တညင်းကုန်းဈေးသစ်ကြီး အစိုးရသစ်၏ ပထမဦးဆုံးစံနမူနာဈေးကြီးဖြစ်လာမည်

အသစ်ဖွင့်လှစ်ခဲ့သည့် တညင်းကုန်းဈေးသစ်ကြီးသည် အစိုးရသစ်၏ ပထမဦးဆုံး စံနမူနာဈေးကြီးဖြစ်လာမည်ဟု ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းက ဇန်နဝါရီ ​၃၀ ရက်​က ပြုလုပ်သည့်​​​​​ အင်းစိန်မြို့နယ် တညင်းကုန်း သစ်သီးဝလံဟင်းသီးဟင်းရွက်နှင့် ပန်းမန်လက်ကားဈေးသစ်ကြီးဖွင့်ပွဲအခမ်းအနား၌ ပြောဆို သည်။

"နိုင်ငံတကာမျက်နှာစာမှာ နှစ်ပေါင်းများစွာ ကမ္ဘာလှည့် ခရီးသွားတွေဝင်ထွက်သွားလာနေတဲ့ ဗိုလ်ချုပ်အောင်ဆန်း ဈေးကြီးကိုတောင် ကျွန်တော်တို့က နိုင်ငံတကာအဆင့်အတန်းမီ ဈေးကြီးတစ်ဈေးအဖြစ်နဲ့ ရပ်တည်နိုင်အောင် ရှေးဟောင်း အမွေအနှစ်တွေမပျောက်ဘဲ အများကြီးပြုပြင်ပြောင်းလဲရဦး မှာဖြစ်ပါတယ်။ ရန်ကုန်တိုင်းအတွင်းမှာရှိတဲ့ ဈေးပေါင်း ၁၇၀ ကျော်ကို ပြုပြင်ထိန်းသိမ်းမှုတွေ ဆောင်ရွက်ပြောင်းလဲရမှာ ဖြစ်ပါတယ်။ ဒီဈေးကြီးဟာ အခုလက်ရှိအစိုးရသစ်ရဲ့ ပထမ ဦးဆုံး စံနမူနာ ပြစရာဈေးကြီးတစ်ဈေးဖြစ်လာမှာပါ"ဟု ရန်ကုန်တိုင်းဒေသကြီးဝန်ကြီးချုပ်က ပြောဆိုသည်။

အစိုးရသစ် စတင်တာဝန်ယူသည့်အချိန် တွင် ရန်ကုန်၌ ဈေးပေါင်း ၁၈၄ ခုခန့် လည်ပတ်နေခြင်းဖြစ်ကြောင်း၊ ဈေးအများစုသည်ဈေးရုံအတွင်းနေချင်စဖွယ်မရှိသည့်အတွက် ဈေးအပြင်ဘက်လမ်းမများပေါ်၌ ဈေးထွက်ရောင်းနေ သကဲ့သို့ဖြစ်နေကြကြောင်း ရန်ကုန်တိုင်းဒေသကြီးဝန်ကြီး ချုပ်က ပြောဆိုသည်။

အနံ့အသက်မကောင်း"ဘာကြောင့်လမ်းမပေါ်ထွက်ပြီး ဈေးရောင်းကြသလဲ ဆိုရင် ဈေးရုံအတွင်းမှာ နေချင်စဖွယ် မဖြစ်ဘူးဖြစ်နေတယ်။ ဈေးဝယ်သူတွေကလည်း ဈေးရုံးအတွင်းဝင်ရမှာ အင်မတန်မှ စိုးထိတ်ပါတယ်။ ဘာကြောင့်လဲဆိုရင် အနံအသက်တွေက လည်းမကောင်းဘူး။ ဈေးရုံအတွင်းဝင်တဲ့ လမ်းတွေကလည်း သန့်သန့်ရှင်းရှင်းမရှိဘူးဆိုတော့ လူတွေက လမ်းမဘေးက ဈေးတွေ မှာသာဝယ်ချင်ကြပါတယ်"ဟု ၎င်းက ဆက်လက် ပြောဆိုသည်။

နိုင်​ငံတကာ၌အောင်မြင်နေသည့်ဈေးများ၏စံနှုန်းများ အရ ဈေးများသည်သန့်ရှင်းသပ်ရပ်လှပပြီး ကျန်းမာရေးနှင့် ကိုက်ညီသည့် အစားအသောက်များကိုရောင်းဝယ်ခြင်း၊ လာ ရောက်ရောင်းချသည့်သူများနှင့် ဝယ်ယူမည့်သူများပါ အဆင် ပြေနိုင်မယ့် ဈေးမျိုးဖြစ်အောင် ဆောင်ရွက်ခြင်း၊ ဈေးတည် ဆောက်ပြီးနောက် ထိန်းသိမ်းစောင့်ရှောက်ခြင်းပြုပြင်ခြင်း များကို ဥစနမအေသမ ကတာဝန်ယူခြင်းများကြောင့်ဖြစ်ကြောင်း ၎င်းက ပြောဆိုသည်။

မျှော်မှန်းထားသည့်အဆင့်

" ဒီဈေးကြီးကလည်း မြို့တော်စည်ပင်သာယာနဲ့ အကျိုးတူ ပူးပေါင်းဆောင်ရွက်ထားတဲ့ ဈေးကြီးဖြစ်ပါတယ်။ ဒီဈေးကြီး စဉ်ဆက်မပြတ် ဖွံ့ဖြိုးတိုးတက်အောင် ဆောင်ရွက်သွားကြ ရမှာဖြစ်တယ်။ ဒီဈေးကြီးရဲ့ ပိုင်ဆိုင်မှုတွေထဲမှာလည်း ကုမ္ပဏီ၊ စည်ပင်သာယာနဲ့ အတူ ဖွဲ့စည်းထားတဲ့ကုမ္ပဏီကြီးထဲမှာ အားလုံး ပါဝင်ခွင့်ရအောင်၊ ဈေးသူဈေးသားတွေရော ပြည်သူ လူထုကြီးကပါ ဒီဈေးကြီးရဲ့ ပိုင်ဆိုင်ခွင့်ထဲမှာ ပါဝင်ခွင့်ရရန် လိုတယ်။ ရှေ့ဆက်ပြီးတော့ ဒီအခြေအနေကို ဖြစ်အောင် ဆောင်ရွက်သွားကြမှာဖြစ်ပါတယ်။ ဒီဈေးကြီးဟာ ကျွန်တော် တို့ မျှော်မှန်းထားတဲ့ အဆင့်တစ်ဆင့်ကို ရောက်လာမယ့် ဈေးဖြစ်တယ်"ဟု ၎င်းက ပြောဆိုသည်။

ယင်းဈေးစီမံကိန်းမှာ ရန်ကုန်တိုင်းဒေသကြီး အင်းစိန် မြို့နယ်ရှိ တညင်းကုန်းဈေးဟောင်းအနီး၌ တည်ရှိကြောင်း သိရသည်။

Credit: The Myanmar Times