ကမ္ဘာကျော်မျက်လှည့်ဆရာကြီး ဟူဒီနီ၏ နယူးယောက်နေအိမ် ဝယ်လက်ပေါ်လာပြီ

ကမ္ဘာကျော်မျက်လှည့်ဆရာကြီး ဟူဒီနီပိုင်ဆိုင်၊ နေထိုင်ခဲ့သည့် အမေရိကန်ပြည်ထောင်စု၊ နယူးယောက်မြို့၊ မန်ဟက်တန်အရပ်ရှိ နေအိမ်မှာ ယခုအခါ ဝယ်လက်ပေါ်ပေါက်လာပြီဖြစ်ကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ဟူဒီနီသည် အဆိုပါနေအိမ်တွင် ဇနီးဖြစ်သူ ဘက်စ်နှင့်အတူ ၁၉၂၆ ခုနှစ် သူကွယ်လွန်ချိန် အသက် ၅၂ နှစ်အရွယ်အထိ နေထိုင်သွားခဲ့သည်။
၁၉၀၄ ခုနှစ်တွင် ယင်းနေအိမ်ကို ကန်ဒေါ်လာ ၂၅၀၀၀ ဖြင့် ဝယ်ယူခဲ့ခြင်းဖြစ်ပြီး နောက်ဆုံးအရောင်းဈေးကွက်သို့ ရောက်ရှိခဲ့သည်မှာ ကန်ဒေါ်လာ ၃ ဒသမ ၆ သန်းဖြင့် ဖြစ်သည်။

အဆိုပါဈေးနှုန်းမှာ စတင်ဈေးကွက်တင်ခဲ့သည့် ဈေးနှုန်းအောက် ကန်ဒေါ်လာ ၁ သန်းခန့် နည်းပါးနေပြီး ၂၀၁၇ ခုနှစ်၊ ဇွန်လအတွင်းက ကန်ဒေါ်လာ ၄ ဒသမ ၆ သန်းဖြင့် ဈေးခေါ်ခဲ့ခြင်း ဖြစ်သည်။

အနောက် ၁၁၃ လမ်းတွင် တည်ရှိပြီး နေအိမ်အကျယ်အဝန်းမှာ ၆၀၀၈ စတုရန်းပေ ရှိကာ ပြီးခဲ့သော ဒီဇင်ဘာလ ၃၀ ရက်က စာချုပ်ချုပ်ခဲ့ကြသည်ဟု ဆိုသည်။

ဝယ်လက်မည်သူဖြစ်သည်ဟူသည်နှင့် ဈေးနှုန်းမည်မျှဖြင့် အရောင်းအဝယ်ဖြစ်ခဲ့သည်ဟူသည်များကိုမူ မသိရချေ။နေအိမ်အတွင်းတွင် မူလပါရှိသည့် ပစ္စည်းအများစုမှာ ယခင်အတိုင်းဆက်လက်တည်ရှိဆဲဖြစ်သည်။

နေအိမ်ကို ၁၈၉၀ ပြည့်နှစ်တွင် ဆောက်လုပ်ခဲ့ပြီးနောက် အနည်းငယ်သာ လက်ပြောင်းလက်လွှဲဖြစ်ခဲ့သည်။လက်ရှိပိုင်ရှင်များက မိသားစု ၃ ခုနေထိုင်နိုင်သည့် နေအိမ်အဖြစ် ပြောင်းလဲခဲ့ပြီး တတိယထပ်ကို အိပ်ခန်း ၂ ခန်းပါ လူနေခန်းအဖြစ်ပြောင်းလဲခဲ့သည်။

ခြံဝန်းအတွင်း ပန်းဥယျာဉ်တစ်ခုပါဝင်ပြီး မျက်နှာကြက်များမှာ ခဲမဖြူဖြင့် ပြုလုပ်ထားခြင်းဖြစ်ကြောင်း အရောင်းဈေးကွက်တင်ခဲ့သည့် Douglas Elliman ကုမ္ပဏီမှ အိမ်ခြံမြေအကျိုးဆောင် မစ္စတာ ဒီထရီယာ ဒါဗူက ပြောကြားသည်။

ဟူဒီနီ၏ အမည်ရင်းမှာ ဟယ်ရီ ဟူဒီနီဖြစ်ပြီး ဟန်ဂေရီဖွား ၊ အမေရိကန်မျက်လှည့်ဆရာကြီးဖြစ်ကာ ၁၈၇၄ ခုနှစ်၊ မတ်လ ၂၄ ရက်တွင် မွေးဖွားပြီး ၁၉၂၆ ခုနှစ်၊ အောက်တိုဘာလ ၃၁ ရက်တွင် ကွယ်လွန်ခဲ့သည်။

အချုပ်အနှောင်များမှ ဖြည်ထွက်ပြသည့် ပြကွက်ဖြင့် နာမည်ကျော်သည်။
ဥရောပတစ်ခွင် လှည့်လည်မျက်လှည့်ပြခဲ့စဉ်အတွင်းတွင်လည်း ရဲတပ်ဖွဲ့ဝင်များကို အချုပ်အနှောင်များမှ ထွက်ပြမည်ဟု စိန်ခေါ်ခဲ့ဖူးသည်။

ထို့အပြင် အထင်ရှားဆုံးဖြစ်ရပ်မှာ လန်ဒန်အခြေစိုက် ကမ္ဘာကျော် Daily Mirror သတင်းစာကြီး၏ စိန်ခေါ်မှုကို လက်ခံကာ ၎င်းတို့၏ ရှေ့မှောက်တွင် အချုပ်အနှောင်များမှ အလွတ်ရုန်းထွက်ပြခဲ့ခြင်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)