ဝါသနာနဲ့တစ်ထပ်တည်းကျတည်း စီးပွားရေးလုပ်ငန်းမျိုးကို လူအများစုက လုပ်ချင်တတ်ကြပါတယ်။ သင် စိတ်ပါဝင်စားတဲ့အလုပ်တွေကို လုပ်ကိုင်ရင်း ၀င်ငွေရနေတာက အလုပ်အတွက်ရော ဘ၀အတွက်ပါ အချိန်တွေ သီးသန့်ခွဲခြားပေးစရာမလိုပဲ လုပ်နိုင်မှာဖြစ်ပါတယ်။ ဒီလို အလုပ်မျိုးလုပ်နိုင်ဖို့ကြိုးစားကြရင်းနဲ့ပဲ အများစု အောင်မြင်မှုမရသေးပဲ လက်လျှော့သွားတတ်ကြပါတယ်။
အကောင်းဆုံးကြိုးစားအားထုတ်ပေမယ့်လည်း ထင်သလောက်အကျိုးရလဒ်ပြန်မရတဲ့အခါမှာ စိတ်ပျက်စရာကောင်းတာကတော့ အမှန်ပါပဲ။ ဒီအတွက် အလုပ်ဖြစ်စေမယ့် နည်းဗျူဟာ(၅)ခုရှိပါတယ်။
၁။ ဖြစ်နိုင်တယ်ဆိုတာကို သိမှတ်ယုံကြည်ပြီး အစပြုပါ။
အလုပ်တစ်ခုလုပ်တော့မယ်ဆိုရင် စိတ်နေစိတ်ထား ခံယူချက်နဲ့ပတ်သက်ပြီး ကြားဖူးနားဝရှိမှာ သေချာပါတယ်။ ဒါပေမယ့် သင့်ဘ၀မှာ ရည်မှန်းချက်တွေတကယ်ဖြစ်လာနိုင်တယ်ဆိုတာကို ယုံကြည်မှုမရှိဘူးဆိုရင် သင်ဘာကိုမှ ဖြစ်အောင်လုပ်နိုင်မှာ မဟုတ်ပါဘူး။ သင်အမှန်တကယ်စိတ်ပါဝင်စားတဲ့ အကြောင်းကိစ္စတစ်ခုနဲ့ ပတ်သက်ပြီး လုပ်ငန်းတည်ထောင်တတ်ဖို့ လိုပါတယ်။ သင့်ရဲ့စိတ်က ဖြစ်အောင်လုပ်ဖို့ ရည်ရွယ်ထားရင် တကယ်ဖြစ်အောင်လုပ်နိုင်တဲ့ စွမ်းအားသတ္တိတွေ ရှိပါတယ်။ ဒါ့ကြောင့် တကယ်ဖြစ်ချင်တဲ့စိတ်ကို အခိုင်အမာဆုပ်ကိုင်ထားပြီး ဖြစ်အောင်လုပ်ဆောင်ရမှာဖြစ်ပါတယ်။ ဒီလိုမဟုတ်ပဲ ဖြစ်အောင်လုပ်ဖို့ ခိုင်မာတဲ့ယုံကြည်မှုမရှိဘူးဆိုရင် ဘာတစ်ခုမှ ရှေ့ဆက်နိုင်မှာ မဟုတ်ပါဘူး။
၂။ အဓိကပေးချင်တဲ့အချက်ကို ရှင်းလင်းပါစေ။
လူအများစုက သူတို့ရဲ့စီးပွားရေးလုပ်ငန်းနဲ့ပတ်သက်ပြီး ၀င်ငွေမရကြတာဟာ သူတို့လုပ်ငန်းကနေ ဘယ်လိုအကျိုးကျေးဇူးတွေ ရရှိနိုင်မလဲဆိုတာကို သုံးစွဲသူတွေက နားမလည်ကြလို့ ဖြစ်ပါတယ်။ တစ်စုံတစ်ယောက်က သင့်ဆီမှာ ငွေကုန်ကြေးကျခံရဖို့ အကြောင်းရင်းကို နားမလည်ရင် ငွေကုန်ခံမှာ မဟုတ်ပါဘူး။ ဒါ့ကြောင့် သုံးစွဲသူတစ်ယောက်က သင့်ရဲ့Websites ကို လာကြည့်ပြီဆိုတာနဲ့ ဘယ်လိုကိစ္စတွေမှာ သူတို့အတွက် အထောက်အကူဖြစ်ပြီး အဆင်ပြေစေနိုင်မယ်ဆိုတာကို ရှင်းရှင်းလင်းလင်း သိသွားအောင် လုပ်ဖို့လိုပါတယ်။ ဒီလို သိသွားအောင်လုပ်ဖို့အတွက် သင့်မှာ အချိန်(၇)စက္ကန့်ကနေ (၃၇)စက္ကန့်အထိ ရပါတယ်။ ဒီအတွင်းမှာ သုံးစွဲသူအနေနဲ့တစ်ခုခုရသွားအောင် လုပ်ပေးနိုင်ရမှာ ဖြစ်ပါတယ်။
၃။ အချက်အလက်တွေ စုဆောင်းတာကို ရပ်လိုက်ပါ။
စုဆောင်းရမယ့်အချက်အလက်တွေ အများကြီးရှိပါတယ်။ သင်ဘာလုပ်သင့်တယ် ဒါမှမဟုတ် ဘယ်သူ့ရဲ့အကြံဉာဏ်ကို နားထောင်သင့်တယ်ဆိုတာကို သင်မသိနိုင်ပါဘူး။ လူတိုင်းမှာ နည်းလမ်းသစ်တစ်ခုစီ ရှိတတ်ကြပါတယ်။ တကယ်လို့ သင့်ရဲ့ကိုယ်ပိုင်လုပ်ငန်းတစ်ခုကို အောင်မြင်ချင်တယ်ဆိုရင်တော့ သင်လိုက်နာမယ့် အကြံဉာဏ်တွေနဲ့ ပတ်သက်ပြီး သေချာဆန်းစစ်ရမှာဖြစ်ပါတယ်။ သင့်ရှေ့မှာလုပ်ဆောင်နေသူတွေဆီက ပညာယူပါ။ သင့်အနေနဲ့ရော ဘာတွေပေးဆပ်ရဖို့ရှိလဲ သုံးသပ်ပါ။ သင့်ကို နောက်တဆင့်တက်လှမ်းနိုင်စေမယ့် အကြံဉာဏ်ကို ရယူပြီး ကျန်တာတွေကို ခဏမေ့ထားပါ။ လိုအပ်လာချိန်မှာ ထုတ်သုံးပါ။
၎။ သင့်ရဲ့ပရိသတ်ကို အာရုံစိုက်ပါ။
ဒီအချက်က လူအများစုရင်ဆိုင်ကြရတဲ့ အခက်အခဲတစ်ခုဖြစ်ပါတယ်။ များပြားလွန်းတဲ့အလုပ်တွေနဲ့ အခြားအရေးကြီးကိစ္စတွေပေါ်မှာ အာရုံစိုက်ဖို့ လွယ်ကူပေမယ့် သင့်ကို အားပေးမယ့်ပရိသတ်မရှိဘူးဆိုရင် ဘာအဓိပ္ပါယ်မှ မရှိပါဘူး။ သင့်ရဲ့လုပ်ဆောင်မှုကို ထောက်ခံအားပေးမယ့် လူတစ်စုရှိနေဖို့ လိုပါတယ်။ လူမှုကွန်ယက်စာမျက်နှာတွေမှာ ရေးသားတာ၊ သတင်းစာ၊ ဂျာနယ်စတဲ့ မီဒီယာတွေမှာ ရေးသားတာတွေက သင့်ကို အခိုင်အမာထောက်ခံအားပေမယ့် ပရိသတ်ရရှိစေနိုင်တဲ့ နည်းလမ်းအချို့ဖြစ်ပါတယ်။ သင့်ကို အားပေးထောက်ခံမယ့် ပရိသတ်ရရှိဖို့ကို အာရုံစိုက်ပါ။ သူတို့ကနေတဆင့် ၀င်ငွေရဖို့ ဖြစ်လာပါလိမ့်မယ်။
၅။ ရောင်းချဖို့ မကြောက်ပါနဲ့။
သင့်မှာ အခိုင်အမာပရိသတ်တည်ဆောက်ပြီးပြီဆိုရင် ရောင်းစရာရှိတာ ရောင်းဖို့လိုပါတယ်။ ဒီလိုရောင်းချမှုက လူအများစုအတွက် စိတ်ပျက်သွားစရာဖြစ်နိုင်ပြီး ခက်ခဲတယ်လို့ ဆိုနိုင်ပါတယ်။ ဒါ့ကြောင့် တစ်ခုခုကို ရောင်းချတယ်ဆိုတာထက် အဖိုးတန်အရာတစ်ခုကို ကမ်းလှမ်းပေးတဲ့သဘောသက်ရောက်ဖို့ လိုပါတယ်။ သင့်အနေနဲ့ လူတွေအတွက်အဆင်ပြေစေမယ့် အရာတစ်ခုကို ပေးကမ်းပြီး သင့်တင့်မျှတတဲ့ အဖိုးနှုန်းထားတစ်ခု ယူတယ်ဆိုတာမျိုး ဖြစ်သင့်ပါတယ်။
ဝါသနာနဲ့ထပ်တူကျတဲ့ ကိုယ်ပိုင်လုပ်ငန်းတစ်ခု တည်ထောင်ရတာက မှန်မှန်ကန်ကန်လုပ်ဆောင်တတ်မယ်ဆိုရင် အောင်မြင်နိုင်ပါတယ်။ သင့်အနေနဲ့ လူတွေအတွက် ဘာလုပ်ပေးချင်တယ်ဆိုတာနဲ့ လူတွေကို ဘာလုပ်စေချင်တယ်ဆိုတာကို ရှင်းလင်းနေဖို့ လိုပါတယ်။ သုံးစွဲသူတွေအတွက် အဖိုးထိုက်တန်တယ်လို့ ခံစားရအောင် တန်ဖိုးပေါင်းထည့်ပေးပါ။ ဘယ်တော့မှ နားလည်ပါးရိုက်မလုပ်ပါနဲ့။ စိတ်ရှည်သည်းခံမှုနဲ့ ကြိုးစားမှုတို့က သင့်အိပ်မက်တွေကို အမှန်တကယ်ဖြစ်လာစေမှာပါ။
Credit: Gentleman Magazine
