အမွေပြတ်စွန့်လွှတ်ထားသည့် သားသမီးနှင့် ဆက်စပ်နေသော မြေနှင့်အိမ်ကို ၀ယ်မည်ဆိုလျှင်

''သတင်းစာထဲမှာ မကြာခဏတွေ့နေရတဲ့ သားသမီးအဖြစ်မှ အမွေပြတ်စွန့်လွှတ်ခြင်းဆိုပြီး ကြေညာရုံနဲ့ အမွေရပိုင်ခွင့် ဆုံးရှုံးသွားပြီလား''

ငယ်သူငယ်ချင်းဖြစ်သူတစ်ဦးက စာရေးသူထံ လာရောက်မေးမြန်းခြင်းဖြစ်ပါသည်။

''သားသမီးတွေနဲ့ ဘယ်လိုဖြစ်လာလို့လဲ''

ဇနီးဖြစ်သူမှာ မကြာမီကာလက ကွယ်လွန်သွားသဖြင့် သားသမီးများနှင့် ကတောက်ကဆတ်ဖြစ်လာပြီလားဟု အထင်ဖြင့်မေးလိုက်ခြင်း ဖြစ်သည်။

''မဟုတ်ပါဘူး။ သူငယ်ချင်းရယ်၊ အိမ်တစ်လုံးဝယ်တာ အရှုပ်အရှင်းရှိနေလို့''

''ဘယ်လိုဖြစ်လာလို့လဲ။ ဖြစ်စဉ် ပြောပါဦး''

''ဇနီးဖြစ်သူ မကွယ်လွန်မီကတည်းက ဝယ်ထားတဲ့ အိမ်ဆိုပါတော့၊ တစ်ထပ်တိုက်လည်းဖြစ်တော့ မြေနဲ့အိမ်ဆိုပြီး စရန်ငွေပေးထားခဲ့တယ်''

''အခုမှ ကန့်ကွက်တဲ့ သူကပေါ်လာတာလား။ စရန်ပေးစဉ်က သတင်းစာထဲမှာ ကန့်ကွက်ရန်ရှိမရှိ မကြေညာခဲ့ဘူးလား''

''သတင်းစာထဲတော့ မကြေညာမိဘူး''

''မြေက ဂရန်မြေလား၊ ရောင်းမယ်ဆိုတဲ့ သူရဲ့ အမည်ပေါက်ပဲလား''

''မြေကတော့ ဂရန်မြေပဲ၊ ဒါပေမယ့် အမည်ပေါက်က ကွယ်လွန်သွားတဲ့ မိဘတွေအမည်လို့ ပြောတယ်''

''ရောင်းမယ်ဆိုတဲ့ အိမ်မှာ ဘယ်သူနေလဲ''

''နေတဲ့သူက ရောင်းမယ်လို့ပြောတာ၊ မိသားစုနဲ့ နေတာတွေ့တာပဲ''

''မောင်နှမသားချင်းက ဘယ်နှယောက်ရှိလဲ၊ မိဘပိုင်မြေဆိုတော့ အမွေပစ္စည်းဖြစ်လာမယ်''

''အစကတော့ နှစ်ယောက်ရှိတယ်လို့ ပြောတာပဲ။ စရန်ငွေပေးစဉ်က သူ့ညီမဖြစ်သူလည်း ရောက်လာတယ်။ မောင်နှမနှစ်ယောက်လုံးက စရန်ငွေရရှိကြောင်း လက်မှတ်ရေးထိုး ပေးကြတယ်''

''အစကဆိုတော့ အခု မိသားစု ဝင်တစ်ယောက်ပေါ်လာလို့လား''

''ဟုတ်တယ်၊ အငယ်ဆုံးညီမက သူလည်း အမွေဆိုင်ဖြစ်တယ်ဆိုပြီး ကန့်ကွက်တယ်လို့ သိရတယ်''

''ဘယ်မှာ ကန့်ကွက်စာတွေ တင်ထားတယ်လို့ သိရသလဲ''

''ရပ်ကွက်အုပ်ချုပ်ရေးမှူးရုံးမှာ တိုင်တယ်လို့ပြောပါတယ်။ ဒါကြောင့် မောင်နှမသုံးဦးကို ရပ်ကွက်အုပ်ချုပ်ရေးမှူးရုံးမှာ ခေါ်တွေ့ညှိနှိုင်းပြီး အဆင်မပြေလို့ အရောင်းအဝယ် ခဏရပ်ထားဖို့ လာပြောပါတယ်''

''ကန့်ကွက်တဲ့ သူက မောင်နှမအရင်း ဟုတ်ရဲ့လား။ ကိတ္တိမမွေးစားသမီး ဖြစ်နေပါဦးမယ်''

''မွေးစားသမီးတော့ မဟုတ်ဘူး''

''ဒါဆိုဘာအကြောင်းပြချက်နဲ့ ကန့်ကွက်တာလဲ''

''ကျန်တဲ့ မောင်နှမနှစ်ယောက်ရဲ့ ပြောစကားအရတော့ မိဘများ သက်ရှိထင်ရှားရှိစဉ်ကတည်းက အငယ်ဆုံးသမီးကို အမွေစားအမွေခံ သမီးအဖြစ်မှ အပြီးအပြတ်စွန့်လွှတ် ကြောင်း ကြေညာထားတယ်လို့ ပြောတယ်''

''ဒါကြောင့် အမွေရပိုင်ခွင့်မရှိဘူး။ မပေးနိုင်ဘူးပေါ့။ ဒီလိုနဲ့ အရောင်းအဝယ်ရပ်သွားပြီး သူငယ်ချင်းက လောလောဆယ် စရန်ငွေဆုံးရှုံးရတော့မလို ဖြစ်နေတာပေါ့''

''ဒါကြောင့် ဒီလိုကိစ္စရပ်မျိုးမှာ ဘယ်လိုဖြစ်လာနိုင်သလဲလို့ လာဆွေးနွေးတာ''

''မြန်မာ့ဓလေ့ထုံးတမ်းဥပဒေအရတော့ ဗုဒ္ဓဘာသာဝင် မိသားစုများမှာ သားသမီးများသည် မိဘအပေါ်သားသမီးတို့ မပြုလုပ်သင့်သည့် ဆန့်ကျင်ဘက်အပြုအမူများ ပြုကျင့်လျှင် အမွေခံစားခွင့် ဆုံးရှုံးတယ်လို့ ဖော်ပြထားတယ်''

''သွာနုတ္တသားသမီးလို့ ကြေညာတာလည်း တွေ့ရတယ်။ အဲဒါက ဘယ်လိုလဲ''

''သုံးဆယ့်ခြောက်စောင်တွဲ ဓမ္မသတ်ထဲမှာတော့ မိဘအမွေမဆက်ခံထိုက်တဲ့ သားသမီး ခြောက်မျိုးဖော်ပြထားတယ်။ ခေတ်အဆက်ဆက် ပြောင်းလဲလာတဲ့ လူ့စရိုက်ဓလေ့အရ သွာနုတ္တ (မိဘစကားကို နားမထောင်၊ ခွေးနှင့်တူသော သားသမီး) ဆိုတဲ့ အချက်ပဲ လက်ခံကျင့်သုံးနေတာဖြစ်တယ်''

''အဲဒီလို မိဘတွေက ကြေညာလိုက်ရုံနဲ့ တရားဝင်သွားပြီလား''

''အမှန်တကယ် ဆိုးသွမ်းပြီး မိဘအပေါ် မပြုမူသင့်တဲ့အရာကို ပြုမူတယ်ဆိုတဲ့ အချက်ကတော့ အ လွယ်တကူပြောဆို လက်ခံနိုင်တဲ့ ကိစ္စရပ်မျိုး မဟုတ်ဖူးလေ''

''ဒါဆိုရင် အမှုအခင်းဖြစ်နိုင်တာပေါ့နော်''

''မှန်ပါတယ်။ မိဘစကားနားမထောင်၊ ခွေးနှင့်တူသောသားသမီးဆိုတာကို တရားရုံးမှာပဲ စုံစမ်းစစ်ဆေး အတည်ပြုဆုံးဖြတ်နိုင်မှာပဲဖြစ်တယ်''

''သားသမီးတို့ ပြုဖွယ်ဝတ္တရား ပျက်ကွက်ရင် အမွေဆက်ခံခွင့် ဆုံးရှုံးတယ်ဆိုတာ ဟုတ်သလား''

''မိဘများကို သာစဉ်နာစဉ်ပြုစု စောင့်ရှောက်ရမှာသိလျက်နဲ့ တမင် ရည်ရွယ်ပျက်ကွက်တာမျိုးကို ဆိုလိုတယ်လို့ အကြမ်းဖျင်း မှတ်ထားလို့ရပါတယ်။ အသေးစိတ်ကတော့ ဥပဒေကြောင်းအရ ကျယ်ပြန့်တယ်သူငယ်ချင်း''

''မိဘရဲ့ သဘောမတူသူနဲ့ အိမ်ထောင်ပြုလို့ အမွေပြတ်ကြေညာတာလည်း ရှိတယ်မဟုတ်လား''

''ဒီတစ်ခုတည်းနဲ့တော့ သွာနုတ္တသားသမီးလို့ သတ်မှတ်လို့မရဘူး။ သူငယ်ချင်းကို ရှင်းအောင်ပြောရရင် မိဘသြဇာကို မနာခံ၊ မိဘအားတော်လှန်ပြီး ရန်သူသဖွယ် ပြုကျင့်သည့် သားသမီးကို သွာနုတ္တသားသမီး (ခွေးနှင့်တူသော သားသမီး) ဟုဆိုသည်။ ထိုသားသမီးမျိုးသည် သားသမီးတို့၏ ကျင့်ဝတ်ပျက်ပြားသည်ဖြစ်ရာ မိဘ၏အမွေကို မဆက်ခံနိုင်ပေ။ သို့ရာတွင် တရားရုံး၌ သားသမီးတစ်ဦးသည် မိဘအားရန်သူသဖွယ်ပြုမူ ကြောင်း ထင်ရှားစွာပြသရမည်ဟု ဦးဖိုးဦးနှင့် မောင်အေးမောင်၊ ၁၁ ရန် ကုန်စီရင်ထုံး စာမျက်နှာ - ၃၉ မှာ ဖော်ပြဆုံးဖြတ်ထားတာကို တွေ့ရတယ်''

''ဒါဆို တရားရုံးရဲ့ ဆုံးဖြတ်ချက်က အဓိကပဲပေါ့''

''မှန်ပါတယ်။ သူငယ်ချင်းရဲ့ကိစ္စမှာ တရားရုံးရောက်ရှိအမှုဆိုင်ရမယ့် ကိစ္စမျိုးဖြစ်တယ်။ စရန်ငွေ ပြန်ပေးရင် ယူထားလိုက်ပါ''လို့ပဲ အကြံပြု ဆွေးနွေးလိုက်ပါသည်။


Credit: ထီယု (ဥပဒေအတိုင်ပင်ခံ)