ရန်ကုန်ရေမြောင်းစနစ်နဲ့ အများပိုင်အဆောက်အအုံတွေ အဆင့်မြင့်တင်မည်

ရန်ကုန်မြို့ရှိ ရေမြောင်းစနစ်တွေနဲ့ အများပြည်သူနဲ့သက်ဆိုင်တဲ့ အဆောက်အအုံများ အဆင့်မြှင့်တင်ဖို့ အမေရိကန်ဒေါ်လာ (၁၁၇)သန်း အသုံးပြုမယ်လို့
သိရပါတယ်။

ဒီငွေတွေဟာ ကမ္ဘာ့ဘဏ်ကချေးငွေ အမေရိကန်ဒေါ်လာ (၁၁၆)သန်းနဲ့
ဂျပန်နိုင်ငံဘဏ္ဍရေးဝန်ကြီးဌာနနဲ့ နိုင်ငံတကာအလှူရှင်များစွာ ပါဝင်တဲ့ အရှေ့တောင်အာရှသဘာဝဘေးအန္တရာယ် အာမခံရန်ပုံငွေ (SEADRIF) အတွက်
ထောက်ပံ့ငွေ အမေရိကန်ဒေါ်လာ (၁)သန်းတို့ ပါဝင်မှာ ဖြစ်ပါတယ်။

ဒီစီမံကိန်းတွေကို ဘဏ္ဍရေးဝန်ကြီးဌာန၊ ရန်ကုန်တိုင်းဒေသကြီး အစိုးရတို့ဦးဆောင်ပြီး ကမ္ဘာ့ဘဏ်ရဲ့ပံ့ပိုးမှုဖြင့် ဆောင်ရွက်မယ့် မြန်မာနိုင်ငံနှင့် အရှေ့တောင်အာရှသဘာဝဘေးအန္တရာယ် စီမံခန့်ခွဲမှုစီမံကိန်း မိတ်ဆက်ပွဲမှာ ဝန်ကြီးချုပ် ဦးဖြိုးမင်းသိန်းက ပြောခဲ့တာပါ။ ရန်ကုန်မြို့သည် သဘာဝဘေးအန္တရာယ်ဒဏ်ကို ထိရောက်နိုင်ခြေခံစားရနိုင်တဲ့ မြို့တစ်မြို့ဖြစ်ပြီး ငလျင်ဒဏ်၊ ရေကြီးရေလျှံမှု ပြဿနာများကိုလည်း ခံစားရနိုင်တဲ့အခြေအနေမှာ ရှိနေတယ်လို့ ဝန်ကြီးချုပ်က ပြောပါတယ်။

ဝန်ကြီးချုပ် ဦးဖြိုးမင်းသိန်းက ' ဒီအခြေအနေတွေအားလုံးအပေါ်မှာ ကျွန်တော်တို့ မြန်မာနိုင်ငံနဲ့ ကမ္ဘာ့ဘဏ်အကြားရှေ့ဆက်ပြီးတော့ပေါ့နော် ကမ္ဘာ့ဘဏ်ရဲ့ကူညီပံ့ပိုးမှုတွေ၊ ချေးငွေအရ သက်သာသောနှုန်းထားနဲ့ ချေးငွေတွေစောင့်စားဆိုင်းငံ့စဉ်ကလည်း တော်တော်ကို ရှည်လျားတဲ့ ဆိုင်းငံ့ချိန်တစ်ခု ဖြစ်ပါတယ်။ (၆)နှစ်ဆိုင်းငံ့ချိန်ရတယ်ဆိုတာ ကျွန်တော်တို့အတွက် အခွင့်အလမ်းဖြစ်ပါတယ်' ပြောပါတယ်။

ဒီစီမံကိန်းကို ပြည်ထောင်စုအစိုးရက ဆောင်ရွက်နိုင်တဲ့စီမံကိန်းတစ်ခုဖြစ်ပြီး ယင်းစီမံကိန်းငွေကြေးကို နိုင်ငံခြားမှ ချေးယူရမှာဖြစ်တဲ့အတွက် ပြည်ထောင်စုလွှတ်တော်မှာတင်ပြပြီး အတည်ပြုချက်ယူရမှာ ဖြစ်ပါတယ်။

မြန်မာနိုင်ငံက ဒီစီမံကိန်းကို ကမ္ဘာ့ဘဏ်ဒါရိုက်တာဘုတ်အဖွဲ့က အတည်ပြုခဲ့ပြီး ရန်ကုန်မြို့ရေမြောင်းစနစ်နဲ့ အရေးပါသောအခြခံအဆောက်အအုံများ အဆင့်မြှင့်တင်ရန်အတွက် စာချုပ်များချုပ်ဆိုခဲ့ပြီး ဖြစ်ပါတယ်။

စီမံကိန်းကို အကောင်အထည်ဖော်ရင်း မြန်မာနိုင်ငံရဲ့ဌာနဆိုင်ရာအကြီးအကဲများနဲ့ လုပ်ငန်းတွင် ပါဝင်မည့်သူများက စနစ်တစ်ခုကို တက်ကျွမ်းသွားမည်ဆိုပါက ဖွံ့ဖြိုးတိုးတက်ရေး အတွက်များစွာ အထောက်အကူပြုမယ်လို့ ဆိုပါတယ်။

ရန်ကုန်တိုင်းအတွင်း ဆောင်ရွက်မယ့် စီမံကိန်းများအတွက်ပါ နိုင်ငံတကာအဆင့်အတန်းနဲ့အညီ ဆောင်ရွက်တဲ့အလေ့အကျင့်ကောင်းများကို ရလိမ့်မယ်လို့မျှော်လင့်တယ်လို့ ဝန်ကြီးချုပ်က ပြောပါတယ်။

ဒီစီမံကိန်းဟာ ရန်ကုန်မြို့ပြည်သူလူထုအတွက် များစွာအထောက်အကူဖြစ်မည်ဖြစ်ပြီး ရေကြီးရေလျှံဖြစ်နေမှု ကိစ္စရပ်များနဲ့ပက်သက်ပြီး ရေမြောင်းများ ပိုမိုကောင်းမွန်လာနိုင်ရန် စနစ်တကျလေ့လာဆန်းစစ်မှုတွေပြုနိုင်မှာ ဖြစ်တယ်လို့ ဆိုပါတယ်။

Credit: The Modern