အိမ်မြေပိုင်ဆိုင်မှုကို ကျမ်းကျိန်လွှာဖြင့် လွှဲပြောင်းခွင့် မရှိခြင်း

''အခက်အခဲရှိတိုင်း သူငယ်ချင်းဆီ မကြာခဏ လာပြီး အပူကပ်သလို ဖြစ်နေတယ်''

မိတ်ဆွေ တစ်ဦးက စာရေးသူ၏ ရုံးခန်းသို့ ရောက်ရှိလာပြီး စကားပလ္လင်ခံလိုက်ခြင်းဖြစ်သည်။

''ရပါတယ် သူငယ်ချင်း၊ ပြဿနာမရှိပါဘူး။ အခုဘာအခက်အခဲတွေ့နေပြန်ပြီလဲ''

စာရေးသူက မေးခွန်းထုတ်လိုက်ခြင်းဖြစ်သည်။

''ဇနီးသည်ဘက်မှ ဆွေမျိုးတစ်ဦးက မြေနဲ့အိမ်ကို ဝယ်ဖို့ သွားစုံစမ်းတော့ မြေပိုင်ရှင်ညီမ နှစ်ယောက်မှာ အစ်မဖြစ်သူက သူ မကွယ်လွန်မီမှာ သူ့ရဲ့ ဝေစုကို ပူးတွဲ ပိုင်ရှင်ညီမထံ ကျမ်းကျိန်လွှာနဲ့ စွန့်လွှတ်စာချုပ် ပြုလုပ်ပေးခဲ့တယ်''

''နေပါဦး သူငယ်ချင်းရဲ့ ပြောစကားအရ စွန့်လွှတ်ကြောင်း ကျမ်းကျိန်လွှာနဲ့ စွန့်လွှတ်စာချုပ်နှစ်မျိုး ရှိတယ်ပေါ့''

စာရေးသူက မိတ်ဆွေ၏ စကားမဆုံးမီမှာဖြတ်၍ မေးလိုက်ခြင်းဖြစ်သည်။

''နှစ်မျိုးရှိတဲ့ သဘောတော့ မဟုတ်ဘူး။ စွန့်လွှတ်ကြောင်း ကျမ်းကျိန်လွှာလို့ပဲ ပြောတယ်''

''ဒါဆိုရင် မှတ်ပုံတင် စွန့်လွှတ်စာချုပ် မပြုလုပ်မီမှာ အစ်မ ဖြစ်သူက ကွယ်လွန်သွားတဲ့ သဘော ဖြစ်မယ်''

''ဒီလိုလည်း မဟုတ်ဘူး''

''သူငယ်ချင်းကိစ္စက ရှုပ်သွားပြီ''

''သူတို့ ပြောတာတော့ စွန့်လွှတ်ကြောင်း ကျမ်းကျိန်လွှာကို မှတ်ပုံတင်ထားတယ်လို့ ပြောတယ်၊ အဲဒါ မိမိကိုယ်တိုင်လည်း မရှင်းလို့ သူငယ်ချင်းဆီလာမေးတာပဲ''

''ရှင်းပါတယ်။ စွန့်လွှတ်ကြောင်း မှတ်ပုံတင်ထားတဲ့ ကျမ်းကျိန်လွှာပဲရှိတာပေါ့''

''အဲဒီ စွန့်လွှတ်ကြောင်း မှတ်ပုံတင် ကျမ်းကျိန်လွှာက တရားဝင် ဖြစ်မဖြစ် သိချင်လို့''

''မောင်နှမမွေးချင်းမှာ မြေကွက်အမည်ပေါက်နှစ်ဦးတည်းသာ ရှိမယ်ဆိုရင်တော့ စွန့်လွှတ်စာချုပ်ကို လုပ်ဖို့ မလိုပါဘူး''

''အေး ဟုတ်ပြီ၊ သူငယ်ချင်း ပြောမှ သဘောပေါက်လာတယ်၊ အခု အငယ်ဆုံး မောင်ဖြစ်သူက ကန့်ကွက်ထားတယ်လို့ ပြောတယ်။ အဲဒါဘယ်လို အခြေအနေမျိုးဖြစ်လာနိုင်သလဲလို့''

''အငယ်ဆုံးမောင်ဆိုရင်တော့ အစ်မကြီးရဲ့ အမွေကို ခံစားခွင့် ရနိုင်တာပေါ့''

''နားမလည်လို့ ရှင်းပြပါအုံး သူငယ်ချင်း''

''ဒီလိုကွာ၊ အခုကိစ္စက မောင် နှမ သုံးဦးရှိမယ်။ အစ်မနှစ်ယောက်ရဲ့ အမည်နဲ့ မြေကွက်အမည် ပေါက်နေတယ်။ အဆောက် အအုံလည်းရှိမယ်။ အဲဒါနဲ့ ကွယ်လွန်သွားတဲ့ အစ်မကြီးက ခင်ပွန်း သားသမီး မရှိဘူးလား''

''ကွယ်လွန်သွားတဲ့ အစ်မကြီး က အပျိုကြီးလို့ ပြောတယ်၊ ညီမ ဖြစ်သူကတော့ အိမ်ထောင်ရှိတယ်''

''ဒါကြောင့် အစ်မဖြစ်သူက သူ့ဝေစုကို ညီမဖြစ်သူထံပေးသွား ချင်တာဖြစ်မှာပေါ့၊ မောင်ဖြစ်သူ က အိမ်ထောင်ရှိလား''

''မောင်ဖြစ်သူကလည်း အိမ်ထောင်ရှိတယ်၊ သူနဲ့လက်ထပ်တဲ့ မိန်းကလေးကို မိဘတွေက မကျေနပ်လို့ အခုမြေနဲ့အိမ်ကို ညီမနှစ်ယောက်အမည်နဲ့ ပေးခဲ့တယ်လို့ ပြောတယ်''

''ဟုတ်ပြီ၊ သူငယ်ချင်းရဲ့ ပြောစကားအရဆိုရင် မှတ်ပုံတင်ပြုလုပ် ထားတဲ့ စွန့်လွှတ်ပေးကမ်းခဲ့ကြောင်း ကျမ်းကျိန်လွှာဟာ ဥပဒေအရ တရားဝင်ခြင်းရှိ၊ မရှိဆိုတဲ့ ပြဿနာ ဖြစ်နေတာပဲ မဟုတ်လား''

''အေး ဟုတ်တယ်၊ ဥပဒေ အရ တရားဝင်ပြီး ညီမဖြစ်သူ တစ်ဦးတည်းပိုင်ဖြစ်နိုင် မဖြစ်နိုင် သိချင်လို့ပဲ သူငယ်ချင်း''

''မေတ္တာနဲ့ ပေးကမ်းတာပဲ ဖြစ်ဖြစ်၊ ပူးတွဲပိုင်ရှင်က မိမိပိုင်ဝေစုကို အခြားပူးတွဲ ပိုင်ရှင်တစ်ဦးထံ စွန့်လွှတ်ပေးကမ်းတာပဲဖြစ်ဖြစ်၊ စာချုပ်စာတမ်းမှတ်ပုံတင် ဥပဒေ အရ မှတ်ပုံတင်စာချုပ် ချုပ်ဆိုရမှာဖြစ်တယ်။ မှတ်ပုံတင်စာချုပ်ဟာ ကျမ်းကျိန်လွှာနဲ့ မတူဘူး။ လက်ခံသူက တရားဝင်ပိုင်ဆိုင်ခွင့်ရမှာဖြစ်တယ်။ ကျမ်းကျိန်လွှာကတော့ စာချုပ် မဟုတ်တဲ့အတွက်၊ ကျမ်းကျိန်လွှာအရ ပစ္စည်းလွှဲပြောင်း လက်ခံသူမှာ ပိုင်ဆိုင်ခွင့် ရမှာ မဟုတ်ဘူး''

''သူငယ်ချင်းပြောစကား အရ ဆိုရင် အစ်မဖြစ်သူရဲ့ ပိုင်ဆိုင်မှုဟာ ညီမဆီရောက်ရှိပိုင်ဆိုင်ခြင်း မရှိဘူးဆိုတဲ့ သဘောပေါ့''

''မှန်ပါတယ်။ ကျမ်းကျိန်လွှာအရ ပိုင်ဆိုင်ခွင့်မရှိတဲ့အတွက် အပျိုကြီးဖြစ်တဲ့ အစ်မကြီးရဲ့ ဝေစုကို မောင်အငယ်ကလည်း ရခွင့်ရှိသွားမှာ ဖြစ်တယ်''

''ကွယ်လွန်သူရဲ့ အစ်ကိုကြီး ရှိမယ်ဆိုရင် သူလည်း ရနိုင်တယ် ပေါ့''

''မြန်မာဗုဒ္ဓဘာသာဝင်ဆို ရင် မြန်မာ့ ဓလေ့ထုံးတမ်းဥပဒေ အရ အမွေဟာ အောက်ကိုပဲစုန်တယ်။ အောက်ကို စုန်ရမယ့် လူ မရှိမှ အထက်ကို ပြန်ဆန်လေ့ရှိတယ်''

''ဒါဆို အစ်ကိုကြီးဖြစ်သူက မရနိုင်ဘူးပေါ့''

''မှန်ပါတယ်။ အစ်မကြီးကလည်း အပျိုကြီးဖြစ်နေလို့။ အကယ်၍များ ခင်ပွန်း၊ သားသမီး ကျန်ခဲ့ရင် သူရဲ့ လင်ယောက်ျားက အမွေဆက်ခံခွင့်ရမှာ ဖြစ်တယ်''

''သူငယ်ချင်းရဲ့ ဆွေးနွေးချက် အရဆိုရင် ကျမ်းကျိန်လွှာမှာ မှတ်ပုံတင်ထားသည်ဖြစ်စေ၊ မှတ်ပုံမတင်ပဲထားသည်ဖြစ်စေ၊ စွန့်လွှတ်ကြောင်း ကျန်းကျိန်လွှာဟာ တရား မဝင်တဲ့သဘော ဖြစ်နေတာပေါ့''

"ခင်မောင်လတ်ပါ လေးဦးနှင့် ဒေါ်ခင်ခင်လှ ၂ဝ၁၃ ခုနှစ် မြန်မာနိုင်ငံတရားစီရင်ထုံး စာမျက်နှာ ၁၂ စီရင်ထုံးမှာ ကျမ်းကျိန်လွှာသည် သက်သေခံဥပဒေပုဒ်မ ၃ တွင် ဖွင့်ဆိုထားသည့် သက်သေ အထောက်အထားဆိုသည့် စကားရပ်တွင် အကျုံးမဝင်သဖြင့် သက်သေခံအထောက်အထားအဖြစ် လက်ခံနိုင်မည် မဟုတ်ပေ။

ယခုအမှုတွင် ဒေါ်ခင်သန်းက အချင်းဖြစ်မြေကွက်မှ ပူးတွဲပိုင်ရှင် ဒေါ်ခင်ခင်လှထံ ၄င်းပိုင်ဆိုင်သည့် အစုကို စွန့်လွှတ်ပေးအပ်ခဲ့ကြောင်း စာချုပ် စာတမ်းမှတ်ပုံတင်ရုံး၌ ကျမ်းကျိန်လွှာပြုလုပ်ခဲ့သော်လည်း စွန့်လွှတ်ရာမရောက်၊
စွန့်လွှတ်မှုသည် အထမမြောက်ဟု ဆုံးဖြတ်ထားပါတယ်''

''ဒါဆို သေချာစိစစ်ကြည့်ဖို့ လိုပြီပေါ့''

''ဟုတ်ပါတယ်၊ ပေးကမ်းတာ ပဲဖြစ်ဖြစ်၊ စွန့်လွှတ်တာပဲဖြစ်ဖြစ် မရွှေ့မပြောင်းနိုင်တဲ့ ပစ္စည်း အိမ်၊ မြေတို့ ဖြစ်ရင်တော့ ကျမ်းကျိန်လွှာဟာ ခိုင်မာမှု မရှိတဲ့အတွက် မှတ်ပုံတင် စာချုပ်ရုံးမှာ လိုအပ်တဲ့တံဆိပ်ခေါင်းခွန်ထမ်းဆောင်ပြီး စွန့်လွှတ်စာချုပ်၊ ပိုင်ဆိုင်ကြောင်း စာချုပ်တွေ ချုပ်ဆိုမှ တရားဝင် ပိုင်ဆိုင်မှာဖြစ်လို့ အထူးသတိပြု ဝယ်သင့်တယ် သူငယ်ချင်း''ဟု ဆွေးနွေးအကြံပြုလိုက်ပါသည်။


Credit - Zaygwet Journal ထီယု (ဥပဒေအတိုင်ပင်ခံ)