မြို့နယ် ငါးခုမှ တန်ဖိုးနည်းအိမ်ရာများကို သန်းခေါင်းစာရင်းရှိသည့် မိသားစုများမှတစ်ဦးကိုသာလျှောက်ထားခွင့်ပြုသွားမည်

ရန်ကုန်မတိုင်းဒေသကြီးမြို့နယ်ငါးခုရှိ တန်ဖိုးနည်းတန်ဖိုးသင့်အိမ်ရာများကိုသန်းခေါင်းစာရင်းရှိသည့်မိသားစုများမှတစ်ဦးတည်းကိုသာ လျှောက်ထားခွင့်ပြုသွားမည်ဖြစ်ကြောင်း ပြည်သူ့အိမ်ရာစီမံကိန်းများဦးစီးကော်မတီရုံးမှ
သိရသည်။

အဆိုပါတန်ဖိုးနည်းတန်ဖိုးသင့်အိမ်ရာများကို ဝင်ငွေသုံးသိန်းမှ၁၅သိန်းဝန်းကျင်ရှိ အိမ်ထောင်စု ပုံစံ၆၆/၆ရှိသည့်အိမ်ထောင်စုများမှတစ်ယောက်
သာလျှောက်ထားခွင့်ပြုမည်ဖြစ်ပြီး လျှောက်ထားမည့်သူများသည်အသက်၂၃နှစ်ပြည့်ပြီးသူဖြစ်ရမည်ဖြစ်ကာ အိမ်ထောင်စုပုံစံ၆၆/၆သန်ခေါင်းစာရင်းပိုင်ဆိုင်သည့်အိမ်ထောင်စုဇယားမှတစ်ဦးနှင့် အိမ်ပိုင်မရှိသေးသူများလျှောက်ထားနိုင်မည်ဖြစ်ကြောင်းလည်း သိရသည်။

ရောင်းချမည့်အိမ်ရာများမှာတန်ဖိုးနည်း၊တန်ဖိုးသင့်အိမ်ရာများဖြစ်သောကြောင့်တန်ဖိုးနည်းအိမ်ရာဝယ်ယူမည့်သူများအနေဖြင့်လစာဝင်ငွေ(မိသားစု၃သိန်းနှင့်၅သိန်းကြားရှိရမည်ဖြစ်ပြီး တန်ဖိုးသင့်အိမ်ရာဝယ်ယူမည့်သူများအနေဖြင့် လစာဝင်ငွေ(မိသားစု)၅သိန်းနှင့်၁၂သိန်းကြားရှိရမည်ဟု သတ်မှတ်ထားသည်ကိုတွေ့ရသည်။

ဖေဖော်ဝါရီလအတွင်းရောင်းချပေးနေသည့်လျှောက်လွှာများကို မတ်လ၁၆ရက်နေ့နောက်ဆုံးထားကာခရိုင်အထွေထွေအုပ်ချုပ်ရေးမှုးရုံးများတွင် ပြန်လည်လျှောက်ထားရမည်ဖြစ်သည်။

ရောင်းချမည့်တိုက်ခန်းများမှာ တန်ဖိုးနည်း၊တန်ဖိုးသင့်တိုက်ခန်းများဖြစ်ပြီး ဈေးနှုန်းများအနေဖြင့် ကျပ် ၉၈သိန်း၊သိန်း၁ဝဝ ဝန်းကျင်မှ သိန်း၎ဝဝ၊၅ဝဝ၊၆ဝဝ အထိပါဝင်မည်ဖြစ်ကြောင်းလည်း သိရသည်။

ရောင်းချပေးသွားမည့်အိမ်ရာများမှာ မြောက်ဥက္ကကလာပမြို့နယ်၊ လှိုင်သာယာမြို့နယ်၊ ရွှေပြည်သာမြို့နယ် ၊ ဒဂုံမြို့သစ်တောင်ပိုင်းနှင့်ဒဂုံတောင်ပိုင်းမြို့နယ်များမှတန်ဖိုးနည်းအိမ်ရာ၊တန်ဖိုးသင့်အိမ်ရာများကိုရောင်းချပေးသွားမည်ဖြစ်ကြောင်းလည်းသိရသည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com