တရုတ်အစိုးရက ပြည်ပအိမ်ခြံမြေဝယ်ယူမှုများကို တင်းကျပ်လာလျက်ရှိချိန်တွင် ဖိုဆန်ကုမ္ပဏီက သြစတေးလျရှိ ရုံးခန်းတာဝါကို ကန်ဒေါ်လာ သန်း ၁၀၀ ကျော်ဖြင့် ရောင်းထုတ်

ပြည်တွင်း သွင်းအားစုများ ပြည်ပသို့ စီးထွက်ခြင်းတားဆီးရန်အတွက် တရုတ်အစိုးရက ပြည်ပအိမ်ခြံမြေကဏ္ဍတွင် ရင်းနှီးမြှုပ်နှံမှုများကို တင်းကျပ်လာလျက်ရှိရာ ပြည်မကြီးအခြေစိုက် ဖိုဆန်ကုမ္ပဏီက သြစတေးလျနိုင်ငံ၊ ဆစ်ဒနီရှိ ရုံးခန်းတာဝါတစ်ခုကို သြစတေးလျဒေါ်လာ သန်း ၁၅၀ (ကန်ဒေါ်လာ ၁၁၅ သန်း) ဖြင့် ရောင်းထုတ်လိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ဖိုဆန်ကုမ္ပဏီက အဆိုပါတာဝါကို ၂၀၁၅ ခုနှစ်အတွင်း ဝယ်ယူထားခဲ့ခြင်းဖြစ်ပြီး ဝယ်ယူခဲ့စဉ်က သြစတေးလျဒေါ်လာ ၁၁၆ ဒသမ ၅ သန်းပေးခဲ့ရသည်။
ဖိုဆန်ကမူ ယခုအရောင်းအဝယ်မှာ သာမန်အိမ်ခြံမြေအရောင်းအဝယ်လှုပ်ရှားမှုတစ်ခုသာဖြစ်ကြောင်း ထုတ်ဖော်ပြောကြားထားသည်။

ဖိုဆန်သည် ပြီးခဲ့သောလအတွင်းကလည်း လန်ဒန်ရှိ တာဝါတစ်ခုကို ပေါင် ၁၀၅ သန်း ( ကန်ဒေါ်လာ သန်း ၁၄၀) ဖြင့် ရောင်းထုတ်ခဲ့ပြီးဖြစ်သည်။
တရုတ်အစိုးရသည် ပြည်တွင်းကုမ္ပဏီကြီးများဖြစ်သော ဖိုဆန်၊ အန်ဘန်နှင့် ဒါလျန်း ဝမ်းဒါး၊ အိပ်ခ်ျအန်အေ ဂရုပ်တို့၏ အိမ်ခြံမြေဝယ်ယူမှုများကို အဓိကတင်းကြပ်ခဲ့သည်။

ပြည်တွင်းသွင်းအားစုများ ပြည်ပသို့ စီးထွက်ခြင်းအား တင်းကြပ်ခဲ့ရာတွင် အဓိကအားဖြင့် အိမ်ခြံမြေ၊ ဟိုတယ်၊ ဖျော်ဖြေရေးနှင့် အားကစားကဏ္ဍများတွင် ပြည်ပ၌ ရင်းနှီးမြှုပ်နှံခြင်းများကို တင်းကြပ်ခဲ့ခြင်း ဖြစ်သည်။

“ ဖိုဆန်ဟာ ပြည်ပရင်းနှီးမြှုပ်နှံမှုတွေကို အစိုးရရဲ့ လမ်းညွှန်ချက်၊ လုပ်ထုံးလုပ်နည်းတွေအတိုင်းပဲ ဆက်လက်လုပ်ဆောင်သွားမှာ ဖြစ်ပါတယ်” ဟု အဆိုပါကုမ္ပဏီ၏ ထုတ်ပြန်ချက်တစ်ရပ်တွင် ဖော်ပြသည်။

ဖိုဆန်သည် ၂၀၁၅ ခုနှစ်အတွင်း ဆစ်ဒနီမြို့၊ မေလာလမ်း၊ အမှတ် ၇၃ ရှိ အဆောက်အအုံကို ဝယ်ယူကာ ဆစ်ဒနီ၏ အိမ်ခြံမြေလောကသို့ စတင်ဝင်ရောက်ခဲ့သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)