ဝယ်သူအကြိုက်ဖြစ်လာသောအိမ်ခြံမြေဈေးကွက်

ယခင်က ဈေးကွက်တွင် တိုက်ခန်းများသည် ဆောက်လုပ်သူနှင့် ရောင်းချသူစိတ်သဘော အတိုင်းသာ ဈေးကွက်တင်ရောင်းချမှု များပြားခဲ့သော်လည်း ယခုအခါ ၀ယ်သူ့ အကြိုက်ကို ဦးစားပေးသည့်ပုံစံသို့ ပြောင်းလဲလာကြောင်း ဈေးကွက်အတွင်းရှိ သတင်း ရင်းမြစ်များထံမှ သိရှိရသည်။

အနံပေ ၂၀ ရှိသော မြေကွက် ကို အရပ်အခေါ် ရင်ခွဲပုံစံ နှစ်ခန်းတွဲ အထပ်မြင့်များ ဆောက်လုပ်မှု၊ ယခင် ကာလက များပြားခဲ့သော်လည်း ယခုအခါ ထိုတိုက်ခန်းများမှာ ဈေးကွက်မတွင်ကျယ် တော့ဟုလည်း ဆိုကြသည်။

၂၀၁၄ နိုဝင်ဘာမှ စတင်ကာ ဆောက်လုပ်ရေးဈေးကွက် အေးစက်လာ ခဲ့ပြီးနောက် စီးပွားရေးဆိုင်ရာ တုံ့ဆိုင်း စေခဲ့သော်လည်း ကောင်းကွက်အနေဖြင့် ယခုအခါ ၀ယ်သူများ၏ လိုလားချက်က ဈေးကွက်တွင် အသာစီးရလာခြင်းဖြစ် သည်။

ဥပဒေစည်းမျဉ်း စည်းကမ်းများ ထက် ဈေးကွက်လိုလားချက်နှင့် ပိုမိုလိုက် လျောညီထွေဖြစ်စေရန် လုပ်ထုံးများကို ပင် ဆောက်လုပ်ရေးလုပ်ငန်းရှင်များဘက် မှ ဦးဆောင်ဦးရွက်ပြုကာ ပြောင်းလဲလာ သည်များ ရှိနေသည်။ ယင်းတို့အနက် ဘဏ်များနှင့် ဆောက်လုပ်ရေးလုပ်ငန်း ရှင်များပေါင်းကာ အရစ်ကျစနစ်ဖြင့် ရောင်းသည့်ပုံစံသည် ဥပမာကောင်းတစ်ခု ဖြစ်ပါသည်။

လက်ရှိအိမ်ခြံမြေအရောင်း ဈေးကွက်အတွင်း ကျယ်ဝန်းသော တိုက် ခန်းများသာ အရောင်းအ၀ယ်ကောင်းမွန် နေကြောင်း အိမ်ခြံမြေအကျိုးဆောင်များ က ပြောသည်။

တိုက်ခန်းအရောင်းဈေးကွက် အတွင်းတွင် ၀ယ်လိုအားထက် ရောင်းလို အား များပြားနေသည့်အတွက် ၀ယ်ယူ လိုသူများအနေဖြင့် ရွေးချယ်မှုများ ပိုမို ပြုလုပ်လာကြပြီးနောက် အခန်းကျယ်ဝန်း သော တိုက်ခန်းများကိုသာ ပိုမိုရွေးချယ် ၀ယ်ယူလာကြခြင်းဖြစ်ကြောင်း အာရှ ဆောက်လုပ်ရေးလုပ်ငန်းမှ အထွေထွေ မန်နေဂျာ ဦးရန်အောင်က ပြောသည်။

““တိုက်ခန်းဝယ်ယူလိုသူတွေက ရွေးချယ်မှုတွေ ပိုမိုပြုလုပ်လာနိုင်ကြပါ ပြီ။ အခန်းအကျယ်အ၀န်းသာမက နေရာ ကောင်းမွန်တာတွေ၊ ရေ၊ မီးအဆင်သင့် ပါတာတွေ၊ အရစ်ကျစနစ်နဲ့ ပေးချေနိုင် တာတွေ၊ အတိုးနှုန်းသက်သာတာတွေကို ပါ ၀ယ်ယူသူတွေက ရွေးချယ်ဝယ်ယူလာ ကြပါတယ်””ဟုလည်း ၎င်းကပြောသည်။

တိုက်ခန်းဈေးကွက်တွင် ယခင် က နေထိုင်ရန်ထက် ရင်းနှီးမြှုပ်နှံသည့် သဘောဖြင့် ၀ယ်ယူသူများပြားခဲ့သော် လည်း ယခုအခါ ပြောင်းပြန်ဖြစ်သွားပြီ ဟုလည်း သိရသည်။

““အရင်တုန်းက တိုက်ခန်းတွေ ကို ဈေးကစားဖို့ ပြန်ငှားစားဖို့ စတဲ့ ရင်းနှီး မြှုပ်နှံမှုလုပ်ငန်းတွေအတွက် ၀ယ်ယူသူ တွေရှိခဲ့ကြပေမယ့် အခုနောက်ပိုင်းမှာ တော့ မြေဈေးတည်ငြိမ်နေတာကြောင့် နေထိုင်ဖို့အတွက် ၀ယ်ယူလိုသူတွေပဲ များ လာကြပါပြီ။ နေထိုင်ဖို့ပဲ ၀ယ်ယူလိုကြ တော့ တိုက်ခန်းဈေးနှုန်းကွာခြားတာထက် အကျယ်အ၀န်းကို ပိုပြီး ဦးစားပေးကြည့် လာကြပါတယ်””ဟု ဦးရန်အောင်က မှတ် ချက်ပေးသည်။

ဥပမာအားဖြင့်ဆိုလျှင် ဈေးကွက် တစ်ခုလုံးအနေဖြင့် တိုက်ခန်းအရောင်း အ၀ယ်ထိုင်းနေသော်လည်း တောင်ဥက်္က လာပမြို့နယ်တွင်မူ ဈေးကွက်ပြန်ကောင်း လာနေပြီး ထိုသို့ဖြစ်ရခြင်းမှာလည်း ပေ ၂၀ မြေတွင် ဆောက်ထားသည့် ရင်ခွဲ တိုက်များမဟုတ်ခြင်းကြောင့်လည်း အ ကြောင်းရင်းတစ်ခုဖြစ်သည်ဟု အိမ်ခြံမြေ အကျိုးဆောင်တို့က ဆိုသည်။

ဦးရန်အောင်၏ အဆိုအရ မြောက်ဒဂုံတွင်လည်း တန်ဖိုးမြင့် ကွန်ဒို တိုက်ခန်းမဟုတ်သော်လည်း စတုရန်းပေ ၁,၀၀၀ ခန့်ကျယ်ဝန်းသော တိုက်ခန်းကျယ် များ ဆောက်လုပ်မှုများပြားလာနေပြီး အရောင်းဈေးကွက်လည်း ကောင်းမွန်နေ ကြောင်း သိရသည်။

မြောက်ဒဂုံမြို့နယ်တွင် တိုက် ခန်းဝယ်ယူနေထိုင်သူတစ်ဦးဖြစ်သူ ဦးမြင့် သိန်းက တိုက်ခန်းဝယ်ယူရာတွင် ဆိတ် ငြိမ်ရပ်ကွက်ဖြစ်ခြင်းနှင့် တိုက်ခန်းအကျယ် အ၀န်းကို ဦးစားပေးရွေးချယ်ခဲ့ကြောင်း ပြောသည်။

““မိသားစုအကုန်လုံး နေ့ဘက် အလုပ်သွားမယ့်သူတွေမဟုတ်ဘဲ အိမ်မှာ ပဲ နေထိုင်မယ့် မိသားစုဝင်တွေလည်းရှိ လို့ သူတို့ နေ့ရော၊ ညရော နေရမယ့်နေ ရာဆိုတော့ မွန်းကျပ်စရာကောင်းလွန်း လှတဲ့ တိုက်ခန်းကျဉ်းကျဉ်းလေးထက် ဈေးသင့်တဲ့နေရာက ကျယ်ဝန်းတဲ့ တိုက် ခန်းကို ရွေးချယ်ဝယ်ယူခဲ့တာ ဖြစ်ပါတယ်”” ဟု သူကဆိုသည်။

““အလုပ်လုပ်နေသူတစ်ဦးအတွက် မြို့လယ်ကောင်မြို့တွေက သွားရလာရ ပိုအဆင်ပြေမယ့် မိသားစုဝင်တွေအတွက် တော့ မြို့လယ်ကောင်က အပေါ်ထပ် တိုက်ခန်းကျဉ်းလေးထက် မြို့စွန်က ပထမထပ် တိုက်ခန်းကျယ်က နေထိုင်ဖို့ ပိုအဆင်ပြေရုံမက ဈေးနှုန်းလည်း ပိုမို သက်သာပါတယ်”” ဟုလည်း ၎င်းက မှတ် ချက်ပြုသည်။

မြတ်မင်းဆောက်လုပ်ရေးလုပ် ငန်းမှ ဒါရိုက်တာ ဦးအောင်မင်းက ဆောက် လုပ်ရေးကဏ္ဍတွင် ၀ယ်ယူလိုသူကို ဦးစား ပေးရသည့် ဈေးကွက်ဖြစ်လာပြီဖြစ်သည့် အတွက် ဆောက်လုပ်ရေးလုပ်ငန်းရှင်များ အနေဖြင့် ၀ယ်ယူလိုသူများ လိုချင်သည့် ပုံစံမျိုးကိုသာ ပိုမိုဆောက်လုပ်လာရ ကြောင်း ပြောသည်။

““နေထိုင်သူတွေ အဆင်ပြေစေ ဖို့ အဆောက်အအုံဆောက်ကတည်းက တိုက်ခန်းအကျယ်အ၀န်းတွေ၊ အတွင်းပိုင်း အခန်းဖွဲ့စည်းမှုတွေ၊ အလှဆင်တာ တွေကိုပါ ထည့်သွင်းစဉ်းစားပေးလာကြ ပါပြီ။ အရင်က ကွန်ဒိုတိုက်ခန်းတွေသာ အဲဒီလိုဆောက်လုပ်ပေးပေမယ့် အခုတော့ သာမန်အခန်းကျယ်တိုက်ခန်းတွေကိုလည်း ကွန်ဒိုတိုက်ခန်းတွေလိုပဲ အခန်းဖွဲ့စည်းပုံ နဲ့ အတွင်းအပြင် အလှဆင်ဒီဇိုင်းတွေကို ပါ ဆောင်ရွက်ပေးလာကြပါပြီ””ဟု ဦးအောင် မင်းက ပြောသည်။

တန်ဖိုးနည်းတိုက်ခန်းများကို ၀ယ်လိုအား ရှိနေသည်မှန်သော်လည်း ထိုဝယ်သူများသည် ဈေးကွက်၏ အစိတ် အပိုင်းတစ်ခုကိုသာ ကိုယ်စားပြုပြီး တန်ဖိုး မြင့်ကွန်ဒိုခန်းများ မ၀ယ်နိုင်သော်လည်း ဈေးနှုန်းထက် အခန်းအကျယ်နှင့် ပတ် ၀န်းကျင်ကိုကြည့်ကာ ၀ယ်ယူသူများလည်း ရှိလာပြီဟု ဈေးကွက်သတင်းရင်းမြစ် အချို့ က ဆိုကြသည်။


မယ်တင် မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com