လုပ်ငန်းလုပ်ခွင့်ရလယ်ယာမြေ ခြောက်လအတွင်း အသုံးမပြုလျှင် ပြန်သိမ်းယူနိုင်ကြောင်း ဝန်ကြီးပြော

လုပ်ကိုင်ခွင့်ရသည့် လယ်ယာမြေများကို ခြောက်လ အတွင်း အသုံးမပြုပါက ဗဟို လယ်ယာမြေစီမံခန့်ခွဲမှု အဖွဲ့က ပြန်လည်သိမ်းယူနိုင်ကြောင်း ရန် ကုန်တိုင်းဒေသကြီး စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီး ဦးဟံထွန်းက ပြော ကြားသည်။

လယ်ယာမြေဥပဒေ ပုဒ်မ ၃၁ အရ အခြားနည်းအသုံးပြုရန် ခွင့်ပြုချက်ရရှိပြီးနောက် ခွင့်ပြု သည့်နေ့ရက်မှ ခြောက်လအတွင်း လယ်ယာမြေကို သတ်မှတ်သည့် နည်းလမ်းအတိုင်း စတင်အသုံးမပြုလျှင်သော်လည်းကောင်း၊ သတ်မှတ်ကာလအတွင်း လုပ်ငန်းပြီးစီးခြင်းမရှိလျှင်သော်လည်း ကောင်း ဗဟိုလယ်ယာမြေစီမံခန့် ခွဲမှုအဖွဲ့သည် ယင်းလယ်ယာမြေ ကို ပြန်လည်သိမ်းယူနိုင်ကြောင်း ဝန်ကြီးကပြောသည်။

‘‘ရန်ကုန်တိုင်းအတွင်းမှာ လယ်ယာမြေတွေကို ပုဂ္ဂလိက လုပ်ငန်းရှင်များက တခြားနည်း တွေနဲ့ အသုံးပြုခွင့်လျှောက်ထား ကြရာမှာ လယ်သမားတွေဆီက လယ်မြေတွေဝယ်ယူပြီး လုပ်ငန်း အမျိုးမျိုးကို လျှောက်ထားလာကြတယ်။ အဲဒီလို လျှောက်ထားမှု ကြောင့် မြေယာတွေ စိုက်ပျိုးနိုင် ခြင်းမရှိဘဲ ဆုံးရှုံးနေရပါတယ်’’ဟု ဦးဟံထွန်းကဆိုသည်။

မှော်ဘီမြို့နယ် တိုင်းဒေသ ကြီး လွှတ်တော်ကိုယ်စားလှယ် ဦးအောင်ဆန်းဝင်းက တစ်နိုင်တစ်ပိုင် အသေးစား၊ အလတ်စားလုပ် ငန်းများ ဆောင်ရွက်မည့် ပြည် သူများ၏ လျှောက်ထားမှုကို စနစ် တကျစိစစ်၍ ခွင့်ပြုပေးရန်နှင့် အမှန်တကယ် စိုက်ပျိုး၍ ရနိုင် သော လယ်ယာမြေကို အခြားသုံး စွဲခွင့်ရရှိထားသော်လည်း လုပ်ငန်း ဖော်ဆောင်မှုမရှိသည့် မြေများကို စည်းကမ်းဥပဒေနှင့်အညီ အ ရေးယူဆောင်ရွက်ရန် အောက်တိုဘာ ၁၉ ရက်က ပြုလုပ်သည့် ရန်ကုန်တိုင်းဒေသကြီး လွှတ်တော်အစည်းအဝေး၌ မေးမြန်းရာ ဝန်ကြီးက ဖြေကြားသည်။

မြို့နယ်လယ်ယာမြေစီမံခန့် ခွဲမှုအဖွဲ့အနေဖြင့် လယ်ယာမြေ ကို အခြားသုံးစွဲခွင့်ရှိသည့် လုပ် ငန်းဆောင်ရွက်မှု အခြေအနေ များကို စိစစ်ပြီး ခရိုင်လယ်ယာ မြေစီမံခန့်ခွဲမှုအဖွဲ့ထံ ခြောက်လ တစ်ကြိမ် စိစစ်တင်ပြနေကြောင်း ဝန်ကြီးကပြောသည်။ ခြောက်လ အတွင်း အကောင်အထည်ဖော် ခြင်းမရှိသော လယ်ယာမြေနှင့် အခြားသုံးစွဲခွင့် ရရှိထားသော လယ်ယာမြေများသည် ဗဟိုလယ် ယာမြေစီမံခန့်ခွဲမှုအဖွဲ့က အရေး ယူဆောင်ရွက်ရမည့် ကိစ္စရပ်ဖြစ် ကြောင်း ဦးဟံထွန်းက ပြော ကြားသည်။

လွှတ်တော်ကိုယ်စားလှယ် ဦးအောင်ဆန်းဝင်းက တစ်နိုင်တစ်ပိုင် အသေးစား၊ အလတ်စားလုပ် ငန်းများ လုပ်ဆောင်လိုသော ပြည်သူများ၏ လယ်ယာမြေ အခြားသုံးစွဲခွင့် လျှောက်ထားမှုကို စနစ် တကျ စိစစ်ခွင့်ပြုနိုင်ရန်လည်း မေးမြန်းခဲ့သည်။

‘‘တခြားသုံးစွဲခွင့်ရရှိထားတဲ့ မြေတွေကို သတ်မှတ်စည်းမျဉ်း စည်းကမ်းနဲ့အညီ လုပ်ငန်းဖော် ဆောင်ခြင်းမရှိဘဲ မြေဈေးကွက် အဆမတန်တက်အောင် လုပ် ဆောင်နေတာတွေလည်း ရှိပါ တယ်။ အဲဒီကိစ္စတွေရဲ့ နောက် ကွယ်မှာ ဌာနတချို့ရဲ့ အဂတိ လိုက်စားမှုတွေ ရှိနေတယ်လို့ ကြားသိရပါတယ်’’ဟု ၎င်းက လွှတ်တော်တွင် ပြောသည်။

ထို့အပြင် လယ်ယာမြေ အ ခြားနည်းသုံးပြုခွင့်ရန် လျှောက် ထားဆဲကာလတွင် တရားမဝင် အဆောက်အအုံ ဆောက်လုပ်မှု၊ လယ်ယာမြေဥပဒေပုဒ်မအရ ခွင့် ပြုချက်မရဘဲ လုပ်ငန်းလည်ပတ် နေသော လုပ်ငန်းရှင်များကို ဆောက်လုပ်ထားသော အ ဆောက်အအုံများကို ဖယ်ရှားရန် ဝန်ကြီးဌာနက ခန့်အပ်သည့် လယ်ယာမြေစီမံခန့်ခွဲမှုအဖွဲ့က အမိန့် ချမှတ်ရမည်ဟုပါရှိသည်။ ချမှတ် သည့်အမိန့်ကို လိုက်နာခြင်းမရှိ လျှင် အဆိုပါအဖွဲ့က သက်ဆိုင် ရာ တရားရုံးသို့ ဦးတိုက်လျှောက် ထားကာ တရားစွဲဆိုရန် စီစဉ် ဆောင်ရွက်ရမည်ဟု ဦးဟံထွန်း က ပြောသည်။

လယ်ယာမြေ အခြားနည်းအသုံးပြုခွင့်လျှောက်ထားရာတွင် အကျင့်ပျက်ခြစားမှု ကျူးလွန်နေ သော ဝန်ထမ်းများအား လယ်ယာ မြေဥပဒေအရ ဖွဲ့စည်းတာဝန်ပေးအပ်ခဲ့သော လယ်ယာမြေစီမံခန့်ခွဲမှုအဖွဲ့ကို အရေးယူဆောင်ရွက်၍ မရပါကြောင်းနှင့် ပြစ်မှုထင်ရှားပါက သက်ဆိုင်ရာဝန် ကြီးဌာနအလိုက် ဌာနဆိုင်ရာ စုံစမ်းစစ်ဆေးပြီး နိုင်ငံ့ဝန်ထမ်းဆိုင်ရာ ဥပဒေ၊ နည်းဥပဒေများနှင့် အညီ အရေးယူဆောင်ရွက်နိုင် ကြောင်း ၎င်းကဆိုသည်။

လယ်ဆည်ဝန်ကြီး အပါအ ဝင် သက်ဆိုင်ရာဌာနများမှ တာဝန်ရှိသူများပါဝင်သည့် ဗဟိုလယ် ယာမြေစီမံခန့်ခွဲမှုအဖွဲ့ကို ယခင် အစိုးရလက်ထက်ကတည်းက ဖွဲ့စည်းခဲ့ပြီး ရပ်ကျေး၊ မြို့နယ်၊ တိုင်းနှင့် ခရိုင်အလိုက် အဆင့်ဆင့် ဖွဲ့စည်းထားသည်။

Credit: 7Daydaily