ရန်ကုန်မြို့ပတ်ရထားလမ်းပိုင်း အဆင့်မြှင့်တင်ခြင်းစီမံကိန်း စတင်

ရန်ကုန်မြို့ပတ်ရထား လမ်းပိုင်းအဆင့်မြှင့်တင်ခြင်းစီမံ ကိန်းကို ဖေဖော်ဝါရီ ၂၁ ရက် (ယနေ့) စတင်မည်ဖြစ်ပြီး စီမံကိန်း ကာလအတွင်း ခရီးသွားလာမှုအဆင်မပြေခြင်းများရှိပါက နားလည်ပေးရန် မြန်မာ့မီးရထား တာဝန်ရှိသူများက ဖေဖော်ဝါရီ ၂၀ ရက် သတင်းစာရှင်းလင်းပွဲ တွင် ပြောကြားသည်။

မြို့ပတ်ရထားလမ်းပိုင်း၏ အနောက်ဘက်ကို စတင်ပြင်ဆင် မည်ဖြစ်ပြီး လမ်းပိုင်းပြင်ဆင်ခြင်း လုပ်ငန်းများကို အေဝမ်းကုမ္ပဏီ က လုပ်ကိုင်ခွင့်ရရှိထားကြောင်း မြန်မာ့မီးရထား(အောက်မြန်မာ ပြည်) မှ အထွေထွေမန်နေဂျာ ဦးထွန်းအောင်သင်းက ပြောကြားသည်။ ‘‘လမ်းပိုင်းပြင်ဆင်နေစဉ် ကာလအတွင်း ခရီးသည်တွေ အခက်အခဲမရှိရအောင် အတတ် နိုင်ဆုံး ဆောင်ရွက်မှာပါ။ လိုအပ် ချက်တွေ ရှိခဲ့ရင်လည်း စောင့် ကြည့်ပြီး လိုအပ်သလို ဆောင် ရွက်ပေးသွားပါမယ်’’ဟု ၎င်းက ဆိုသည်။

မြို့ပတ်ရထားလမ်းပိုင်း ပထမအဆင့် ပြင်ဆင်မှုအဖြစ် အင်းစိန်ဘူတာမှ တညင်းကုန်းဘူတာအထိကို စတင်မည်ဖြစ်ပြီး မေလ ၃၁​ ရက်တွင် ပြီးဆုံးမည်ဖြစ်ကာ မိုးတွင်းကာလ၌ ခေတ္တရပ်နားပြီး အောက်တိုဘာ ၃၁ ရက်က စ၍ စီမံကိန်းလုပ်ငန်း များပြန်လည်စတင်မည်ဟု မြန်မာ့ မီးရထား တိုင်းအမှတ်(၇) မှ တိုင်းမန်နေဂျာ ဦးဇော်လွင်က ပြော သည်။

မြို့ပတ်ရထားလမ်းပိုင်းတစ် ခုလုံးအဆင့်မြှင့်တင်ခြင်းလုပ်ငန်း ကို ၂၀၁၉ နှစ်ကုန် အပြီးဆောင် ရွက်ရန် မြန်မာ့မီးရထားက မျှော် မှန်းထားသည်။

ယခုစတင်မည့် ရထားလမ်း ပိုင်းအဆင့်မြှင့်တင်ခြင်းလုပ်ငန်း ကြောင့် ရွှေပြည်သာမြို့နယ်ရှိ ကွန်ပျူတာတက္ကသိုလ်သို့ ပြေးဆွဲသည့်ခရီးစဉ်ကို ယာယီရပ်ဆိုင်းမည်ဖြစ်ပြီး ယင်းရထားစီးနင်းရန် လပေးလက်မှတ်ဝယ်ယူထားသူ များကို တစ်လစာပြန်လည်ထုတ် အမ်းပေးမည်ဟု ဦးဇော်လွင်က ပြောသည်။

ထို့အပြင် မြို့ပတ်ရထား များနှင့် ယင်းလမ်းပိုင်းနှင့် ချိတ် ဆက်ထားသော အဝေးပြေးရထား ခရီးစဉ်များကို အချိန်အနည်းငယ် ပြောင်းလဲထားသည်ဟု မြန်မာ့မီး ရထား၊ သွား/လာရေးဌာန အထွေထွေမန်နေဂျာ ဦးကျော်ကျော်မျိုး က ပြောသည်။

‘‘အချိန်အနည်းငယ်ပြောင်း လဲထားပေမယ့် ပြေးဆွဲမယ့် ရထားအခေါက်ရေနဲ့ စီးနင်းမယ့် ခရီး သည်အရေအတွက် လျော့ကျမ သွားရအောင် ကျွန်တော်တို့ကြိုး စားထားပါတယ်’’ဟု ၎င်းက ဆို သည်။

ထို့အပြင် ပြုပြင်ခြင်းလုပ် ငန်းများ ဆောင်ရွက်နေသည့် လမ်းပိုင်းတွင် ရထားသံလမ်းတစ် ဖက်တည်းကိုသာ ရထားအသွား၊ အလာ ပြုလုပ်မည်ဖြစ်သဖြင့် ခရီးသည်များ သတိထားသွားလာရန် လိုအပ်သည်ဟု ဦးကျော်ကျော် မျိုးက ဆိုသည်။

၁၉၅၈ တွင် ဖောက်လုပ်ခဲ့ သည့် ရန်ကုန်မြို့ပတ်ရထားလမ်း ပိုင်းသည် နှစ် ၆၀ ခန့်ရှိလာပြီဖြစ်သော်လည်း လမ်းပိုင်းအကြီး စားပြုပြင်ခြင်းလုပ်ငန်းကို ယခုမှ သာ ပြုလုပ်နိုင်ခဲ့သည်။

အဆိုပါလမ်းပိုင်းကို ဂျပန် အစိုးရချေးငွေကန်ဒေါ်လာ ၂၀၆ သန်းကျော်နှင့် နိုင်ငံတော်ဘတ် ဂျက် ကန်ဒေါ်လာ ၉၄ သန်းကျော်ဖြင့် အဆင့်မြှင့်တင်မည်ဟု မြန်မာ့မီးရထားက ကနဦးသတင်းထုတ် ပြန်ထားသည်။

မြို့ပတ်ရထားလမ်းပိုင်း အ ဆင့်မြှင့်တင်ပြီး၍ ရထားတွဲအ သစ်များ ထည့်သွင်းပြေးနိုင်ပါက ခုတ်မောင်းပြေးဆွဲချိန် တစ်နာရီခန့် လျှော့ချနိုင်မည်ဟု ဦးထွန်း အောင်သင်းက ပြောသည်။

လက်ရှိ မြို့ပတ်ရထားလမ်း ပိုင်းသည် ၂၉ မိုင်ခန့် ရှည်လျားပြီး မြို့တစ်ပတ်ခုတ်မောင်းချိန် ၂ နာရီ မိနစ် ၅၀ ခန့်ကြာမြင့်ရာမှ ယင်းစီမံကိန်းပြီးစီးပါက ၁ နာရီ မိနစ် ၅၀ ခန့်သာ ကြာမည်ဖြစ်သည်။

ထို့အပြင် မြို့ပတ်ရထားစီး သူဦးရေသည် လက်ရှိတွင် တစ်ရက်လျှင် ကိုးသောင်းခန့်ရှိရာမှ စီမံကိန်းပြီးစီးပါက တစ်ရက်လျှင် သုံးသိန်းခန့် ရှိလာရန် မြန်မာ့မီး ရထားက မျှော်မှန်းထားသည်။

Credit: 7Daydaily