တန်ဖိုးနည်းအိမ်ရာ အတိုးနှုန်း လျှော့ချ

ဆောက်လုပ်ရေးဝန်ကြီးဌာနကနေ နှစ်ရှည်အရစ်ကျချေးငွေစနစ်နဲ့ ရောင်းချတဲ့ တန်ဖိုးနည်းအိမ်ရာကို ပေးရတဲ့ အတိုးနှုန်းကို လျှော့ချပေးမယ်လို့ ဆောက်လုပ်ရေးဝန်ကြီးဌာနက သိရပါတယ်။

ဧပြီလဆန်းမှစပြီး အရင်က နှစ်ရှည်အရစ်ကျ အိမ်ရာဝယ်ယူရာမှာ ချေးငွေကို တစ်နှစ် အတိုးနှုန်း ၁၂ ရာခိုင်နှုန်းကနေ ၁၀.၅ ရာခိုင်နှုန်းကို ပြောင်းလဲ လျှော့ချလိုက်တာဖြစ်တယ်လို့ ဆောက်လုပ်ရေးဝန်ကြီးဌာနက တာဝန်ရှိသူတစ်ဦးက ပြောပါတယ်။

ဆောက်လုပ်ရေးဝန်ကြီးဌာနဟာ မြန်မာ့စီးပွားရေးဘဏ် (MEB) ကနေ နှစ်ရှည်ချေးငွေရတာကြောင့် ၁၀.၅ ရာခိုင်နှုန်းအထိ လျှော့ချဖို့ စီစဉ်တာလို့ ဆိုပါတယ် ။ ညွှန်ကြားရေးမှူးချုပ် ဦးမင်းထိန်က ‘ project (ချေးငွေအတိုးလျှော့ ) တွေ စနေပြီး ဝယ်ယူသူတွေအတွက် နှစ်ရှည်ချေငွေကို လျှော့ပေးတာ ‘ လို့ ပြောပါတယ်။

ဆောက်လုပ်ရေးဝန်ကြီးဌာန မြို့ပြနှင့် အိမ်ရာဖွံ့ဖြိုးရေးဦးစီးဌာနက ရောင်းချတဲ့ အိမ်ရာတွေကို ပထမဆုံး အိမ်ခန်းတန်ဖိုးရဲ့ ၁၅ ရာခိုင်နှုန်းကို ပေးသွင်းရပြီး ကျန်ရှိတဲ့ ၈၅ ရာခိုင်နှုန်းကိုဆောက်လုပ်ရေးနှင့် အိမ်ရာဖွံ့ဖြိုးရေဘဏ် (CHDB) ကနေ တစ်နှစ်ကို အတိုးနှုန်း ၁၀.၅ ရာခိုင်နှုန်းနဲ့၁၅ နှစ် ချေးပေးရမှာ ဖြစ်ပါတယ်။

အတိုးနှုန်းလျှော့ချပေးတဲ့ အတွက် ဥပမာ ကျပ်သိန်း ၁၀၀ တန် တန်ဖိုးနည်းအိမ်ရာအတွက် တစ်နှစ်ကို အတိုးနှုန်းကျပ် ၁၅၀,ဝဝဝ သက်သာမှာဖြစ်ပါတယ်။

မြန်မာ့စီးပွားရေဘဏ် (MEB) က နေ နှစ်ရှည်ချေးငွေရရှိတဲ့အတွက် ဆောက်လုပ်ရေးလုပ်ငန်းရှင်တွေကို ချေးပေးတဲ့ ချေးငွေအတိုးကိုလည်း အရင်က တစ်နှစ် ၁၂ ရာ ခိုင်နှုန်းကနေ ၁၁ ရာခိုင်နှုန်းအထိ လျှော့ချပေးခဲ့တယ်လို့ သိရပါတယ်။

အတိုးနှုန်းလျှော့ပေးတာကို သင်္ကြန်းမတိုင်မီ နောက်ဆုံးရောင်းချခဲ့တဲ့ ဒဂုံဆိပ်ကမ်း ကနောင်အိမ်ရာနဲ့ လှိုင်သာယာမြို့နယ်ရှိ ရွှေလင်ဗန်းအိမ်ရာတွေကို ချေးငွေအတိုးနှုန်း ၁၀.၅ ရာခိုင်နှုန်းနဲ့ ရောင်းချပေးခဲ့တယ်လို့ သိရတယ်။

Credit: The kumudra