ဗီယက်နမ်တွင် အများပြည်သူများအတွက် ပန်းဥယျာဉ်ကြီးတစ်ခုကို ဗီယက်နမ်ငွေ ၄၄၄ ဘီလီယံသုံးစွဲကာ ဆောက်လုပ်လျက်ရှိရာ ယခုအခါ ဒုတိယဆင့်သို့ ရောက်ရှိ

ဗီယက်နမ်တောင်ပိုင်းရှိ Vung Tau ပြည်နယ်၊ ပင်လယ်ဆိပ်ကမ်းမြို့တစ်မြို့ဖြစ်သော Ba Ria တွင် ဗီယက်နမ်ငွေ ၄၄၄ ဘီလီယံအထိ သုံးစွဲကာ ဆောက်လုပ်လျက်ရှိသော အများပြည်သူပန်းဥယျာဉ်ကြီးဖြစ်သည့် Ba Ria Park ၏ အဆင့် ၂ ဆောက်လုပ်ရေး ဒီဇိုင်းပုံစံကို ဒေသတွင်း ပြည်သူ့ကော်မတီက အတည်ပြုလိုက်ကြောင်း ဟိုချီမင်းမြို့တော်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ဒုတိယဆင့် ဆောက်လုပ်ရန်အတွက် စုစုပေါင်းကုန်ကျစရိတ်မှာ ဗီယက်နမ် ဒေါင်ငွေ ၂၂၅ ဘီလီယံခန့်ရှိမည်ဖြစ်ပြီး ပထမအဆင့်တွင် ဒေါင်ငွေ ၂၁၈ ဘီလီယံခန့် ကုန်ကျခဲ့သည်ဟု ဆိုသည်။

စီမံကိန်းကို စတင်အတည်ပြုခဲ့သည်မှာ ၂၀၁၃ ခုနှစ်၊ အောက်တိုဘာလတွင်ဖြစ်ပြီး Ba Ria အုပ်ချုပ်ရေးအဖွဲ့ ရန်ပုံငွေဖြင့် ဆောက်လုပ်ခဲ့ခြင်း ဖြစ်သည်။

ပန်းဥယျာဉ်ကို စီမံကိန်းအဆင့် ၂ ရပ်ခွဲကာ ဆောက်လုပ်ခဲ့ခြင်းဖြစ်ပြီး မြေအကျယ်အဝန်း ၄၄ ဒသမ ၆ ဟက်တာပေါ်တွင် ဆောက်လုပ်ခဲ့ခြင်း ဖြစ်သည်။

ပန်းခြံအတွင်းတွင် စတုရန်းဟက်တာ ၇ ဒသမ ၂ အကျယ်အဝန်းတွင် ရင်ပြင်၊ စတိတ်စင်၊ ကားရပ်နားရန်နေရာ၊ မြက်ခင်းပြင်တို့ ပါဝင်ပြီး ၂၈ ဒသမ ၆၉ ဟက်တာကျယ်ဝန်းသော သစ်တောဥယျာဉ်တွင် မြက်ခင်းဧရိယာ၊ ရေကန်၊ တောင်ကုန်းတု၊ ကွပ်ကဲမှုနေရာ၊ ကားရပ်နားရန်နေရာစသည်တို့အပြင် လမ်းများနှင့် နည်းပညာဆိုင်ရာ အခြေခံအဆောက်အအုံ အစရှိသည်တို့ ပါဝင်သည်။

ဆောက်လုပ်ရေးစီမံကိန်းပြီးစီးပါက ပန်းဥယျာဉ်အတွင်းရှိ ရင်ပြင်မှာ လူပေါင်း ၂၀၀၀၀ ခန့်ဝင်ဆန့်မည်ဖြစ်ပြီး စတုရန်းမီတာ ၁၃၆၇ ရှိ နှစ်ထပ်အဆောက်အအုံမှာလည်း ကွန်ဖရင့်ခန်းမများ၊ အသံနှင့်အလင်းပေးစနစ်ပါ ခန်းမများ၊ သိုလှောင်ခန်းများ၊ ဗဟို lounge area နှင့် lobby ခန်းတို့ ပါဝင်မည် ဖြစ်သည်။

စီမံကိန်းဒုတိယဆင့်တွင် ကွပ်ကဲမှုနေရာ၊ တဲ ၆ လုံး၊ ကမ်းခြေများ၊ ပန်းခြံဝင်ပေါက် ၅ ခု၊ အစောင့်ဂိတ်၊ခြံစည်းရိုး၊ အိမ်သာ ၄ ခု၊ လမ်းမများ၊ ပန်းစိုက်ပျိုးရာ ဘောင်နေရာများ၊ ပန်းမျှော်စင်၊ ရေတံခွန် ၆ ခု၊ စိမ်းလန်းသော သစ်ပင်များ၊ အလင်းစနစ်၊ ရေထောက်ပံ့မှုတို့ ပါဝင်မည် ဖြစ်သည်။

Ba Ria မြို့တွင် ပန်းခြံငယ်နှင့် အလတ်စားများ များစွာရှိပြီးဖြစ်သည်။ သို့ရာတွင် ယခုဆောက်လုပ်လျက်ရှိသည့် Ba Ria Park ကိုမူ ပြည်သူများ အပန်းဖြေရန်၊ အားကစားလုပ်ရန် လိုအပ်ချက်များကို ပိုမိုဖြည့်တင်းပေးနိုင်ရန်အပြင် Ba Ria နှင့် ဟိုချီမင်းမြို့တော်ဆိုင်ရာ ပွဲလမ်းကြီးများ ကျင်းပနိုင်မည့် ရင်ပြင်ကြီးဆောက်လုပ်ရန်လည်း ရည်ရွယ်ခြင်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)