သီလဝါ စီးပွားရေးဇုန်နှင့် ဆက်စပ်သည့် လယ်မြေ ၆ဝ၆ ဧကအနက် ဦးပိုင်မှ ဒုတိယအကြိမ် အဖြစ် ၆၈ ဧကအား လျော်ကြေးပေးမည်

သီလဝါစီးပွားရေးဇုန်နှင့် ဆက်စပ်မြေ နေရာဖြစ်သော လယ်မြေ ၆ဝ၆ ဧကအနက် ဦးပိုင်မှ ဒုတိယအကြိမ်အဖြစ် ၆၈ ဧကအား ဒီဇင်ဘာလအတွင်း ပေးလျော်သွားမည်ဖြစ် ကြောင်း လယ်ယာလျော်ကြေးရရှိမည့် ဒေသခံများထံမှသိရသည်။

အဆိုပါ မြန်မာ့စီးပွားရေး ဦးပိုင်လီမိတက်မှ သီလဝါစီးပွားရေးဇုန်နှင့် ဆက်စပ်မြေဖြစ် သော လယ်မြေ ၆ဝ၆ ဧကအနက်၊ ပထမအကြိမ်တွင် ဧကတစ်ရာအား ပေးလျော်ခဲ့ပြီးဖြစ်သလို ယခု ဒုတိယအကြိမ်အဖြစ် လယ် ၆၈ ဧကအား ဒီဇင်ဘာလအတွင်း ပေးလျော်ရန် စီစဉ်နေကြောင်းသိရသည်။

''လယ်ယာလျော်ကြေးကိစ္စက ၆၈ ဧက ကို ဒီဇင်ဘာပထမပတ်၊ ဒါမှမဟုတ် ဒုတိယပတ်ထဲမှာ နောက်ဆုံးထားပြီးပေးမယ်လို့ ဦးတို့ကို ဖုန်းဆက်အကြောင်းကြားတယ်။ ၆၈ ဧကအတွက်ကတော့ဦးတို့က ပြင်ဆင်ထား ပြီးပြီ။ လယ်သမားတွေရဲ့ ကိုယ်ရေးရာဇဝင် တွေ၊ မှတ်ပုံတင်တွေ၊ မိသားစုသန်းခေါင်စာ ရင်းတွေ၊ လယ်ယာမြေကိုရိုက်ပြီးတော့ သီးနှံ တွေနဲ့ရိုက်ပြီးတော့ တင်ပေးထားတဲ့ ဓာတ်ပုံ တွေနဲ့ဆိုတော့ အားလုံး အကုန်အဆင်ပြေသွား ပြီဆိုတော့ ပေးသွားမှာပါ။ ပေးဖို့ကျန်တဲ့လယ်ယာတွေကိုလဲ ထပ်ပြီးရိုက်တင်ဖို့ပြောနေပြီ'' ဟု သီလဝါအထူးစီးပွားရေးဇုန်ထဲတွင် ပါဝင်သည့် ကျောက်တန်းမြို့နယ် သီတာမြိုင် ကျေးရွာနေ လယ်သမားကြီးဦးအေးဌေးက ပြောသည်။

သီလဝါစီးပွားရေးဇုန်နှင့် ဆက်စပ်လယ် မြေဧက ၆ဝ၆ ဧကအား ဦးပိုင်မှ သိမ်းယူခဲ့သည့် ဧကတစ်ရာကို ကနဦးလျော်ကြေးငွေအဖြစ် တစ်ဧကလျှင် ကျပ်သိန်းနှစ်ရာ့ငါးဆယ် နှုန်းဖြင့်၂ဝ၁၇ ခုနှစ် ဧပြီလအတွင်၌ပေးလျော်ခဲ့ကြောင်း သိရသည်။

ထိုသို့သိမ်းယူခဲ့သည့် လယ်မြေဧက ၆ဝ၆ ဧကမှာ သီတာမြိုင်ရပ်ကွက်နေ လယ်သမားတချို့ပိုင်ဆိုင်သည့် လယ်မြေဧကများသာ ဖြစ်ပြီး အဆိုပါရပ်ကွက်မှ လယ်သမားများပိုင်ဆိုင်သည့် လယ်မြေဧကပေါင်းမှာ ဧက လေးထောင်ခန့်ရှိကြောင်း သိရသည်။

သီတာမြိုင်ကျေးရွာမှ လယ်သမားကြီးများပိုင်ဆိုင်သည့် လယ်မြေဧကမှာ ဧကလေး ထောင်ရှိပြီး ယင်းဧကများအား လေးပိုင်းခွဲကာသိမ်းယူခဲ့ပြီး ထိုသို့သိမ်းယူခဲ့သူများမှာ မြန်မာ့စီးပွားရေးဦးပိုင်မှ ၆ဝ၆ ဧက၊ ၂ဝ၁၄- ၂ဝ၁၅ တွင် မြန်မာ့ဆိပ်ကမ်းအာဏာပိုင်မှ ဧက ၂၈ဝ အား လျော်ကြေးရခဲ့ပြီး မွေးမြူရေးဇုန်ထဲတွင် ဧက ၁၃ဝဝ နှင့် ကျန်မြေများဖြစ်သည့် သီလဝါစက်မှုဇုန်ထဲတွင် ပါဝင်သွားခြင်းဖြစ် ကြောင်းသိရသည်။

Credit: Yangon Media Group