စစ်ကိုင်းတန်ဖိုးနည်းတိုက်ခန်းများတွင် နေထိုင်ခွင့် လာမည့်လ မဲနှိုက်မည်

စစ်ကိုင်းမြို့ ကောင်းမှုတော်ဘုရားအနီးတွင် တည်ဆောက်နေသည့်တန်ဖိုးနည်းတိုက်ခန်းများတွင် နေထိုင်ခွင့်ကိုလာမည့်ဖေဖော်ဝါရီလတွင် မဲနှိုက်ချထားပေး
မည်ဖြစ်ကြောင်း စစ်ကိုင်းမြို့နယ် မြို့ပြနှင့်အိမ်ရာဖွံ့ဖြိုးရေးဦးစီးဌာန မြို့နယ်
ဦးစီးမှူးဦးဇော်မင်းဌေးက ယခုလ ဒုတိယပတ်က ပြောသည်။

'' လာမယ့်လမှာ မဲနှိုက်ချထားပေးမှာဖြစ်ပါတယ်။ မဲနှိုက်ပြီး မကြာခင်အချိန်မှာ မဲပေါက်တဲ့ သူတွေအနေနဲ့ တက်ရောက်နေထိုင်ခွင့်ရမှာပါ။ အဓိကရည်ရွယ်တာက အိမ်မရှိ၊ဝင်းမရှိ၊ ဝင်ငွေနည်းတဲ့သူတွေနဲ့ အစိုးရဝန်ထမ်း လုပ်သက် ၂၅ နှစ်ရှိ ဝန်ထမ်းများနဲ့အငြိမ်းစားတွေ အတွက်ပါ ''ဟု ၄င်းက ပြောသည်။

မန္တလေး-မုံရွာကားလမ်းဘေးရှိ နွားပွဲဈေးအနီးရှိ အဆိုပါတန်းဖိုးနည်း အငှားတိုက်ခန်းများကို စစ်ကိုင်းမြို့နယ်စည်ပင်သာယာပိုင်မြေပေါ်တွင် တိုင်းဒေသကြီးအစိုးရဘဏ္ဍာငွေဖြင့် ၂ဝ၁၆ ခုနှစ်၊ သြဂုတ်လက စတင်တည်ဆောက်ခြင်းဖြစ်ကြောင်း သိရသည်။

'' ကျွန်တော်တို့လည်းလျှောက်ထားပါတယ်။ လျှောက်လွှာခေါ်တော့ အိမ်မရှိတဲ့လူတွေအတွက်ဆိုတာနဲ့ လျှောက်ဖြစ်သွားတာပါ။ ပေါက်မယ်လို့ မျှော်လင့်တယ်။ အပြင်မှာအိမ်ငှားနေရင် ကိုယ့်ရတဲ့ တစ်နေ့လုပ်အားခနဲ့ ဘယ်လိုမှမလောက်ဘူး ''ဟု စစ်ကိုင်းမြို့မဈေးတွင် ကုန်တင်ကုန်ချ လုပ်ကိုင်သည့် ဦးသိန်းလှိုင်က ပြောသည်။

အဆိုပါအငှားတိုက်ခန်းများကို တစ်လလျှင် ကျပ် နှစ်သောင်းမှ ကျပ်သုံးသောင်းနှုန်းဖြင့် ငှားရမ်းမည်ဖြစ်ပြီး ယခုလ ဒုတိယပတ်ထိ လာရောက်လျှောက်ထားသူဦးရေ ၃၅ဝ ကျော်ပြီဖြစ် ကြောင်း ဦးစီးမှူးထံမှသိရသည်။

အဆိုပါတန်ဖိုးနည်းအငှားတိုက်ခန်း၏ အိမ်ရာပုံစံကို ၁၂ ခန်းတွဲပါ အထပ်လေးထပ်ရှိ အဆောက်အအုံအဖြစ် တည်ဆောက်ထားပြီ ပုံစံတူအဆောက်အအုံနှစ်လုံးရှိသည်။ စုစုပေါင်း အခန်းအရေအတွက်မှာ ၉၆ ခန်းရှိကာ တစ်ခန်းလျှင် အနံ ၁၈ ပေ အလျား ၂၅ ပေ ကျယ်ဝန်းပြီး အခန်းတိုင်းတွင် ရေနှင့်မီး အပြည့်အစုံပါဝင်ကြောင်း ဦးစီးမှူး ဦးဇော်မင်းဌေးထံမှ သိရသည်။

Credit: The Myanmar Times