မဟုတ်ဟူသော သူ၏ရည်ရွယ်ချက်ကို ပြသလိုက်ခြင်းဖြစ်ပေရာ ခံဝန်ချုပ်ပါ စည်းကမ်းကို ဖောက်ဖျက်ရာ ရောက်ကြောင်း မြင်သာပါတယ် ”
“ အယူခံတရားလို ဦးအုန်းတို့ဟာ ၁၉၆၀ပြည့်နှစ် ၊ မြို့ပြဆိုင်ရာငှါးရမ်းခကြီးကြပ်ရေးအက်ဥပဒေပုဒ်မ ၁၂(၂)တွင်ပြဌာန်းထားသည့်အတိုင်း ခံဝန်ဖောက်ဖျက်မှုဖြင့် ၊ အရေးယူပေးရန် လျှောက်ထားခွင့်ရှိပြီး ၊ ခံဝန်ချုပ်၌ ဖော်ပြထားသော ၉လတာကာလ ကုန်ဆုံးသည့်အထိ စောင့်ဆိုင်းရန် မလိုပါ ”
“ ယင်းအက်ဥပဒေပုဒ်မ ၁၂(၂)နှင့်(၃)အရ အရေးယူရာတွင် ၊ တရားရုံးက .... (က) ခံဝန်ချုပ်ဖြင့် ချုပ်ဆိုထားသောငွေကို ပြည်သူ့ဘဏ္ဏာအဖြစ် သိမ်းယူခြင်း ဆိုရာတွင် အိမ်ရှင်အပေါ် ကျင့်ထုံးနှင့်အညီအယူခံဝင်ရောက်ခဲ့ခြင်း မရှိသဖြင့် ခံဝန်ချုပ်ပါ အာမခံငွေကို ပြည်သူ့ဘဏ္ဍအဖြစ် ၊ သိမ်းယူခြင်း မပြုနိုင်ခဲ့ပါ
(ခ) အိမ်ငှါးအား လျော်ကြေးပေးစေခြင်းဆိုရာတွင် ဦးဘဆွေထံမှ အချင်းဖြစ်ဥပစာကို ဝယ်ယူခြင်းဖြင့် ၊ ဒေါ်စောမြိုင်သည် တာဝန်နှင့် လုပ်ပိုင်ခွင့်များ ဆက်ခံသူ ဖြစ်သော်လည်း ဆက်ခံသူအပေါ် ခံဝန်ဖောက်ဖျက်မှုဖြင့် အရေးယူနိုင်ကြောင်း စည်းကမ်းချက် သတ်မှတ်ထားခြင်း မရှိသဖြင့် လျော်ကြေးပေးစေရန် အမိန့်ကို ချမှတ်နိုင်မည် မဟုတ်ပါ ။
(ဂ) အိမ်ငှါးဖြစ်သူတို့က အချင်းဖြစ်ဥပစာတွင် ပြန်ထားရန် အရေးဆိုလာသည့်အလျောက် ၊ ၁၉၆၀ ပြည့်နှစ် ။ မြို့ပြဆိုင်ရာ ငှါးရမ်းခကြီးကြပ်ရေးအက်ဥပဒေပုဒ်မ ၁၂(၃)အရ ၊ အချင်းဖြစ်အခန်းတွင် အိမ်ငှါးဖြစ်သူအား ပြန်ထားရန် ယင်းဥပဒေစာကို ဝယ်ယူခဲ့သော ဒေါ်စောမြိုင်နှင့်လက်ရှိ ဖြစ်သူ ဦးမောင်လတ်အပေါ် အမိန့်ချမှတ်နိုင်ပါတယ် ။
“ ထို့ကြောင့် ဤအယူခံမှုကို ခွင့်ပြု၍ ၊ အောက်ရုံးများ၏ အမိန့်များကို ပယ်ဖျက်ပြီး ၊ အချင်းဖြစ်အခန်းတွင် အယူခံတရားလို ဦးအုန်းတို့အား ၊ ၁၉၆၀ ပြည့်နှစ် ၊ မြို့ပြဆိုင်ရာ ငှါးရမ်းခကြီးကြပ်ရေးအက်ဥပဒေပုဒ်မ ၁၂(၃) ပြန်ထားရန် ဗဟိုတရားရုံးမှ ဆုံးဖြတ်ထားပါတယ်”
“ ကဲ ဒီလောက်ဆိုရင် ကိုမင်းနဲ့မောင်ကျော်တို့လည်း နားလည်သဘောပေါက်လောက်ပါပြီ ၊ ဆရာလည်း မောသွားပြီမို့ ရေတစ်ခွက်လောက် တိုက်ကြပါဦးကွာ ” ဟုသာ ပြောလိုက်ပါတော့သည် ။ ။
Credit: ကြယ်နီလေး(ဥပဒေ)
