ကမ္ဘာကျော်စာရေးဆရာကြီး အော်စကာဝိုင်း၏ လန်ဒန်နေအိမ် အရောင်းဈေးကွက်ဝင်လာ

အော်စကာဝိုင်းသည် အိုင်းရစ်ကဗျာဆရာ၊ စာရေးဆရာဖြစ်ပြီး အမည်ရင်းမှာ အော်စကာ ဖင်ဂယ်လ် အိုဖလာဟာတီ ဝီလ်စ် ဝိုင်း ဖြစ်သည်။

အိုင်ယာလန်နိုင်ငံ၊ ဒဗ္ဗလင်မြို့၊ ဝက်စ်လန်းရိုးလမ်း၊ အမှတ် ၂၁ နေအိမ်တွင် ၁၈၅၄ ခုနှစ်၊ အောက်တိုဘာလ ၁၆ တွင် မွေးဖွားသည်။
အသက် ၄၆ နှစ်အရွယ် ၁၉၀၀ ပြည့်နှစ်၊ နိုဝင်ဘာလ ၃၀ ရက်တွင် ကွယ်လွန်သည်။

အော်စကာဝိုင်း၏နေအိမ်မှာ အင်္ဂလန်နိုင်ငံ၊ လန်ဒန်မြို့၊ ပုံ့လမ်းတွင် တည်ရှိပြီး အလွှာ ၃ လွှာတွင် ဖြန့်ကျက်တည်ရှိသည်။အန်းဘုရင်မကြီးဗိသုကာဟန်ဖြင့် ဆောက်လုပ်ထားပြီး ဗိသုကာပညာရှင် စီ-ဒဗလျူ စတီဖန်စ်က ဒီဇိုင်းရေးဆွဲပေးခဲ့ခြင်း ဖြစ်သည်။

အော်စကာဝိုင်းသည် ယခုနေအိမ်အနီးရှိ ကာဒိုဂန်ဟိုတယ်တွင် ဖမ်းဆီးခြင်းခံခဲ့ရကာ လိင်တူဆက်ဆံမှုဖြင့် ထောင်ဒဏ်ချမှတ်ခြင်းလည်း ခံခဲ့ရသူ ဖြစ်သည်။
ပုံ့လမ်းသည် Knightsbridge အရပ်တွင် လူစည်ကားသည့်အရပ်ဖြစ်ပြီး စားသောက်ဆောင်၊ ဈေးဆိုင်များ များစွာ တည်ရှိသည်။

Knightsbridge မြေအောက်ဘူတာရုံမှာ နေအိမ်မှ မီတာ ၅၀၀ ခန့်သာ ဝေးကွာပြီး ဟိသ်ရိုးလေဆိပ်နှင့်လည်း မဝေးလှချေ။
နေအိမ်အကျယ်အဝန်းမှာ ၂၁၇၆ စတုရန်းပေရှိပြီး အနီးဝန်ကျင်ရှိ ဘူတာများမှာ Knightsbridge ( ၀ ဒသမ ၃ မိုင်) ၊ Sloane Square (၀ ဒသမ ၄ မိုင်) ၊ South Kensington (၀ ဒသမ ၅ မိုင်) တို့ ဖြစ်ကြပြီး အဆိုပါအကွာအဝေးများမှာ အဖြောင့်တိုင်း အကွာအဝေးများ ဖြစ်ကြသည်။

အိပ်ခန်း ၃ ခန်းတွင် master bedroom တစ်ခန်းပါဝင်ပြီး၊ ရေချိုးခန်းများ၊ မီးဖိုဆောင်၊ အဝတ်အစားထားသိုခန်း၊ လသာဆောင်၊ ဓာတ်လှေကားတို့ ပါဝင်သည်။

တတိယထပ်၊ စတုတ္ထထပ်နှင့် ပဉ္စမထပ်တို့တွင် ဖြန်ကျက်တည်ရှိသည်။
ယခုနေအိမ်ခန်းနှင့် စပ်လျဉ်း၍ အသေးစိတ်သိရှိလိုသူများအနေဖြင့် Savills, Knightsbridge၊ 188 Brompton Road, London, SW3 1HQ သို့ ဆက်သွယ်နိုင်ပြီး တယ်လီဖုန်းနံပါတ် 020 8012 3087 သို့လည်း ဆက်သွယ်နိုင်သည်ဟု ဆိုသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)