ထိုင္းႏိုင္ငံအေျခစိုက္ လုပ္ငန္းစံုကုမၸဏီၾကီးျဖစ္ေသာ Central Group ႏွင့္ အိမ္ျခံေျမရင္းႏွီးျမွဳပ္ႏွံမႈ ကုမၸဏီျဖစ္ေသာ Hongkong Land တို႔သည္ ထိုင္းႏိုင္ငံ၊ ဘန္ေကာက္ျမိဳ႕ရွိ ျဗိတိန္သံရံုးကို ဝယ္ယူလိုက္ေၾကာင္း ႏိုင္ငံတကာသတင္းဝက္ဘ္ဆိုက္မ်ားစြာတြင္ ေဖာ္ျပသည္။
ျဗိတိန္အေျခစိုက္ ျပည္ပႏွင့္ဓနသဟာယရံုး (FCO) ၏ ေဖာ္ျပခ်က္အရ ယခုအေရာင္းအဝယ္သည္ ထိုင္းႏိုင္ငံသမိုင္းတစ္ေလွ်ာက္ တန္ဖိုးအၾကီးမားဆံုးေျမယာအေရာင္းအဝယ္တစ္ခုျဖစ္သည္ဟု ဆိုသည္။
Central Group သည္ ထိုင္းမိသားစုတစ္ခု ပိုင္ဆိုင္သည့္ အိမ္ျခံေျမႏွင့္ လုပ္ငန္းစံုကုမၸဏီတစ္ခု ျဖစ္သည္။အေရာင္းအဝယ္ျဖစ္ခဲ့သည့္ ေစ်းႏႈန္းမွာ ေပါင္သန္း ၄၂၀ (ကန္ေဒၚလာ ၅၉၇ ဒသမ ၅၅ သန္း) ျဖစ္သည္။
ဘန္ေကာက္၏ နာမည္ေက်ာ္ ေစ်းဝယ္စင္တာၾကီးတစ္ခုျဖစ္သည့္ Central Embassy အနီးတြင္တည္ရွိျပီး ေျမအက်ယ္အဝန္းမွာ ၉ ဒသမ ၉ ဧကခန္႔ ရွိသည္။
ျဗိတိန္သည္ ကိုင္ရို၊ နယူးေဒလီႏွင့္ ဝါရွင္တန္ဒီစီ အပါအဝင္ ကမၻာတစ္ဝန္းရွိ အေဆာက္အအံုေပါင္း ၃၀ မွ ၄၀ ၾကားကို ေခတ္မီအဆင့္ျမွင့္တင္ေရး စီမံကိန္းအတြက္ ေပါင္ ၁ ဒသမ ၂ ဘီလီယံ (ကန္ေဒၚလာ ၁ ဒသမ ၇ ဘီလီယံ) သံုးစြဲသြားရန္ ရည္မွန္းထားသည္ဟု ဆိုသည္။
ယခုသံရံုးေရာင္းခ်ရေငြမွာ အဆိုပါရည္မွန္းခ်က္ဘတ္ဂ်က္၏ သံုးပံုတစ္ပံုခန္႔ ရရွိခဲ့ျခင္းလည္း ျဖစ္သည္။
သံရံုးအေဆာက္အအံုသစ္ကို ဘန္ေကာက္ျမိဳ႕၊ စီးပြားေရးအခ်က္အျခာေနရာတြင္တည္ရွိသည့္ AIA ဆထံုတာဝါတြင္ အေျခစိုက္မည္ဟု ဆိုသည္။
ဘန္ေကာက္ရွိ ျဗိတိန္သံရံုးအေဆာက္အအံုကို ၁၉၂၀ ျပည့္ႏွစ္တြင္ ေဆာက္လုပ္ခဲ့ျပီး ယခုေျပာင္းေရႊ႕မည့္ သံရံုးေနရာမွာ ပိုမိုအခ်က္အျခာက်သည့္ ေနရာတြင္ တည္ရွိျခင္းေၾကာင့္ ထိုင္း-ျဗိတိန္ႏွစ္ႏိုင္ငံဆက္ဆံေရးသာမက ေဒသတြင္းကုန္သြယ္ေရး ခ်ိတ္ဆက္မႈမ်ား ျပဳလုပ္ရာတြင္ ပိုမိုလြယ္ကူေကာင္းမြန္လာေစမည္ျဖစ္ေၾကာင္း ျဗိတိန္ႏိုင္ငံျခားေရးဝန္ၾကီး ေဘာရစ္ ဂၽြန္ဆင္က ေျပာၾကားသည္။
ျဗိတိန္သည္ ယခုေရာင္းခ်လိုက္သည့္ သံရံုးေနရာကို ၁၉၂၁ ခုႏွစ္တြင္ ဝယ္ယူခဲ့ျခင္းျဖစ္ျပီး ဘရက္ဇစ္ (ဥေရာပသမဂၢမွ ႏႈတ္ထြက္ျခင္း) ေနာက္ပိုင္း ကမၻာလံုးဆိုင္ရာ ဘ႑ာေရးအက်ပ္အတည္းေပၚေပါက္မႈတြင္ အသံုးစရိတ္မ်ား ေလွ်ာ့ခ်လာခဲ့ျပီးေနာက္ ယခုကဲ့သို႔ ေရာင္းထုတ္မႈ ေပၚေပါက္လာျခင္းလည္း ျဖစ္သည္။
သံရံုးကို အဆင့္ျမွင့္တင္ရန္ႏွင့္ မြမ္းမံထိန္းသိမ္းရန္အတြက္ ေငြေၾကးမ်ားစြာ ကုန္က်ေနျခင္းေၾကာင့္ အခြန္ထမ္းျပည္သူတို႔အတြက္ အေကာင္းဆံုးျဖစ္ေစမည့္ စီမံကိန္းမ်ားကို ခ်မွတ္ရျခင္းျဖစ္ျပီး ယခုေျခလွမ္းမွာ ခက္ခဲသည့္ဆံုးျဖတ္ခ်က္တစ္ရပ္ျဖစ္ခဲ့ေၾကာင္းလည္း ျဗိတိန္ႏိုင္ငံျခားေရးရံုးမွာ လက္ေထာက္အျမဲတမ္းအတြင္းဝန္ ဆိုင္မြန္ မက္ေဒၚနယ္က ေျပာၾကားသည္။
Credit: iMyanmarHouse.com
(iMyanmarHouse.com Team မွ ေရးသား ေဖာ္ျပသည္။)
![[အဓိပ္ပာယ်ရှိသောလူ] မလေးရှားတွင် အမျိုးသားတစ်ဦးမှာ ပိုက်ဆံအိတ်ထဲမှ မသုံးဖြစ်ဘဲရှိနေသော ရင်းဂစ် ၅၀ တန်တွင် ပါသည့် နံပါတ်ဖြင့် ထီထိုးခဲ့ရာ ရင်းဂစ် ၂ သန်းကျော် ကံထူးခဲ့ပြီး ထီပေါက်သောငွေအားလုံးကို မိမိ၏ ငယ်ဘဝ မူလတန်းကျောင်းလေးသို့ လှူဒါန်းပစ်ခဲ့ပုံ...](https://imh-images-prod.s3.ap-southeast-1.amazonaws.com/pictures/news/dr5b5kh/1149228-0428783001749621332-02.jpg "[အဓိပ္ပာယ်ရှိသောလူ] မလေးရှားတွင် အမျိုးသားတစ်ဦးမှာ ပိုက်ဆံအိတ်ထဲမှ မသုံးဖြစ်ဘဲရှိနေသော ရင်းဂစ် ၅၀ တန်တွင် ပါသည့် နံပါတ်ဖြင့် ထီထိုးခဲ့ရာ ရင်းဂစ် ၂ သန်းကျော် ကံထူးခဲ့ပြီး ထီပေါက်သောငွေအားလုံးကို မိမိ၏ ငယ်ဘဝ မူလတန်းကျောင်းလေးသို့ လှူဒါန်းပစ်ခဲ့ပုံ...")
