မလေးရှားအိမ်ခြံမြေဈေးကွက်တွင် နေအိမ်များငှားရမ်းရာ၌
လူမျိုးရေးခွဲခြားမှုများ ကျယ်ပြန့်စွာပေါ်ပေါက်လျက်ရှိပြီး
အချို့သောနိုင်ငံသား များကို နေအိမ်ငှားရမ်းခြင်းမရှိကြကြောင်း R.AGE
သတင်းအေဂျင်စီက ဖော်ထုတ်တွေ့ရှိခဲ့သည် ဟု မလေးရှားအခြေစိုက်
သတင်း ဝက်ဘ်ဆိုက်တစ်ခုတွင် ဖော်ပြသည်။
R.AGE သတင်းအေဂျင်စီမှ သတင်းထောက် ၃ ဦးသည်
အိမ်ငှားရန် ကြေညာထားသည့် ကြော်ငြာ ၃၀ ကို တစ်ဦးချင်းစီ ဆက်သွယ်မေးမြန်းခဲ့ကြသည်ဟု ဆိုသည်။
၎င်းတို့ ၃ ဦးသည် လူမျိုး တစ်မျိုးချင်းစီ ဖြစ်ကြသည်။
ယင်းသို့ စုံစမ်းရာတွင် အိမ်ခြံမြေအကျိုးဆောင် (သို့မဟုတ်) အိမ်ရှင်များ၏
၅၀ ရာခိုင်နှုန်းက အိမ်ငှားရန် ငြင်းဆန်ကြကြောင်း၊ ၎င်းတို့အနေဖြင့် မည်သို့သောလူမျိုးစုကိုသာ ငှားရမ်းမည်ဖြစ်ကြောင်း ပြောကြားခဲ့ကြသည်
ဟု ဆိုသည်။
ယင်းသို့ စုံစမ်းမှုကို တယ်လီဖုန်းဖြင့် ဆက်သွယ်မေးမြန်းခြင်းဖြစ်ပြီး ဆက်သွယ်မေးမြန်းထားပုံကို ဗွီဒီယိုမှတ်တမ်းရိုက်ကူးထား
ကာ R.AGE က ၎င်းတို့၏ ဖေ့စ်ဘုတ်လူမှုကွန်ရက်စာမျက်နှာတွင် လွှင့်တင်လိုက်ရာ မလေးရှားနိုင်ငံသားတို့အကြား
များစွာပျံ့နှံ့လျက် ရှိနေသည်ကို တွေ့ရသည်။
မလေးရှားအိမ်ခြံမြေအကျိုးဆောင်တို့၏ ပြောကြားချက်အရ ယင်းသို့လူမျိုးရေးခွဲခြားမှုမှာ မလေးရှားတွင်
ကျယ်ပြန့်စွာ ပေါ်ပေါက်လျက်ရှိသည့် အလေ့အထတစ်ခုဖြစ်ကြောင်း ပြောကြားသည်။မည်သည့်လူမျိုးဆိုလျှင် ချက်ချင်းငြင်းပယ်ရမည်
ဟု အိမ်ခြံမြေပိုင်ရှင်တို့က အကျိုးဆောင်တို့ကို
ညွှန်ကြားထားသည်ဟုလည်း ဆိုသည်။
R.AGE က ဖေ့စ်ဘုတ်တွင် လွှင့်တင်ခဲ့သည့် ဗွီဒီယိုကို
လက်ရှိအချိန်အထိ ပြန်လည်ဝေမျှသူ ၃၇၇၁ ဦးနှင့်
ဝင်ရောက်ဝေဖန် ရေးသားမှုပေါင်း ၄၆၃ ကြိမ်ရှိနေသည်။
Dhibeshiny K. Jaya Raman အမည်ဖြင့် ဖေ့စ်ဘုတ်သုံးစွဲသူ
တစ်ဦးက ၎င်းအိမ်ငှားရန် ဆက်သွယ်စုံစမ်းရာတွင်
အိမ်ရှင်က ခွေးဖြစ်လျှင်ပင် ကိစ္စမရှိကြောင်း ပြောကြားခဲ့ပြီး လူချင်းတွေ့သောအခါတွင်မူ နေအိမ်ငှားရမ်းတော့ခြင်းမရှိကြောင်း၊ အခြားအိမ်ငှားများက အိန္ဒိယနိုင်ငံသားကို အလိုမရှိကြကြောင်း
အိမ်ရှင်က ပြောကြားခဲ့သည်ဟု ရေးသားထားသည်။
Shoban Raveendran အမည်ရှိ ဖေ့စ်ဘုတ်သုံးစွဲသူက ရေးသားထားရာတွင်
မူ မိမိသည် အိမ်ခြံမြေပိုင်ရှင်ဖြစ်ကြောင်း၊
မိမိကို အိမ်ခြံမြေအကျိုးဆောင်များက မကြာခဏမေးမြန်းလေ့ရှိသည့် မေးခွန်းမှာ မည်သည့်လူမျိုးကို ငှားချင်သနည်း၊ မည်သည့်လူမျိုးကို မငှားလိုသနည်းဟူသည့် မေးခွန်းဖြစ်ကြောင်း၊ မည်သည့်လူမျိုးပင်ဖြစ်စေ ပြဿနာမရှိပါဟု ပြန်လည်ပြောကြားသည့်တိုင်
အိမ်ခြံမြေအကျိုးဆောင်တို့က အချို့သောလူမျိုးများကိုသာ
ငှားရမ်းစေလိုသည့် သဘောရှိကြသည်ကို ရိပ်စားမိလာကြောင်း ဝင်ရောက်ဝေဖန် ရေးသားထားသည်ကို တွေ့ရသည်။
Wong Weng Fai အမည်ရှိ ဖေ့စ်ဘုတ်သုံးစွဲသူကမူ အိမ်ခြံမြေပိုင်ရှင်တို့ကို အကာအကွယ်ပေးမည့် ဥပဒေမရှိကြောင်း၊ သို့အတွက် နံပါတ် ၁
အနေဖြင့် အိမ်ရှင်တို့၏အခွင့်အရေးကို ကာကွယ်ပေးမည့်
ဥပဒေပြဌာန်းပါ၊ နံပါတ် ၂ အနေဖြင့် လူမျိုးရေးခွဲခြားမှုကို
တားဆီးမည့် ဥပဒေပြဌာန်းပါဟု ဝင်ရောက်ရေးသားထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)