ချက်စ်နောရစ်၏ နေအိမ် (ကမ္ဘာကျော်ပုဂ္ဂိုလ်တို့၏ နေအိမ်များ)

အမေရိကန်ပြည်ထောင်စု၊ တက္ကဆပ်ပြည်နယ်၊ ဒါးလက်စ်မြို့၏ မြောက်ဘက် Northwood Hills အရပ်တွင် ကမ္ဘာကျော် အက်ရှင်သရုပ်ဆောင် ချက်ခ် နောရစ် ပိုင်ဆိုင်ခဲ့ဖူးသော နေအိမ်ကြီးတစ်လုံး ရှိလေသည်။

ယင်းနေအိမ်ကြီးကို မြေထဲပင်လယ်ယာတောဟန်ဖြင့် ဆောက်လုပ်ထားပြီး ၂၀၁၃ ခုနှစ်အတွင်းက ကန်ဒေါ်လာ ၁ ဒသမ ၂ သန်းဖြင့် အရောင်းဈေးကွက်တင်ခဲ့ဖူးပြီး ယခုအခါတွင်မူ အဆိုပါနေအိမ်၏ သတင်းများ မကြားရချေ။

နေအိမ်မှာ လုံခြုံရေးအလွန်ကောင်းမွန်လှပြီး ဖောက်ထွင်းဝင်ရောက်မည့် ဒုစရိုက်သမားများပင်လျှင် နှစ်ကြိမ်ပြန်စဉ်းစားရစေမည့် နေအိမ်ဖြစ်သည်ဟု ဆိုသည်။

နေအိမ်အတွင်း အိပ်ခန်း ၄ ခန်း၊ အလေးမခန်းတစ်ခန်း၊ ရေချိုးခန်း ၇ ခန်း၊ အိမ်တွင်းရုပ်ရှင်ရုံတို့ ပါဝင်သည့်အပြင် ခြံဝန်းအတွင်း အခြားအဆောက်အအုံတစ်လုံးလည်း ပါဝင်ကာ ယခင်ကမူ "Walker" ဇာတ်လမ်းတွဲရိုက်ကူးစဉ်က စတူဒီယိုအဖြစ် အသုံးပြုခဲ့သည်။

အဆိုပါဇာတ်လမ်းတွဲကို CBS ရုပ်သံလိုင်းမှတဆင့် ၁၉၉၃ ခုနှစ်မှ ၂၀၀၁ ခုနှစ်အထိ ထုတ်လွှင့်ပြသခဲ့သည်။အကျယ်အဝန်းမှာ စတုရန်းပေ ၇၃၆၂ ခန့်အထိ ရှိသည်။

ချက်နောရစ်စ်သည် အမဲလိုက်ရာတွင် တစ်ဦးတည်းအမဲလိုက်ဖွယ်ရှိသော်လည်း ဈေးဝယ်လျှင်မူ တစ်ဦးတည်းမဝယ်ချေ။ အဆိုပါနေအိမ်ကို ချက်ခ် နောရစ်စ်နှင့် အစ်ကိုဖြစ်သူ အာရွန်နောရစ်နှင့်အတူ ဝယ်ယူခဲ့ခြင်းဖြစ်သည်။
နောရစ်နှင့် ၎င်း၏ဇနီးတို့သည် ဤဒေသတွင် အခြားနေအိမ်များလည်း ပိုင်ဆိုင်ထားသေးသည်ဟု ဆိုသည်။

နေအိမ်အတွင်း ဧည့်ခန်းနံရံတွင် ချက်ခ်နောရစ်စ် ပစ်ခတ်ဖမ်းဆီးခဲ့သော တိရ စ္ဆာန်တို့၏ ဦးချိုများ ချိတ်ဆွဲထားသည်ကိုလည်း တွေ့ရသည်။
ချက်ခ်နောရစ်သည် ရေကန်သို့ အစားအစာများ ယူဆောင်စားသောက်လေ့ရှိပြီး အစာစားခြင်းနှင့် ရေကူးခြင်းကို တလှည့်စီပြုလုပ်လေ့ရှိသည်ဟု ဆိုသည်။
ချက်ခ်နောရစ်သည် ရေပန်းများထက် ရေစိမ်ကန်များကိုသာ ပိုမိုနှစ်သက်ပြီး အကြောင်းကား သူကြောက်ရွံ့သည့် တစ်ခုတည်းသောအရာမှာ ဆံပင်ကို ရေစိုမည်စိုးခြင်း ဖြစ်သည်ဟု ဆိုသည်။

ချက်ခ် နောရစ်စ်၏ အမည်ရင်းမှာ ကားလော့စ် ရေး နောရစ်ဖြစ်ပြီး အမေရိကန် ကိုယ်ခံပညာရှင်၊ ရုပ်ရှင်သရုပ်ဆောင်၊ ရုပ်ရှင်ထုတ်လုပ်သူ၊ ဇာတ်ညွှန်းရေးဆရာတစ်ဦးဖြစ်ကာ ၁၉၄၀ ပြည့်နှစ်၊ မတ်လ ၁၀ ရက်တွင် မွေးဖွားသည်။
အမေရိကန်လေတပ်တွင် တာဝန်ထမ်းဆောင်ပြီးနောက်ပိုင်း ကိုယ်ခံပညာရှင်အဖြစ် နာမည်ကျော်လာခဲ့ကာ ချန်ပီယံဆုပေါင်းများစွာ ရရှိခဲ့သည်။ယင်းနောက်ပိုင်း သူ၏ကိုယ်ပိုင် ကိုယ်ခံပညာသင်တန်းကျောင်းဖြစ်သော Chun Kuk Do ကို ဖွင့်လှစ်ခဲ့သည်။

ရုပ်ရှင်ဇာတ်ကားများစွာတွင် ပါဝင်သရုပ်ဆောင်ခဲ့သည့်အနက် Good Guys Wear Black, The Octagon, Lone Wolf McQuade, Code of Silence, the Missing in Action trilogy, The Delta Force ဇာတ်ကားများမှာ နာမည်ကျော်သည်။

Way of the Dragon ဇာတ်ကားမှာ ဘရုစ်လီနှင့် ပူးတွဲသရုပ်ဆောင်ခဲ့မှုဖြင့် များစွာကျော်ကြားလူသိများသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)