ပြည်တွင်းရွှေဈေးနှုန်း တစ်ပတ်အတွင်း ကျပ် ၁၅,ဝ၀ဝ ဝန်းကျင် ဈေးပြန်ကျ

ပြည်တွင်းရွှေဈေးနှုန်းသည် သီတင်း တစ်ပတ်အတွင်း တစ်ကျပ်သားလျှင်
ကျပ် ၁၅,ဝ၀ဝ ဝန်းကျင်ခန့် ဈေးနှုန်း ပြန်လည်ကျဆင်းခဲ့ကြောင်း ရွှေဈေးကွက်
အတွင်းမှ သိရသည်။

ပြီးခဲ့သည့် ဇန်နဝါရီ ၂၅ ရက် နံနက်ပိုင်းက တစ်ကျပ်သားလျှင် ကျပ် ၉၅၅,၅၀ဝ အထိ မြင့်တက်ခဲ့သည့် ပြည်တွင်းရွှေဈေးနှုန်းမှာ ဇန်နဝါရီ ၃၀ရက် နေ့လယ်ပိုင်းတွင် ကျပ် ၉၄၂,ဝ၀ဝသို့ ငါးရက်အတွင်း ဈေးနှုန်းကျပ် ၁၅,ဝ၀ဝ နီးပါး ပြန်လည်ကျဆင်းခဲ့ခြင်းဖြစ် သည်။ ဇန်နဝါရီ ၂၉ရက်တွင် ပြည်တွင်း ရွှေဈေးနှုန်းမှာ တစ်ကျပ်သားလျှင် ကျပ် ၉၄၆,ဝ၀ဝ ဝန်းကျင် အမြင့်ဈေးဖြင့် ဆက်ရှိ နေခဲ့ရာမှ တစ်ရက်အတွင်း ကျပ် ၆,ဝ၀ဝ ဝန်းကျင်သို့ ပြန်လည်ကျဆင်းခဲ့ခြင်းဖြစ်သည်။"ရွှေဈေးကျတုန်းက ၉၁၀,၈၀ဝ လောက် ထိကျခဲ့ပြီးတော့ အဲဒီကနေ ၉၅၆,၅၀ဝ လောက်ထိ ပြန်တက်ခဲ့တယ်။ အဲဒီကနေ ပြန် ကျသွားတာ ခုဆိုရင် ၉၄၀,ဝ၀ဝ ဝန်းကျင် ကို ပြန်ရောက်သွားခဲ့တယ်။ အရောင်းအဝယ်က တော့ လျော့တယ်" ဟု မန္တလေးတိုင်းဒေသ ကြီး ရွှေလုပ်ငန်းရှင်များအသင်းဥက္ကဋ္ဌ ဦးတင် ထွန်းက မြန်မာတိုင်းမ်နေ့စဉ်သို့ ပြောဆိုသည်။

ကမ္ဘာ့ရွှေဈေးကျဆင်းမှုကြောင့် ပြည်တွင်း ရွှေဈေး လိုက်ပါကျဆင်းခဲ့ခြင်းဖြစ်ပြီး ကမ္ဘာ့ ရွှေဈေးမှာ ဇန်နဝါရီ ၂၅ရက်တွင် တစ်ထရိုင် အောင်စကို ၁၃၆၆ ဒေါ်လာအထိရှိခဲ့ပြီး ဇန်နဝါရီ ၃၀ ရက်တွင် ၁၃၃၆ ဒေါ်လာသို့ ကျဆင်းခဲ့ခြင်း ဖြစ်သည်။

ပြည်တွင်းရွှေဈေးနှုန်းမှာ ကမ္ဘာ့ရွှေဈေး နှုန်းနှင့် အမေရိကန်ဒေါ်လာငွေလဲနှုန်း အတက် အကျပေါ်တွင်မူတည်၍ ဈေးနှုန်းအပြောင်း အလဲများ ဖြစ်သော်လည်း အမေရိကန်ဒေါ်လာ ငွေလဲနှုန်းမှာ ဇန်နဝါရီ ၃၀ရက်တွင် အနည်း ငယ်ပြန်လည်မြင့်တက်ခဲ့သည်။ ဇန်နဝါရီ၂၉ ရက်၌ တစ်ဒေါ်လာလျှင် ၁,၃၂၁ ကျပ်ရှိခဲ့ရာမှ ဇန်နဝါရီ ၃၀ ရက်၌ ၁၃၂၅ ကျပ်သို့ အနည်း ငယ်မြင့်တက်ခဲ့သည်။

လက်ရှိ ပြည်တွင်းရွှေဈေးကွက်တွင် အခေါက်ရွှေတစ်ကျပ်သားလျှင် ကျပ် ၉၄၂,ဝ၀ဝ ဝန်းကျင်နှင့် ၁၅ ပဲရည် တစ်ကျပ်သားလျှင် ကျပ် ၈၈၆,၆၀ဝ ဝန်းကျင်ဖြင့် အရောင်းအဝယ် ဖြစ်နေကြောင်း ရွှေဈေးကွက်အတွင်းမှ စုံစမ်း သိရသည်။

Credit: The Myanmar Times