စစ်တွေမြို့ ကစ္ဆပနဒီကမ်းနားလမ်း မြေယာစီမံကိန်းအနီးရှိ မြေကွက် ၂,၄၀ ကျော် ရောင်းချထားဟုဆို

စစ်တွေမြို့ ကစ္ဆပ နဒီမြစ်ကမ်းဘေးတွင် မြေဖို့အ ကောင်အထည်ဖော်ခဲ့သည့် မြေ ယာများအနက် ကျပ် ၂၆ ဘီလီယံ ကျော်တန်ဖိုးရှိ မြေကွက် ၂၄၀ ကျော် ရောင်းချနိုင်ခဲ့ကြောင်း အိမ်ခြံမြေရောင်းဝယ်ငှားဝက်ဘ်ဆိုက် iMyanmarHouse.com (အိုင်မြန်မာဟောက်စ်ဒေါ့ကွန်း)က ဇန်န၀ါရီ ၈ ရက်တွင် သတင်းထုတ်ပြန်သည်။

အဆိုပါမြေကွက်များ ရောင်းချပွဲကို ဇန်န၀ါရီ ၆ ရက်နှင့် ၇ ရက်တွင် ရန်ကုန်မြို့ နိုဗိုတယ်ဟိုတယ်နှင့် စီမံကိန်းတည်ရှိရာ စစ်တွေမြို့(ဖဖြူလမ်း)တွင် ပြုလုပ်သည်။

မြေကွက် တစ်စတုရန်းပေ ပတ်လည်ကိုကျပ် ၂၅,၀၀၀ မှ စတင်ရောင်းချပြီး လာရောက်ဝယ်ယူသူအများစုသည် စစ်တွေမြို့ခံများနှင့် စစ်တွေမြို့ပြင်ပမှ ရခိုင်ပြည်နယ်ဇာတိများဖြစ်ကြောင်း ထုတ်ပြန်ချက်တွင် ရေးသားထားသည်။ ‘‘ဒီခေတ်အတိုင်းအတာနဲ့ အခုစစ်တွေမှာ ရောင်းပေးတဲ့ မြေ ကွက်ဈေးတွေက သင့်တော်ပါ တယ်။ မြို့ပေါ်နဲ့ ဝေးတဲ့ နယ်တွေ မှာတောင် ပေ ၄၀× ၆၀ ခြံတစ်ကွက်ကို သိန်း ၃၀၀ ကျော်ထိ ပေါက်နေတာ၊ သင့်တော်ပါတယ်’’ဟု အိမ်ခြံမြေအကျိုးဆောင် ကိုစောရွှေက ပြောသည်။

အဆိုပါမြေကွက်များကို နေထိုင်ရန် ၀ယ်ယူခြင်းထက် ရင်းနှီး မြှုပ်နှံရန် ၀ယ်ယူသူပိုများကြောင်း စစ်တွေမြို့ခံတစ်ဦးက ပြောသည်။အဆိုပါမြေယာများကို ရခိုင်ပြည်နယ် အစိုးရအဖွဲ့နှင့် ကိုရီး ယားကုမ္ပဏီ BXT International Co., Ltd. တို့ အကျိုးတူပူးပေါင်းဖော်ဆောင်ပြီး ယင်းနေရာသည် မကြာမီစစ်တွေမြို့လယ်ဖြစ်လာမည်ဟု စီမံကိန်းဖော်ဆောင်ရေးအဖွဲ့က သတင်းထုတ်ပြန်သည်။

စစ်တွေမြို့ ကစ္ဆပနဒီကမ်း နားလမ်း မြေယာစီမံကိန်းကို ရခိုင်ပြည်နယ်အစိုးရအဖွဲ့က ၃၀ ရာခိုင်နှုန်းနှင့် BXT International Co., Ltd. က ၇၀ ရာခိုင်နှုန်းရင်းနှီးမြုပ်နှံထားသည်။ လက်ရှိမြေယာများပိုင်ဆိုင်ခွင့် ဂရန်ရရှိရေး ပြည်နယ်အစိုးရကကူညီပေးရမည် ဖြစ်ကြောင်း အစိုးရအဖွဲ့ တာဝန်ရှိသူတစ်ဦးက ပြောသည်။

Credit: 7Daydaily