မန္တလေးမြို့တွင်း အိမ်ခြံမြေငှားရမ်းခ ၂၀၁၈ မှာ မြင့်တက်ဖွယ်ရှိဆို

မန္တလေးမြို့တွင်း အိမ်ခြံမြေ အငှားဈေးကွက်က လာမယ့် ၂၀၁၈ ခုနှစ်မှာ ခါတိုင်းနှစ်တွေထပ် ငှားရမ်းခ ပိုမိုမြင့်မားလာဖွယ်ရှိတယ်လို့ အကျိုးဆောင် အချို့က ခန့်မှန်းပြောဆိုပါတယ်။

နှစ်စဉ် ဇွန်၊ ဇူလိုင်လဆန်းကနေ နိုဝင်ဘာလ၊ ဒီဇင်ဘာလ အထိ ကာလတွေဟာ မန္တလေးအိမ်ခြံမြေရောင်းဝယ်ငှားရာသီဖြစ်ပြီး သည်နှစ်ပိုင်းတွေမှာ မန္တလေးအိမ်ခြံမြအငှားဈေးကွက်ရဲ့ ငှားရမ်းခနှုန်းဟာ တစ်နှစ်ထက်တစ်နှစ် ပိုမိုမြင့်မားတယ်။

၂၀၁၇ ခုနှစ်ဟာ ယခင်၂၀၁၆ ခုနှစ်ကထက်စာရင် အငှားသွက်သလို ဈေးနှုန်းလည်းမြင့်မားတယ်။ ၂၀၁၈ ခုနှစ်မှာတော့ ငှားရမ်းခတွေ သည်ထက်ပိုမိုမြင့်မားမယ်လို့ အကျိုးဆောင်လုပ်ငန်းအချို့က ခန့်မှန်းပါတယ်။

အကျိုးဆောင်ဦးမြင့်မောင်က ‘ အငှားဈေးကွက်ကတော့ ဈေးကက်လိုအပ်ချက်အရရော နောက်တစ်ခုက အငှားလိုင်စင်ဆိုတာရှိတယ်၊ အဲဒီအတွက် ဈေးကွက်နေမှာပဲ၊ ဈေးကွက်လိုအပ်ချက်က အရမ်းများတယ်။ မန္တလေးအိမ်ခြံမြေက နေရာကောင်းအကွက်ကျမယ်ဆိုရင် ငှားချင်တဲ့သူပဲရှိတယ်။ ငှားမယ့်သူသိပ်မရှိဘူး၊ အားလုံးခြုံပြောရင်တော့ဈေးကွက်က နဂိုထက်ပိုမိုတိုးလာဖို့ပဲရှိတယ် ’ လို့ ပြောပါတယ်။

အိမ်ပိုင်ရှင်က အိမ်ငှားပိုင်ခွင့် လုပ်ငန်းလိုင်စင်ကို ၂၀၁၇-၂၀၁၈ ဘဏ္ဍာနှစ်မှစပြီး သတ်မှတ်စည်းကမ်းချက်များနဲ့ အညီလျှောက်ထားပြုလုပ်ဖို့ မန္တလေးမြို့တော် စည်ပင်သာယာရေးကော်မတီက ကြေညာချက်ထုတ်ပြန်ထားတယ်။ အိမ်ငှားပိုင်ခွင့်လုပ်ငန်းလိုင်စင်ပြုလုပ်ရမှာဖြစ်ပြီး ယင်းလိုင်စင်အတွက် ပေးဆောင်ရမယ့်နှုန်းထားက ငှားရမ်းခရဲ့ ငါးရာခိုင်နှုန်းဖြစ်ပါတယ်။

အဆိုပါ လိုင်စင်ကြေးကြောင့်လည်း လာမယ့်နှစ်အတွက် အိမ်ငှားရမ်းခနှုန်းထားတွေ ယခင်နှစ်တွေနဲ့ယှဉ်ရင် ပိုမိုမြင့်မားလာမှာလို့ အကျိုးဆောင်အချို့က ခန့်မှန်ပြောကြပါတယ်။

နေရာအကွက်အကွင်းကောင်းမွန်ပြီး စီးပွားရေးအရ လုပ်ကိုင်လို့ကောင်းမယ့် မြေနေရာတွေအပြင် ရုံးခန်း၊ သင်တန်း၊ ကျောင်း၊ လူနေထိုင်ဖို့ ငှားရမ်းတဲ့ အိမ်ငှားရမ်းခတွေလည်း မြင့်တက်လာနိုင်ပါတယ်။ လတ်တလောဈေးကွက်မှာတော့ မန္တလေးမြို့ရဲ့ အဓိကအချက်အချာကျနေရာက မြေတွေ အငှားသွက်နေသလို ကျန်တဲ့ အခြားနေရတွေရှိမြေကွက်အသင့်အတင့် ကျယ်ဝန်းတဲ့ နေရာတွေမှာလည်း အငှားဈေးကွက်ကောင်းမွန်နေပါတယ်။

Credit: The Kumudra